حريات ايه ؟؟؟؟؟

[saleh84eg]

الحريــــــــــــــــــــــــه

بداية أتمنى قراءة موضوعي للأخر

الجميع بيطالب بالتغيير ممكن واحد يقولى لو الحكومه وقعت فين الحزب اللي يقدر يوقف ويقول انا قادر على التعامل

فين الحزب اللي ما ليه انتماء الى جهه معينه
فين الحزب اللي اعضاءه كلهم على قلب رجل واحد
شباب لازم يكون في بديل جاهز دا اولا
انا رأي ان المطالبه تكون بالاتي :

1 _ العداله الاجتماعيه بين الناس الرواتب اللي فيها فروووووووق

2 - خلق فرص عمل حقيقه مش بطاله مقنعه

3 _ ازالة الرؤوس التي اصبحت عفنه وهي تتنقل من منصب لمنصب وهي لا تستحق حتى ذكر اسماءها


4 - اعاده انتخابات مجلس شعب جديد غير الحالي ويكون في شرط ان العضو اللي يترشح اقل من جامعي لا يقبل ترشيحه تمهيدا لان يكون اعضاء من يمثل الناس اقل شي اساتذة الجامعات وهم اكثر الناس علما وعملا


في متطلبات فعلا الشعب محتاجها مش حريات

* حريات ايه وانت عندك 54 جريده حريات ايه وانت جميع القنوات التليفزيونية مفتوحه على البحري

* حريات ايه وانا عمري ما سمعت عن انسان محترم اخذه تحري بدون سبب
* حريات ايه وانت بتتحرك في جميع محافظات بلدك بدون اي شرط او قيد
* حريات ايه وانت بتلطلع من بيتك في اي وقت وترجع في اي وقت
شباب مصر في حريات عن الدول العربيه كتير جدا جدا والله
في مصر تقدر تنام بالشارع لو عندك محل تنام فيه تسهر للصبح قدامه محدش هيقولك انت بتعمل ايه

شباب ياريت الناس تفهم الحريه صح

* يا شباب اللي يزيد عن حده ينقلب لضددة انت فاكرين لو سابو الحريه على الاخر الدنيا هتمشي صح
البلد هتتعبا فساد على أساس مبدأ الحريه وكل اللي تقوله غلط يقولك الحريه

يعني تفتح الباب للي يعبد الشيطان ويعبد مش عارف ايه ونبقى زي الهند كل واحد عنده اله في بيته

يا جماعه الشعب محتاج تخفيض الضرايب محتاج سلطه تنفيذية محترمه تعاقب المخطأ

تعاقب المرتشي اللي عبوا البلد بأقصى درجات الفساد
ياريت الناس تفهم مطالبها مش تطالب بحجات لو حصلت البلد هتولع
يا جماعه امريكا واسرائيل والغرب كله قاعد منتظر المسرحيه الهذيله اللي هتروح فيها



.....

قلب العروبه
مصـــــــــــــــــــــر