اخواني مستخدمي الجيم فلاش
طابت ايامكم بكل خير
موضوعي اليوم موضوع مهم جدا وعايز كل واحد يركز جدا في الكلام دة علشان لو فهمت الكلام اللي هقولهولك كويس تأكد انك هاتكون من محترفي سوفت وير الاجهزة الصينية على بوكس اسبيدرمان
واليوم هانستخدم الطريقة العلمية لكل ما يخص تفليش وفورمات الاجهزة الصينية وبالدليل القاطع
ابدأ موضوعي على بركة الله
في الاونة الاخيرة انتشرت مشاكل كثيرة من اهمها بعد الفورمات او التفليش
الجهاز يكتب
طوارئ
أو يكتب عبارة
الجهاز مشفر للابد
او عبارة
خدمة محدودة
او عبارة
no licensed toproduce
او الجهاز يفصل نهائي
ودة ناتج عن اتباع طريقة خاطئه للسوفتوير
واليكم الطريقة الصحيحة والعلمية لعملية التفليش والفورمات على بوكس الاسبيدرمان
اولا تعالى نعرف ازاي نخلي الجهاز يشوف البن اوت الخاص بالجهاز ودي طبعا بتكون عن طريق توصيل الجهاز بالبوكس بالطريقة الصحيحة وعمل سيرش فون على البن اوت زي الصور دي
طبعا كلنا هانقول ما هية دي الطريقة المعروفة اقوللكم انتظرو علشان نشوف باقي التفاصيل
ثانيا اول حاجة بعد العثور على البن اوت هانسحب الفلاشة بتاعتنا زي الصورة تمام وناخد بالنا من اديسات الفلاشة لانها مهمة جدا في عملية الفورمات لتفادي المشاكل وهاشرح دة بالصور
لحد دلوقتي كل الحاجات دي معروفة طيب ندخل شوية في الجد هانيجي لاهم حاجة وهي ملف الnv ودة بيكون سبب كثير من الكوارث التي تواجهنا مثل تشفير الجهاز والطوارئ الخ.... فلازم نعمل حسابنا ونسحب ملفات الـ nv ايوة بقول ملفات لانهم ملفين وليس ملف واحد وانا بسميهم ملف الـ nv (الازرق) ودة بيكون خاص بالتشفير للجهاز زي الـ RPL تمام والملف الثاني اللي بطلق علية ملف الـ NV (الاخضر) ودة خاص بمناطق التشفير وتردد الشبكة زي ملف الـ PM تمام ودة يخص مشاكل الطوارئ وادخل البطاقة زي ال A200 وخدمة محدودة وهانعرف سبب تسمية الملفين بالازرق والاخضر بعد كدة هانعرف لية اتسمت بكدة
نيجي للطريقة الصحيحة لسحب ملفات الـ NV هانعمل زي الصورة تمام هانختار الاختيار الخاص بسحب الملف الرأيسي ( الازرق)
لاحظ عملية سحب ملف الNV الرأيسي وكمان لاحظ ادريسات الملف هانلاقيها مختلفة عن ادريسات الفلاشة وهنا نقف شوية ونفكر لية الادريسات الخاصة بالملف الازرق مختلفة عن ادريسات الفلاشة والملف دة بيكون امتدادة .BIN لاحظ الشرح بالصورة
لاحظ اكتمال عملية سحب الملف الاول لاحظ ادريسات الملف غير ادريسات الفلاشة وهنا اللغز الذي يجعل هذة المشاكل تحدث بعد الفورمات ربما لان ادريسات الفلاشة وملف الNV غير متوافقة
بعد كدة نتجة على طول لحفظ الملف الثاني ( الاخضر) والاسم العلمي ملف NVRAM الخاص بالرام او الذاكرة نعمل زي الصورة
لاحظ اكتمال عملية حفظ الملف على الكمبيوتر انظر الصورة
نيجي بقى لاهم حاجة وهية عملية الفورمات لازم نتأكد ان البوكس بيفرمت الجهاز اوتوماتيكي بالادريسات الصحيحة علشان نضمن نتائج افضل وانا برجح ان لو قدرت اعرف ادريسات الفلاشة الموجودة على الجهاز يكون افضل ان اعمل فورمات يدوي لتفادي مشاكل الفورمات بالاخص للانواع الجديدة المجهولة لحد ما نتأكد من ان البوكس بيتعامل معاها بالطرية الصحيحة ولما نتأكد نعمل فورمات اوتو ماتيك
وانا بتعامل بالطريقة اليدويه وما فيش مرة خيبت مني زي الصورة تمام
لاحظ عملية الفورمات ولاحظ تغيير البرنامج للادريسات مع اني كاتبلو الادريسات يدويا ودة اللي بيحصل في الاجهزة الجديدة وهذة التجربة اللي انا شارح الموضوع عليها كانت على جهاز ZTC N73 والفورمات الخاطئ من البوكس بيسبب المشاكل بتلف ملف الNV لان هذا هذة الملفات بتتأثر بعملية الفورمات انظر الصورة القادمة
الصورة التالية تبين اكتمال عملية الفورمات بنجاح لاكن الجهاز جاب عبارة
no licensed toproduce
ودي بتحصل في اجهزة شركة ZTC و شركة جي فايف الشعلة الجديدة بتقابلنا مشكلة عدم الاتصال بالشبكة ودة ناتج عن فورمات ملف الNV بأدريسات غلط وعلاجها اننا نرجع ملفات الNV تاني لذلك كان لازم نسحبها حتى لو الجهاز شغال او قاطع لتفادي المشاكل
وفي الصورة التالية عملية استرجاع ملف الNV الرأيسي(الازرق) انظر الصورة
لاحظ كمان رجوع الملف الى الهاتف ولاحظ شريط التقدم بيكون
لون الشريط ازرق
وفي الصورة القادمة لاحظ عملية ارجاع الملف تمت بنجاح
معلومة مهمة ممكن الملف الاول يحل مشكلة
no licensed toproduce
في ال N73 ZTC ولاكن بشرط عدم الفورمات بعد نزول الملف
نيجي لتنزيل الملف الثاني (الاخضر)
لاحظ نزول الملف التاني وبيكون
لون شريط التقدم باللون الاخضر
ودة بيكون خاص بالرام انظر الصورة
والصورة الاخيرة بتبين نزول الملف الثاني (الاخضر) بنجاح والملف دة خاص بمشاكل عدم الاتصال بالشبكة مشكلة الطوارئ مشكلة لا يمكن الاتصال المباشر مشكلة الخدمة محدودة
وبكدة نبقى اخذنا النقط المهمة لتفليش الهواتف الصينية من فئة MTK من غير مشاكل وبطريقة علمية
صور الشرح في المرفقات لمن يواجه ضعف سرعة الانترنت
واخيرا وليس آخرا اتمنى ان تكونو قد استفدتم
تحياتي
أحمد حمدي
ابو عمر
AHMEDANA
المفضلات