انا مش بغلط
انا مش بحب الكدب
انا مش بنافق
انا .. انا ....انا
موضوع لفت نظري بشكل وحش اوى وخلاني افكر ازاي انقل النصيحة او بمعني اصح
انقل التميز جوانا بين اننا غلط او صح
سامحوني ممكن اكون جارح ممكن اقول كلام تقيل بس هو دا الواقع المزيف اللي كلنا فيها وانا اولكم مش معصوم انا
ولنفترض ان العضو الفلاني عمل موضوع بيتناقش فيه عن الكدب
نخش نلاقي كل الناس بتقول والله ما بحب الكدب ولا الكدبين
معا العلم انهم اصلا بيكدبوا ع روحهم
عمري ما شوفت توبك بيتكلم عن صفات ذم
الا وكله نكرها عن نفسه
كله قال دا مش بحبه
ليه احنا ما نخدش الكلام دا لينا بطريقه تخلينا نتغير
يحسسنا بنفسنا اننا فعلا بنغلط مش معصومين
شوفت اكتر من توبك الايام دي
سامحوني ان كنت مش برد ع الموضوع مش غرور ولا تكبر
بس لشيء جوايا بحس ان القلم مش بتاع الكاتب
بمعني ان فعلا بشوف مواضيع كتير ما تركب ع الشخصية اللي كاتبها
علشان كدا مش بعرف ارد
نرجع لموضعنا بقي
حد يتفق معايا ان عمره ما قال صفة في وحشه ع الملاء؟
في اللي هيقول لا وفي اللي هيقول اه
بس لا ليه واه ليه
اه علشان يحسن من نفسه
ولا علشان خايف ع نفسه
لو حسبناها حسبة بسيطة كدا
لو فكرنا ف تصرف بنتصرفه قبل ما نعمله ولو لثانيه صدقوني هنغير كتير ف حياتنا
مثال تاني لما نخش توبك بيتكلم ع النفاق اول رد ف بالنا
ربنا يشفيهم
سبحان الله طيب ما بلاش كدا ونخليها ربنا يشفينا ربنا يقدرنا اننا نبعد عن النفاق كلنا
مش نتكلم بصفة المعصومين
قبل ما نتكلم ع صفات احنا مش عارفين فينا او لا لازم نحسس روحنا انها فينا علشان نقدر نعالجها
انا لما حبيت اكتب التوبك دا حبيت انصح نفسي قبل اي حد
حبيت اوجه رساله للي بيغلط يقول انا غلط
للي بيشوف نصيحه لعيب جواه يقول فعلا انا جوايا كدا وربنا يقدرني ع اني ابعد عنه
مش كبرياء ولا غرور
بالعكس دي عزت نفس خلونا ولو لمرة وحده نقف قصاد نفسنا
ونقول لروحنا لازم نصحح ونفوق من غيبوبة العنتظة الفاضيه دي
سامحوني ان كنت اتكلمت باسلوب جارح او مش منمق لان
مش بعرف ازوق الكلام
والكلام دا ليا قبل ما يكون لحد
اسف ع الاطاله
المفضلات