غباء X غباء
لما البس محترم و امشى كل يوم فى الشارع واتعاكس من شباب لا
عندها ولا دم ولا اخلاق ولا احترام
يبقى غباء فى غباء
لما ادفع مصروف الجامعه وانا فى سنه اولى اربعه وتلاتين ج وادفعه
فى سنه رابعه 150 ج
يبقى غباء فى غباء
لما اروح الشغل كل يوم واطفح الدم فى التدريس لعيال فى قمة الغباء
والشقاوه اللى خلقها ربنا وصوتى يروح 365 يوم فى السنه
واشتغل زى الاله فى مدرسه خاصه لناس مبترحمش
واقبض فى الاخر 400 ج
يبقى غباء فى غباء
لما كل ما افتح توبيك فى مصطبة المهووسين او حتى فى اى حته
تانيه الاقيه سايب كل الفاسدين والحراميه والاشكال الزباله اللى فى
البلد وماسكين فنان شاب (تامر حسنى) بقالهم كذا سنه بيسلخو فى
جلده زى مايكون قتل قتيل
يبقى غباء فى غباء
لما اتنين خلاص هيتجوزو والاهل ينهو الموضوع عشان القايمه
يبقى غباء فى غباء
لما اكتر وقت تكتر فيه المسلسلات والبرامج يبقى فى شهر رمضان
يبقى غباء فى غباء
لما شاب يبقى متخرج بقاله خمس سنين وقاعد عالقهوه واول
ماحد يكلمه يقوله اصل البلد بايظه وكوسه ومش لاقى شغل وهو
اساسا قاعد عالقهوه وعمره ما لف عشغل
يبقى غباء فى غباء
لما واحد يبص لواحده غير مراته ويقول هى اهملت فى نفسها
وينسى يبص لروحه فى المرايه
يبقى غباء فى غباء
لما بنت يبقى لسه عندها عشرين سنه اول تعليق اى ست تقولهولها
"انتى اتجوزتى ولا لسه؟؟ متقلقيش يا حبيبتى بكره ربنا يرزقك
بابن الحلال اللى يسترك!!"
يبقى غباء فى غباء
لما واحده يبقى كل همها انها تبقى احلى صحباتها وان لبسها
يبقى عالموضه وان الشباب يبصولها وهى فاشله فى
الدراسه اساسا
يبقى غباء فى غباء
لما شاب كل همه انه يبقى بتاع بنات ويكلم بنات كتييييير
ويتسلى وناسى مستقبله وحياته ودينه
يبقى غباء فى غباء
لما تتعامل مع الخلق كلها بحسن نيه والناس تحكم عليك غلط
يبقى غباء فى غباء
لما واحد يزعل الناس اللى بيحبوه سواء امه او ابوه او حد
من اخواته عشان حضرته مش مقدر انه مفيش فلوس وعايز
يتفسح مع الشله وفاكر نفسه كبر
يبقى غباء فى غباء
تابع الباقى فى الترفيهى
المفضلات