عطل الشاشة فى الـ 5800 قابل للمناقشة الهامة والتحذير

[حسن هنرى]

اخوانى الكرام اعضاء الجيم فلاش هذه المناقشة بخصوص عطل الشاشة اثناء قفل المفاتيح وحلها بالطريقة المعتادة التى ظهرت مؤخرا وهى وضع قطعة مغناطيس فوق الشاشة لان المغناطيس يؤثر على بيانات الشاشة ويساعد فى تنظيمها
ولــــــــــــكـــــــــــــن
المغناطيس ايضا يؤثر سلـــبـــيـــا على الشاشة نفسها وعلى مسارات البيانات الداخلة للشاشة وذلك بعد فترة من وضع المغناطيس بطريقة مباشرة ودائمة على الشاشة
وهذا الموضوع تكرر معى اكثر من مرة والذبون رجع تانى بالشاشة فاصلة نهائى واحيانا وبنسبة ضئيلة تعود كما كانت مشكلة بيانات
وتأكدت من هذا الموضوع عندما وجدت احد الاعضاء وهو اخونا moulaha وكان رده على المشاركة بخصوص المغناطيس كالاتى
أنا جربت المغناطيس و تم حل المشكل... لكن و بعد مرور أقل من ساعتين أصبحت الشاشة سوداء... و لحد الآن لم أجد الحل....
والموضوع والرد موجود هنا
https://www.gem-flash.com/vb/showthr...=174829&page=2

خلينا نبص كده لو حطينا مغناطيس او السماعات جنب شاشة كمبيوتر او تليفزيون هنلاحظ ايه؟
هنلاحظ ان الوان الشاشة اتغيرت من الجنب اللى فيه المغناطيس ولو شيلت المغناطيس هترجع الالوان تانى
بس
لو حطيته فترة كبيرة وشيلت المغناطيس هتلاقى الوان الشاشة بنسبة كبيرة فضلت بايظة زى ما يكون المغناطيس موجود بالظبط
وده حال شاشة 5800 بعد وضع المغناطيس لفترة وهى تلف الشاشة
ارجو من الاعضاء وكل من قام بتجربة الحل ده يقول رأيه وفكرته حتى لا نضر اجهزتنا واجهزة الزباين ويكون ده تحذير لكل من يقوم بالحل ده
وشكرا ليكم اخوانى
GEM-FLASH

[ahmedana]

طبعا المغناطيس بيأثر على الشاشة دة كلام ما فيش جدال فية والكلام اللي انت كاتبو كلام سليم بس يا اخي ظربو الاعور لى عينو كدة كدة العيب بيكون في الشاشة ف‘ديها مسكن ومشي حالك

[elking abbas]

طبعا لازم تبوز الشاشة من المغناطيس اللى انتوا بتحطوا
كل الصور المعروضة للمشكلة دى فى المنتدى بيبقوا حاطين مغناطيس كبير اوى وكمان فو الشاشة وهو ده اللى بيخلى الشاشة تبوز وكل اللى بيحط المغناطيس بيستسهل ويحط مغناطيس اى جهاز فيه سلايد لاحظ اخى الكريم فى الصورة الاولى فيه استيكر بيتشال مش بنحط المغناطيس فوقيه
وفى الصورة التانية هتوضحلك ايه السبب اللى بيخليك تحط مغناطيس اساسا وكمان هتوضحلك حجم المغناطيس اللى انت المفروض تحطه
وفى الصورة التالتة هتوضحلك انت المفروض هتحط فين مكان المغناطيس بالضبط وبعد كدة هتلزق اللاستيكر تانى وعلى فكرة انا مجرب الموضوع ده كتيير جدا جدا وعمر ما الزبون رجع تانى
والمشكلة من الاساس ان الجهاز ده فيه منه فيرجنين وكل فيرجن ليه شاشته ولو هى شاشته عمره ما هتعمل كدة

[marwan egy]

مشكور يا حسن باشا علي التحذير

[حسن هنرى]

كلام سليم يا شباب وبرضو فى انتظار باقى الاراء لحين الوصول الى ادق تفاصيل واخر الموضوع هنقول ايه الصح وايه الغلط ونريح دماغنا ونقول للزبون شاشة ونريح بدل ما نتعب نفسينا وندخل نفسنا فى قيل وقال

[mansy_ko]

شباب الاول احب اشكركم على طرح الموضوع ده لان فى ناس كتيير بتعانى منه وانا واحد منهم

بس ايه الحل فى تلف الشاشه ؟؟؟؟

انا مش عارف اعمل ايه وكنت لسه عارف موضوع المغناطيس ده , ياترى رايكم ايه اكمل واضع المغناطيس داخل الجهاز ولا فى حل تانى

[MouAeD1989]

حبيبي الموضع باين ومافي داعي لأي مناقشة المشكلة في الشاشة نفسها استبدلها ونتهى الامر
انا عن نفسي استبدل الشاشة واريح بالي

[حسن هنرى]

حبيبي الموضع باين ومافي داعي لأي مناقشة المشكلة في الشاشة نفسها استبدلها ونتهى الامر

انا عن نفسي استبدل الشاشة واريح بالي

اشكرك اخى على مرورك وانا عارف ان العيب بيبقى من الشاشة ولكن انا طارح الموضوع للمناقشة لمعرفة هل المغناطيس بالفعل له ضرر سلبى قوى على الشاشة ام لا ولو كان موضوع المغناطيس حل جزرى ولا يضر بشىء فما الداعى من وضعه بدل من تغيير الشاشة فهذا اقل فى التكلفة وطبعا انت عارف ان سعر الشاشة غالى والذبون بيحب الاقل تكلفة ومتشكر ليك مرة اخرى على مرور الجميع وفى انتظار باقى الاراء

[حسن هنرى]

شباب الاول احب اشكركم على طرح الموضوع ده لان فى ناس كتيير بتعانى منه وانا واحد منهم

بس ايه الحل فى تلف الشاشه ؟؟؟؟

انا مش عارف اعمل ايه وكنت لسه عارف موضوع المغناطيس ده , ياترى رايكم ايه اكمل واضع المغناطيس داخل الجهاز ولا فى حل تانى

اخى نحن نناقش الموضوع ولا زلنا لم نتأكد من هل نكمل موضوع المغناطيس ام نغير شاشة مباشرة ولكن انتظر ولا تتخذ فكرة المغناطيس حاليا حتى لا تضع نفسك فى مشاكل مع الذباين والذبون يرجعلك تانى بالشاشة ويقولك انت ماعملتش حاجة وتدخل نفسك فى قصة مالهاش لزمة وانصحك بالانتظار قليلا وستجد الحل هنا ان شاء الله

GEM-FLASH

[mansy_ko]

اشكرك اخى حسن على ردك وانا حعمل واستنى زى ما انت قولت

بس عايز اقول حاجه احنا لو حطينا المغناطيس واثرت سلبا على الشاشه ده مش حتفرق ماهيه كده كده بايظه واكيد لازم تتغير ( وزى مابيقولوا عندنا فى مصر ضرب الاعور على عنيه ........................)

بس المهم هوه لو فى تاثير على الجهاز كله دى فعلا اكبر مشكله