تفجير عنيف امام كنيسه القديسين بالاسكندريه

**seha111** · 01-01-2011, 09:36 PM

ارحمنا يارب
شكرا جدا لاخوتى على التعازى

**الصندوق الاسود** · 01-01-2011, 10:57 PM

الجميل ان ندرك ما يحدث والاجمل ان نحاول توعيه الناس
ضعيفى النفوس وقليلى الوعى
وهذا دور اخوتى المثقفين من اعضاء ورواد الجيم فلاش
ودام لنا وطننا الغالى امنا

**ZIPOO007** · 01-01-2011, 11:07 PM

امبارح كنت بهني اصحابي المسيحين براس السنة والنهاردة عرفت الخبر الموجع دة وانا من الاسكندرية من محرم بيك يعني بيتي الي ساكن فية فية قسيس ومسيحين وكلنا طول عمرنا عايشين مع بعض منغير اي مشاكل نهائي والي بيحصل في الوقت الحالي دة لا يمكن يكون من مسلمين لان الدين الاسلامي مفهوش كدة ودية ناس عايزة تعمل فتنة بين المسلمين والمسيحين واحنا عمرنا محننقلب علي بعض ابدا

**michel_tango** · 01-01-2011, 11:49 PM

ربنا يرحمنا جميعا

**KaTy 3G** · 02-01-2011, 12:41 AM

طبعا انا مش قادر اوصف المنظر اللى انا شفته انا كنت فى مكان قريب جدااا من الحادث

و مره واحده لاقينا البيت اتهزر جامد قلنا برق او زلزال لكن لقنا ناس بتجرى على الشارع

نزلنا و بجد مش قادر اوصف المنظر المريب حسبى الله و نعم الوكيل ربنا يجحم و يهلك من قام بهذا العمل المشين

يا جماعه المصابين و الاموات مسلمين و مسيحين الجامع اللى فى وش الكنيسه كله مليااااااااان دم

بس الحمد لله النهارده حصل اللى محدش كان متوقعه و اللى هو هجوم المسيحين على المسلمين و العكس

لان المنطقه ديه كتير شافت احداث فتنه و كانت بتحصل فيها بلاوى و اكيد كلكوا عارفين احداث 45 اللى يبعد عن الكنيسه حوالى 10 دقايق مشى

النهارده لاقينا المسلمين والمسيحين يرفعون شعار يحيا الهلال و الصليب و كلنا فداء الوطن ديه كانت الاغلبيه

بس كان فى بعضض الاخوان المسيحين مشحونين من الموقف بس برضه لما حصل مشاداه كلاميه لا اكثر

كانوا بيفضوها بسرعه الناس و عايز اقولكم ان كاميرات الجزيره كان بتصور و الناس قعدوا يشتموا فيهم

**AhMEd TOhAMY** · 02-01-2011, 01:07 AM

النهارده لاقينا المسلمين والمسيحين يرفعون شعار يحيا الهلال و الصليب و كلنا فداء الوطن ديه كانت الاغلبيه

هو ده المطلوب ان ده وقت احنا نتحد فيها
ونبقى عرفين مين عدونا الحقيقى
ومنفرحوهوش فينا
ويحقق اللى هو عاوزه
ويقعدو يضحكو علينا بعد كدا
اعتقد ان الاغلبيه عارفين الكلام ده
لان والله احنا مستهدفين وده مش من النهارده
ده من ايام جدى وجدك

**أبى الفاروق** · 02-01-2011, 01:17 AM

حسبى الله ونعم الوكيل
انتبو يا مصريين من الفتن
وهذا اسلوب قذر ومعروف من زماان
من ايام النبى صلى الله عليه وسلم
لما بعتو واحد مسيحى قتل مسلم فى مسجد والعكس بعتو واحد مسلم قتل مسيحى امام كنيسه
حتى ايام صلاح الدين نفس الاسلوب
حصل مع صلاح الدين وريتشارد
والخونه كثره وفى كل مكان
ياريت نفهم بقى ونبطل عصبيه
ونعرف مين هو العدو الحقيقى
ربنا ينتقم منهم باذن الله

**الصندوق الاسود** · 02-01-2011, 01:02 PM

شكرا كاتى على وصف ذلك المشهد الجميل لروح الاخوه والمحبه
بين اقباط مصر ومسلميها واوجه الدعوه لكل مسلم عربى
ان يكون الاحتفال بميلاد السيد المسيح هذا العام
تحت شعار ترنيمه الوحده الوطنيه
ولتكن تلك الترنيمه هى الانشوده التى تضرب يد الارهاب بقبضه من حديد