اعطال الشحن لكل الاجيال

[elselhab]

بسم الله الرحمن الرحيم

في البدايه تحيه عطره لكل أعضاء منتدانا الغالي ، موضوعنا النهارده هو أزاي نحدد أي مشكله تخص الشحن لكل أجيال النوكيا وتقريبا دا أسهل عطل ممكن نتعامل معاه في أي جهاز نوكيا ولكني أجد البعض من أخواني بالمنتدي يتعثروا في تحديد العطل ، أسمحولي اولا بتعليق بسيط أجد دائما البعض من الاعضاء وعلي مستوي المنتديات العربيه والاجنبيه وليس بمنتدانا فقط، يعتمد علي الغيرفي تحديد العطل وتلاقي دايما مشاركات فيها (ممكن صوره للأيسي الفلاني ،، طيب مكانه فين، وحاجات زي دي كتير)
طيب هو اللي بيديك الصوره أحسن منك في ايه، عشان كده ياجماعه لابد
من تعلم قرائه المخططات لانها السبيل الوحيد لأتقان مهنه الصيانه بأحتراف ،وتذكرو دائما انها مهنه مبنيه علي تشغيل الدماغ وليس العضلات،، وأعذروني طولت عليكم ..........
في البدايه دا رسم توضيحي لمسار الشحن لكل اجيال النوكيا

[عبدو جلو]

بالفعل موضوع يستحق الوقوف عنده تسلم ايدك

[elselhab]

بنبدأ المسار بتلامسات سوكت الشحن وبعد كده بنمشي مع الطرف الموجب بنلاقي الفيوز يمر التيار من خلالها وبعد كده بنلاقي ملف وبرده بيمر التيار من خلاله وبعد كده بنلاقي موحد ومن اسمه بيقولنا ان وظيفته هي السماح للتيار بالمرور في اتجاه واحد او توحيد التيار وله طرفين موجب وسالب يمر التيار بطرفه الموجب ، وتم استبداله في الموديلات الجديده بكريستاله شحن عند رفعها من البورده نجد ان لها اربعه ارجل ، رجلين موجب ورجلين سالب برده بيمر التيار من الرجلين الموجب واحيانا نجد مقاومه او اتنين بعد كده وفي النهايه بيبقي ايسي الشحن زي ما وضحت في الصوره
متمثل في جيل DCT4 & WD2 بأيسي اليو أم ، وفي جيل BB5 بأيسي التافو او البيتي ،، اتمني أكون قدرت ابسط الفكره.......
ودلوقتي هنتكلم شويه عن بعض المشكلات اللي بتصادفنا زي عدم الاحساس بالشاحن و مشكله لايشحن او البطاريه لاتشحن ومشكله الشاحن غير مدعوم والشحن الوهمي...
1- عدم الاحساس بالشاحن ، بنبتدي شغلنا بمراجعه سوكت الشحن بالتنضيف الجيد والتأكد من سلامته ونستخدم الأفو في عمليه القياس من الطرف الموجب من تلامس سوكت الشحن تصاعديا للفيوز واذا وجد قطع يتم التعويض بسلك معزول من طرفي الفيوز بعد كده نقيس الفيوز ويتم التعويض عنها بقفلها بالقصدير في حاله تلفها وبعد كده نقيس من الفيوز لطرفي الملف واذا كان قياسنا تمام نقيس من الملف للطرف الموجب من الموحد واذا كان قياسك سليم هيبقي في النهايه ايسي الشحن وفي حاله وجود كريستاله بدلا من الموحد يتم الاستبدال
2- مشكله لايشحن او البطاريه لاتشحن اولا كبدايه مهمه جدا يجب التجربه ببطاريه وشاحن اصلي ونجد البعض منا يضع بطاريات لأنوع مثل نوكيا 1110 وما شابهها البطاريه السودا لاجهزه اخري مما يسبب مثل هذه المشاكل في جيل الدست فور ومشكله الشاحن غير مدعوم احيانا في جيل البيبي فايف ، تنزيل سوفت ويربفرجن عالي مع بي ام موثوقه ودا لجيل الدست فور والدبيو دي تو،، التنظيف الجيد مكان سوكت الشحن ، المراجعه علي ريش البطاريه باعاده لحامهااو تغييرها في حاله الشك في عدم جودتها، استخدام المخطط وتتبع مسار ريشه BSI والمراجعه عليه بالقياس ورفع التالف نهائيا من البورده وأخيرا بتبقي المشكله من ايسي الشحن
3- الشاحن غير مدعوم ودي علاجها بسيط جدا برضه نجرب شاحن وبطاريه اصلي وبعد كده نرفع المقاومه المذدوجه ودي نلاقيه علي مسار ريشه BSI دا بالنسبه لجيل الدست فور ، اما بالنسبه لجيل البيبي فايف نستبدل مقاومه ال 47 كيلو ويمكنك استخراجها من المخطط بمنتهي السهوله وفي النهايه بيبقي الخلل من ايسي الشحن
4- مشكله الشحن الوهمي ودي في جيل الدست فور والدبيو دي تو احيانا بتتحل بتنزيل سوفت وير مع بي ام وفي النهايه بتبقي يو أم اما في جيل البيبي فايف يبقي عالطول نستبدل ايسي الشحن ، كان في طرق زي توصيل هزاز علي طرفي ريش البطاريه وتوصيل الشاحن بالجهاز وأذا اشتغل الهزاز يبقي ايسي الشحن سليم واذا لم يعمل يبقي ايسي الشحن تالف ويلزمه التغييربس كلنا عارفين ان لما اي جهاز بيبي فايف بيدخلنا بعطل شحن وهمي بيبقي ايسي شحن 100% ودلوقتي هنمشي مع بعض خطوه خطوه ونحدد مسار الشحن لأي جهاز نوكيا بأستخدام المخطط ومعانا مثال جهاز N95

[elselhab]

الموضووووووووع منقول للامانه ونسالكم الدعاء
وارجوا تثبيت الموضوع لاهميته ولو لفتره وجزاكم الله كل خير

[محمد العزازى]

شكرا اخى على الموضوع الرائع واحنا فى انتظار المزيد

[mmatrix]

موضوع من الاخر الله ينور عليك بجد

[‏ASEM DANIAL]

شكرا اخى على الموضوع الرائع واحنا فى انتظار المزيد

[elselhab]

بارك الله فيكم جميعا والي الامام معا ان شاء الله

[ابو السعد]

بارك الله فيك اخي السلهاب وبالتوفيق والتميز باذن الله وننتظر المزيد

[الفيحاء]

الف شكر ليك