قائمة الاعضاء المشار اليهم

النتائج 1 إلى 2 من 2

الموضوع: الحلقه الثانيه من برنامج رحله الى السعاده

  1. #1
    .::مدعم للسبورت(سوبر) وفائز بمسابقة نوكيا سوفت::.
    الصورة الرمزية king of Royal

    الحالة
    غير متواجد
    تاريخ التسجيل
    May 2010
    العمر
    28
    Phone
    N95
    المشاركات
    5,916
    الشَكر (المُعطى)
    20990
    الشَكر (المُستلَم)
    6595
    الإعجاب (المُعطى)
    41
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    1 مواضيع
    معدل تقييم المستوى
    156

    افتراضي الحلقه الثانيه من برنامج رحله الى السعاده

    كل يوم بتشرق فيه الشمس على الارض تبدأ الناس كل الناس تتحرك فى الارض عربيات واتوبيسات وطائرات.. تليفونات وايميلات واتصالات .. مصانع وجامعات ومدارس ونوادى .. تخيلوا كم التحركات اليومية للبشركل يوم من شروق الشمس لغاية الليل .. مليارات التحركات عارف الافلام السريعة .. وتفضل الناس تجرى وتتحرك .. كل التحركات دية سببها انهم بيدوروا على كلمة واحدة .. عايز اكون سعيد انا ومن ومعى . .. ياه كل حركة الانسان فى الحياة عايز اسعد .. لهم حق .. السعادة هى هدفنا فى الحياة .

    لكن وسط كل التحركات دية قليل اوى .. يتوقف لحظة .. يسأل نفسة .. هومين مصدر السعادة كل الجرى ده الحر مين معطى السعادة ... اللى طلع الشمس واجرى الحياة هومعطى السعادة .

    السعادة رزق من الله .. ادعى ربنا يرزقك السعادة (وَأَنَّهُ هُوَ أَضْحَكَ وَأَبْكَى)[النجم:43]

    لذلك اول نور انوره لك نور من رسول الله .. دعاء النبي مع كل شروق شمس .. عن عبد الله بن عباس ((سمعت نبي الله صلى الله عليه وسلم يقول ليلة حين فرغ من صلاته : اللهم إني أسألك الفوز في القضاء ، وعيش السعداء ، ونزل الشهداء ، والنصر على الأعداء .)) الترمذي

    عن عبد الله بن عمر قال قال رسول الله صلى الله عليه وسلم (( اللهم إني أسالك عيشة هنية وميتة سوية ومردا غير مخزي ولا فاضح )) الطبراني
    رحلة السعادة طريقة جديدة للى تعبان فى الدنيا وعايزيعيش سعيد ..
    رحلة السعادة للحزانا .. للمتألمين فى هذة الحياة ..
    سألت الاف الشباب هل انت سعيد ... لأ فين السعادة زهقان .. حياة ملل .. انا اصلا مش عارف ايه اللى بيسعد .

    فية شباب بيقول .. ازى اكون سعيد .. وانا مش لاقى حد يسمعنى .. يحترمنى .. يحتوينى .. يشجعنى .. يحبنى.. يقدر موهبتى .. يمد ليه ايده ينجحنى يشغلنى ..كله انت فاشل . .. اشعر بالكبت عايز حد يساعدنى احقق احلامى مش حعرف احققها وحدى .. انا حاسس به .

    فيه بنات نفسها اهلها يحتوها يحبوها يهتموا بيها حد احكى له .. عايز احتواء حنان .. يفهموها .. ابوها وامها اطلقوا عايزة دفء العيلة ومافيش جواز .... انا حاسس بيها .

    فية امهات ومطلقات وارامل يتألموا من صعوبة والام الحياة انا حاسس بيهم ونيتى اشارك فى ادخال بسمة رضا على وجه بنت 19سنه & شاب & ام & اب شقيان & شاب لسه متخرج او فى ثانوى .

    انا مش هعرف احل مشاكلكم المادية .. لكن انا معي مشاعل وانوار قلبية من كلام النبى للسعادة .. (( يَا أَيُّهَا الَّذِينَ آَمَنُوا اتَّقُوا اللَّهَ وَآَمِنُوا بِرَسُولِهِ يُؤْتِكُمْ كِفْلَيْنِ مِنْ رَحْمَتِهِ وَيَجْعَلْ لَكُمْ نُورًا تَمْشُونَ بِهِ وَيَغْفِرْ لَكُمْ وَاللَّهُ غَفُورٌ رَحِيمٌ )) الحديد 28
    لذلك ارجوكم جربوا معنا رحلتنا .. انت جربت حاجات كتير علشان تكون سعيد .. جربيت الخروج – الفسح – تشات طول الليل – تقلب صور على face book - سهر تلفلف بالعربية ساعات طويلة فى شوارع جدة، القاهرة ، بيروت – تتمنظر بمصاحبة اوعلاقة او على صاحبك بتليفون جديد وساعه – تتمنظرى بنوع شنطة او موبيل وشعر وميكاب ورموش .. ومش عارف تكون سعيد .

    وفية ناس صلت وصامت واتحجبت ومع ذلك غير سعيد برضه .

    ممكن تجرب رحلتنا للسعادة .. هو شرب السيجارة بفكرة جرب تنبسط .. هو اوهى شربت الشيشة بفكرة جرب تنبسط .. ممكن تجرب معنا 30بس جرب مش حتندم .

    بس اطلع معنا الرحلة .. جهز نفسك وانوى وخد نية الان واطلع معنا 30يوم وجرب والله مش حتندم .

    ليه بقول لك جرب ولن تندم ... لان سر هذا البرنامج انه مختلف عن كل اللى فهماه وعرفه الناس عن السعادة .

    الناس حاصرة السعادة فى حاجة واحده .. فكرة فى دماغها لوتمت هى دى السعادة .. فلوس – العيلة – الرضا – الصحاب – الصحة حاجه واحده بس تعملها تبقى سعيد .

    لكن احنا سر السعادة عندنا انها خلطة توليفة من 7حاجات السعادة مجموعة متكاملة ..لازم تكمل الـ 7حاجات لازم تكمل الرحلة كلها 30يوم ولو واحده ناقصة من السبعة اكيد تعيس .. فى ناس عارفة بس حاجة ملخبطة .. احنا بنظم معرفتك للسعادة .. احط ايدك عليها بشكل 1..2..3..الى 7 على اقل ان لم تسعد تعرف كيف تسعد .

    ايه السبعه دول اكتبهم معى ... هات كراسة سميها كراسة
    رحلة السعادة وسجل فيها اهم موضوع فى حياتك .
    ماهم الـ 7مجموعات دول .

    7 مجموعات هم :

    1) اول مجموعة :
    - ابدأ بداية صحيحة ( مع ربك - مع نفسك - مع حلمك وهدفك ) هى مجموعة تحديد الاهداف ( اجعل حياتك لله تسعد ، كن صاحب نفس مطمئنة كن طموحاً ) سميناها مجموعة" ارسم خطك الى الجنة" بدون وضوح انت عايز ايه لن تسعد . رمزنا لها باللون البرتقالى .. لون شروق الشمس لانها مجموعة البدايات

    2
    )المجموعة الثانية :

    - اسعدمن حولك تسعد سميناها مجموعة عطاء بلا حدود . هى مجموعة عن (ابذر الحب – ارحم الضعفاء والمساكين – كن انساناً ) لوعايز تاخد بس دون ان تعطى لايمكن تسعد كن مثمراً ورمزت لها باللون الاخضر لون الخضرة والزرع والثمر .

    3) مجموعة ثالثة :

    - نفس نقية من موانع السعادة ( لا للقلق – لا للغضب – لاللكراهية والحقد والحسد – لا لذل النفس ) لو لم تزيل موانع السعادة وتنقى نفسك منها لايمكن تسعد ورمزت لها باللون الاحمر لون الخطر . احذر موانع السعادة .

    4) مجموعة رابعة :

    - قلب كبير يعفو ويرضى فية يسر وسامحة . هى مجموعة تتحدث عن ( الرضا – العفو – اليسروالسماحة ). ورمزت لها باللون الازرق لون السماء الصافية .

    5) المجموعة الخامسة :

    - مجموعة الارادة القوية لتنجح فى الحياة و لتحمل صدمات الحياة ( ارادة للنجاح فى الحياة - استقامة على طاعة الله - الصبر على محن الحياة ) ورمزت لها باللون الاصفر لون الذهب والشمس .. نفسك مع الصبر والارادة فيها بريق الذهب الاصفر اللامع .

    6) المجموعة السادسة :

    - مجموعة علاقات دافئة مترابطة مع كل المقربين (دفء الاسرة – صحبة صالحة – وفاء لاصحاب الفضل ) ورمزت لها باللون النيلى

    7)المجموعة السابعة :

    - صلة عامرة بالسماء .( صلاة – ذكر – دعاء – تفكر فى خلق الله – السلام النفسى ) ورمزنا لها باللون الابيض لون النقاء الكامل .

    راجع ومعى وانظر جيداً لهذة المجموعات السبعة ستجد انك لاغنى لك عنها جميعاً لتحقق السعادة فى هذة الدنيا .. هل انت مستعد الان لتطلع معنا الرحلة وتجرب السعادة مع هذة المجموعات السبعة .
    اذاً الـ 7ابدأ بداية صح .. اسعد من حولك بالعطاء .. نفس نقية .. قلب كبير .. ارادة قوية ترفع للنجاح .. علاقات دافئة من صله عامرة بالله .

    سبع مجموعات هى مكونات السعادة .. زى بازل لازم تكمل السبعة لتسعد .. لو واحده بس نقصت تكون شقى لوصفر فى واحده لن تسعد .. لكن كل مجموعه 3او 4 حاجات تتكون منها المجموعة ده البرنامج .. ورمزنا لكل مجموعه للتسهيل بلون من الالوان .

    سبب البرنامج :

    - انا اصلابعد رمضان الماضى وقصة موسى .. كنت ناوى على قصص القرآن 3وقصة سيدنا عيسى ... لكن حصل شئ من الشباب وخاصة البنات اثر جدا فى السنة الماضية .. رسائل انا حزين .. انا تعيس .. انا بلا امل .. انا محطم .. انا من كثرة الالم ذهبت للمخدرات .. انا اعيش فى قلق اكتئاب ... بعضهم وصل الامر بية لااريد لحياة .. اشعر اننى ساموت .. انا خايفة اوى وسمعت قصة شاب دمرة الحزن زى اللى موت نفسة على كوبرى 6اكتوبر .

    تأثرت بشدة بهم ووجدت نفسى مدفوع بقوة ان يكون البرنامج نور اضاءة للسعاده والامل .

    اكلمهم فى هذا البرنامج .. ايوه اكلمك انتى 16سنة و18سنة واكلمك انت 20و25سنة .

    اكلم الامهات اللى خايفة على مستقبل ولادها وجواز بناتها – اكلم رجال اغنياء وفقراء – اكلم رجال اعمال وموظفين واكلمنا كلنا لان كلنا محتاجين بعض السعادة .

    عندى لكم وصفة نور – مفاتيح من رسول الله للسعادة .. عندى شئ اقدمه لكم يجعل حياتنا احلى وارق واجمل.
    وشجعنى وعود ربنا الكثيرة بالسعادة فى الدنيا قبل الاخرة .. { ما أنزلنا عليك القرآن لتشقى } طه 2 .. ( فَمَنِ اتَّبَعَ هُدَايَ فَلَا يَضِلُّ وَلَا يَشْقَى) سورة طـه 123...( مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وّلنجزينّهم أجرهم بأحسن ما كانوا يعملون ) سورة النحل 97

    قول النبى صلى الله علية وسلم ((( إن أحدكم ليُجمع خلْقه في بطن أمه أربعين يوماً ، ثم يكون في ذلك علقة مثل ذلك ، ثم يكون في ذلك مضغة مثل ذلك ، ثم يرسل الله إليه الملَك فينفخ فيه الروح ، ويؤمر بأربع كلمات : يكتب رزقه ، وأجله ، وعمله ، وشقي أو سعيد ، فوالذي لا إله غيره إن أحدكم ليعمل بعمل أهل الجنة حتى ما يكون بينه وبينها إلا ذراع فيسبق عليه الكتاب فيعمل بعمل أهل النار فيدخلها ، وإن أحدكم ليعمل بعمل أهل النار حتى ما يكون بينه وبينها إلا ذراع فيسبق عليه الكتاب فيعمل بعمل أهل الجنة فيدخلها ) متفق عليه .

    بس اطلعوا معى رحلة 30يوم .. لانك لو ركبت معى لازم تكمل الرحلة .. رحلة يعنى حجز واعداد ونية ورغبة وما ينفع تنزل فى النص لازم تكمل .. انت كتير بكيتى وانت كتير اتألمت من احزان الحياة ... انا بوعدك لوطلعت معى رحلة 30يوم اقدم لك 30نور يكون لمسة حب وحنان لقليل يخفف المك ويمكن يزيلة ويحولة الى امل بس كمل معاى الرحلة كلها .

    نيتى فى هذا البرنامج :- افرحكم .. اسعدكم .. اشوف ابتسامة على وجوهكم .. انا تأتى ريالة على عمروخالد . نت .. انا نفذت الوصفة دية .. نور حياتى .. انا اسعد بهذة الحلقة صارت حياتى احلى.

    نيتى حديث النبى صلى الله علية وسلم " لايدخل الجنة شئ مثل ادخال السرور على الناس " كل الناس هذا البنامج مش للمسلمين فقط .

    نيتى حديث النبى عن السيدة عائشة رضي الله عنها قالت : قال رسول الله صلى الله عليه وسلمfrownمن أدخل على أهل بيت من المسلمين سرورا لم يرض الله له ثوابا دون الجنة ) الطبراني لذلك نفسى تشوفوا البرنامج كعيلة مش كل واحد لوحده .

    نيتى حديث النبى عن أنس رضي الله عنه قال " ” مَن لَقيَ أخاهُ المُسلِمَ بِما يُحِبّ لِيَسُرَّهُ بِذلك ، سَرّهُ اللّهُ عزّ وجَلّ يومَ القِيامةِ” الطبراني نفسى القى البنات والشباب بما يسعدهم ليسعدنى الله يوم القيامة .

    بس انا مش معاى عصا سحرية وحلول مشاكل الناس الصعبة فى هذا الزمن.

    الناس تعيسة الان لانها مفتقده الحاجات الاساسية للحياة " فقر- خوف – ظلم – عدم امان – تاخر زواج - بيوت مفككة – بطالة "
    ما الذى يقدمة برنامج فضائى 30يوم امام احتياجات اساسية للحياة هى سبب تعاسة الناس .
    بصراحة اسباب التعاسة و عدم السعاده فى عصرنا .. كتيرة اوى

    - فى نوع غير سعيد لانه مفتقد الامان ... أهل غزة محاصرين يفتقدون اساسيات الحياة – الامان – الطعام - الدواء ... ويشعرون بخذلان المسلمين لهم ... لذلك هم غير سعداء .

    - وفى نوع اخر غير سعيد ... نشا فى منطقة عشوائية – رائحة المجارى – الماء ملوث –
    لا فرصة عمل ... ازاى يكون سعيد .

    - ونوع اخر ... شباب بلاعمل يعانى من البطالة .. الان خريجين ينظر لحجم فرصتة فى حياة كريمة يجدها ضئيلة جداً .. قلقان هو واهله على المستقبل ... لذلك هو غير سعيد .

    - نوع ... بنات وصلت 29و30 بلا زواج هي وأمها وأهلها ... غير سعداء . ماذا استطيع ان افعل لهم .

    - نوع ... رجل اعمال .. تجارته كبرت – اعباؤة زادت – دائم السفر - ومناحية اعمالة – يعانى مشاكل عائلية ... ورغم كل مايمتلك ... هو غير سعيد .

    - نوع ... ستات مطلقات انفقت عمرها لاولادها ... ضحت بكل ماتملك لكن كمان قاسيين عليها .. مفتقدة الحب والحنان .. اكيد غير سعيد .
    - مريض مرض مزمن .. الام المرض رهيبة لايملك الدواء .. غير سعيد

    - نوع ... مظلوم يعانى من ظالمة قهروه – سجن اونصب علية ضاقت علية الدنيا فيشعر بالعجز امام ظالمة .. فهو غير سعيد .

    - نوع ... عنده عيال – الحياة غليت – مش لاقى مصاريف المدارس او يكسوهم ويسمع عن اللى انتحر او سرق او ديون يهرب بها .. فهو غير سعيد .

    - بنات مفتقده حضن الاسرة .. دول الاف بسبب الطلاق الرهيب كل عيلة فيها الان بنت من دول .

    - شاب عنده حلم مش عارف يحققه لان لا احد واقف جنبة .

    هذه كلها أسباب تجعل الإنسان غير سعيد ... أسباب كثيرة لافتقاد السعادة .

    ماهي نتيجة هذه الأسباب ... لها مظاهر

    حال من يفتقد السعادة .. مكتئب – يائس – فاقد الأمل – عصبي – فاقد الهمة – فتور – ناقم – يلجأ للعنف – أمراض نفسية وجسدية .

    هذة المشاكل لايمكن يحلها برنامج فى 30يوم ... سأقدم لك حل ليس شامل ... لان تمام السعادة مرتبط بالنهضة والإصلاح ... ولكن سأقدم لك شئ أخر .

    انا عندى ما اقدمة لك .. مشاعر واحاسيس وعواطف وايمان وطاقة روح وافكار جميلة تكون مشاعل نور.. املك شموع تنور لك حياتك وسط الظروف المادية المظلمة .

    انا لا انكر احتيجاتك المادية .. بس مش بايدى ولا ايدك لكن فيه انوار جميلة من رسول الله تخفف الام حياتك ساقدمها لك .. 30نور غيرى كل يوم واحد ويمكن حياتك كلها تتغير من حزن لامل وسعادة بفكرة اعرضها عليك .

    البرنامج سيتعامل مع الجوانب الشعورية وليس المادية .

    السعادة شئ معنوى لايرى بالعين ولايقاس بالكم .. السعاده احساس داخلى .. مشاعر .. احاسيس .. حب السعادة مصدرها ومقرها القلب .

    انما نحدد هذا البرنامج نتكلم عن الجوانب الشعورية .

    الماديات وجوداً او فقداً مش داخلة فوراً على السعادة وهى لاعلاقة لها بالاشياء سوء وجدت او فتقدت بينها وبين السعاده مسافة .. امال المسافة دية فيها اية .. اية اللى بيدخلك على السعادة مباشرة .. القلب عن النعمان بن بشير (( الحلال بين ، والحرام بين ... ألا وإن في الجسد مضغة : إذا صلحت صلح الجسد كله ، وإذا فسدت فسد الجسد كله ، ألا وهي القلب)) البخاري ومسلم قلبك مصدر سعادتك ..

    والقلب ملك الله .. عن عبد الله بن
    عمرو بن العاص قال : قال رسول الله صلى الله علية وسلم ((إن قلوب بني آدم كلها بين إصبعين من أصابع الرحمن . كقلب واحد . يصرفه حيث يشاء . ثم قال رسول الله صلى الله عليه وسلم : اللهم ! مصرف القلوب ! صرف قلوبنا على طاعتك )) مسلم
    (وَأَنَّهُ هُوَ أَضْحَكَ وَأَبْكَى)[النجم:43] ... عن عبد الله بن مسعود رضي الله عنه ، قال : حدَّثنا رسول الله صلى الله عليه وسلم وهو الصادق المصدوق : ( إن أحدكم ليُجمع خلْقه في بطن أمه أربعين يوماً ، ثم يكون في ذلك علقة مثل ذلك ، ثم يكون في ذلك مضغة مثل ذلك ، ثم يرسل الله إليه الملَك فينفخ فيه الروح ، ويؤمر بأربع كلمات : يكتب رزقه ، وأجله ، وعمله ، وشقي أو سعيد ) متفق عليه ..

    مشاعرك .. هى السعادة مباشرة .

    قد تملك كل شئ ولا تسعد ... قد تحل كل مشاكلك المادية ولا تسعد برضة ...فية واحد اسمة ماسلو عالم نفسى واستاذ كبير قضى 20سنة يريد ان يرسم هرم للسعادة ... لازم تمر بهرم تحقيق الاحتياجات من تحت لفوق وكل ماتطلع تكتمل سعادتك ... القاعدة الحاجات الاساسية للحياة (( حاجات الجسد .. اكل وشرب وملبس )) ثم الامان (( مال – بيت – معاش )) ثم النجاح فى الحياة (( العلم والعمل )) ثم تحقيق الذات (( تكريم الناس وتقديرهم لك )) عمل نظرية كسرت الدنيا
    wol errorتم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 800 * 524 و حجم 130KB.
    Ar Maslow27s hierarchy of needssvg copy

    .. قابل رجل اعمال قال له .. كلامك فاضى .. هرمك غلط .. انا عملت ووصلت لقمة الهرم وتعيس .

    قال له ماسلو :كل قاعدة ولها شواذ .. فقال رجل الاعمال سأتى لك بـ20رجل اعمال كلهم زى ... لما راح قابلهم انهار ...حس ان نظريته تحطمت ... عمل استقصاء واقعى .. شاف ناس فى قاع الهرم وسعداء وناس فى قمة الهرم وتعساء .

    فقال اذا الهرم ينقصة شئ .. متطلبات الروح .. احتياجات القلب .. هى المباشرة للسعادة .. امتدد الخير – العطاء – دفء الاسرة –نور الصلاة – نور الرضا .

    فاعاد الهرم ووضع على قمته شئ جديد سماه احتياجات الروح هى قمة هرم السعادة ... ده برنامجنا السنة دية .
    خلى باللك تانى انا لا الغى الحاجات المادية اللى انت محتاجها .. والإسلام لاينكرها يقول النبي صلى الله عليه وسلم: (أربع من السعادة: المرأة الصالحة، والمسكن الواسع، والجار الصالح، والمركب الهنيء)_[الحاكم]
    لذلك هذا البرنامج ليس مخدر للناس وليس ضد النهضة .

    بالعكس هو يضيء لك شموع تعينك على الاستمرار فى الطريق ,
    المحيط – اليأس .. احتمالات تغييره لواقعه المادي إلى واقع أفضل احتمالات ضئيلة .

    اما الإنسان اللى مشاعره تفيض بالإيمان المدرك إن نهايته يقيناً سعادة الجنة .. وانه يستمد طاقته من إيمانه ومن الله فتقوى روحة ويزيد أملة وبالتالي احتمالات وصولة للنهضة أعلى بكثير .

    فنحن نشحن بطاريات الإيمان والأمل لتمكن الناس من الاستمرار فى طريق النهضة .
    { واستعينوا بالصبر والصلاة }البقرة { يَا أَيُّهَا الَّذِينَ آمَنُواْ اسْتَعِينُواْ بِالصَّبْرِ وَالصَّلاَةِ إِنَّ اللّهَ مَعَ الصَّابِرِينَ} البقرة استعينوا على إيه ؟ ... استمرار الكفاح في الحياة .

    " رهبان الليل فرسان بالنهار"

    فلا انفى اهمية الاشياء لكن انا هنا اتكلم عن دور المشاعر فى سعادتك .. مع العلم انك سواء وصلت للاشياء او لم تصل قد لاتحقق السعاده .

    اما مع المشاعر فالوصول يقينى واكيد ... النفس المطمئنة .

    اذاً هدف البرنامج .. تبديد وازالة التعاسة من خلال توجية المشاهد الى انوار ساطعه يرى بها السعاده ..مشاعر – احاسيس – قلب مؤمن – برنامج ايمانى .

    ناس دخلت نفق مظلم ومش شايف وعمال تتخبط تتخبط وفجاة تخبط يسيل الدم من قدمك – رأسك .. فتضاء لك شمعه – شموع لازال عليك الكفاح لتخرج من النفق ..

    لكن اضاءة الشمعه لم تحل المشكلة لكن حققت لك الامان – الامل – الراحة – شمعة تولد طاقة اسمها قيام الليل – شمعه كلها امل اسمها احلم لبكرة .. لكن دروا لشمعه – الشموع طمأنة النفس .. ده دور البرنامج .

    عرفتك طريق الهدف .

    وكلما كانت الشمعة مضاءة كلما ... حافظ على الشمعة وأذكرك بها طول البرنامج .

    بس البرنامج مش حلقات منفصلة .. كل حلقة لواحدها .. لا السعادة مش حاجة واحده كل حاجة لوحدها لاشئ يجمع بينهما لادية مجموعة حاجات تتكمل مع بعض تعمل تركيبة السعادة معادلة السعادة ، كمياء السعادة .

    لان السعادة اصلاً ليس لها مسمى واحد .. دور فى الكتب والنت . ماهوتعريف السعادة .. لن تجد تسمية موحدة فى سطر كده للسعادة .

    لانها تركيبة من مجموعة حاجات .. 7حاجات .. 7حزم .. لونقصت واحده من الـ 7 دول تكون السعادة اكيد اكيد ناقصة .
    لو انت مكمل 6مجموعات وناقصة واحده .. اكيد شقاء .. لو واخد صفر فى مجموعة من الـ7 وواخد 10على 10فى الباقى برضة شقى .

    لذلك البرنامج اسمه
    رحلة .. ماينفع تشوف حلقة او اتنين تنفذهم وتقول ساعيش بهم سعيد .. لا لازم تكمل معى الرحلة كلها ..تحجز وترغب فى الرحلة .. 30يوم .. 7مجموعات كل مجموعة 3او 4 حلقات 4x7=28 لو عملت من كل مجموعة واحدة كويس بس لازم تكمل السبع مجموعات للسعادة الكاملة فى الجنة .

    ماهى الـ7 مجموعات ..

    1) ارسم خطك الى الجنة .. مجموعة تحديد الاهداف والحلم .. لو رسمت خط من هدفك وجعلته لله ليصل للنقطة الاخيرة وهى الجنه حيكون كل الخط الخاص بيك سعادة .. لانة رايح للجنة .

    2) عطاء بلا حدود .. لذة العطاء وسعادة .. كن مستمراً ... ومجموعة حلقات عن الحب & عمل الخير & الرحمة بالضعفاء والمساكين .

    3) نفس نقية من معوقات السعادة .. لا للقلق – لا للغضب – لا للكراهية – لا لذل النفس – لا للحقد والحسد .

    4) قلب كبير .. يعفوعن الناس ويرضى عن الله ويتعامل بيسر وسماحة وحلقات عن العفو والرضا والسماحة .

    5) ارادة قوية .. تتحمل صدمات الحياة بصبر وقوة وتجدد وحلقات عن الصبر وقوة الارادة والنفس المتجددة .

    6) علاقات دافئة مترابطة .. مع المقربين من حولك وحلقات عن البيت الدافئ واختيار الاصدقاء والوفاء لاصحاب الفضل .

    7) صلة عامرة بالسماء .. مع الله – الايمان سعاده – الصلاة نور – القرآن – قيام الليل – الدعاء .

    السعاده 7مجموعات نقولهم تانى لتحفظهم .. لو فيةواحده من الـ7ناقصة تضيع السعادة .. لو خدت صفر فى واحده تكون شقى .

    واحد كمل الـ6لكن بلاصلة عامرة بالسماء اكيد شقى & واحد بلاعلاقات اسرية دافئة اكيد شقى .

    واحد يأخذ ولا يعطى – واحدعنده كل موانع السعادة .. قلق حقد - حسد – غضب .

    النبى بدء بشقى او سعيد .. شقى الاول لان 1/7 الناس هو اللى مكمل السبعة .. هل انت من هذا السبع الباقى ام شقى .. ساساعدك تكمل الناقص من السبعة بافكار وطرق جديدة مش كلام نظرى

    لازم تكمل الرحلة معنا للـ 7مجموعات ... لان انت معاك السبع الناس متفاوته في سعادتها على مقدار الدرجات اللى حصلوها داخل كل واحد من السبعة .

    لذلك لو انت معاك السبعة معك اضواء السعادة لكن تريد ان تعلو داخل كل واحده تابع الحلقات

    هناك استقصاء على عمروخالد . نت فى الـ7مجموعات املؤة من اليوم لتعرف درجة سعادتك قبل بدء البرنامج من خلال 30سؤال .

    ثم هناك جدول تعملة لنفسك على الموقع ايضاً كل يوم بعد كل حلقة لتبدأ رحلة مع نفسك لتعديل صفة او عادة او اضافة نور لتكمل سعادتك .

    علماء النفس والاجتماع يقولوا ان اى صفة يحتاج ازالتها او اى صفة تحتاج يحتاج اضافتها 21يوم .. هى المدة التى تحتاجها لتغيير اى عادة او اكتساب اى عادة ... ورمضان 30يوم .. فرصة ذهبية عن عبد الله بن مسعود رضي الله عنه عن رسول الله صلى الله عليه وآله وصحبه وسلّم قال ( إذا كان أول ليلة من شهر رمضان فُتحت أبواب الجنان فلم يُغلق منها باب واحد الشهر كله ..ونادى منادٍ من السماء كل ليلة الى إنفجار الصبح : ياباغي الخير يمِّم وأبشر ، ويا باغي الشر أقصر وأبصرً) قال الحافظ المنذري : رواه البيهقي . .. وجزء للعادات رحلة .

    دور الموقع

    والله ياجماعة هذة الحلقات والسبع مجموعات مجربة وانا جربتها طول السنة اللى فاتت على ناس وعلى نفسى .. صدقنى جرب .. ستكون سعيد بس كمل الرحلة 30حلقة .

    هذا البرنامج للحزانى للتعساء .. جرب معى .. لبنات متألمة لتفكك العيلة .. لمطلقات مفتقدة الحب ... لشباب خايف من المستقبل .

    انا لا اضمن لك لو اخذت حلقة او 2 ان حياتك ستكون اسعد واجمل لانها 7مجموعات .. لكن انا اضمن لك لو اخذت حلقة واحدة من كل مجموعة تسعد لانها من رسول الله ولانها منظومة متكاملة للسعادة .

    انا لا املك حلول مادية لمشاكلك لكن اضمن ادخل مباشرة على مصدر السعادة قلبك بافكار نبوية تشعر معها بطمانينة ومش مخدر لا استعداد اكبر للنجاح فى الحياة .

    ولأن انا عايز احفظك الـ 7مجموعات حنعمل حاجة سهلة ولذيذة .. حنرمز لكل مجموعة بلون مناسب لها.

    ماهى الوان.. الاخضر- الاحمر – الاصفر – الازرق – البرتقالى – البنفسجى .. بحيث يفكركم اللون بكل مجموعة .

    فمثلاً حنرمز لمجموعة العطاء والخير باللون الاخضر لان الله اختاره لون الخطرة والزرع والنماء & وحنرمز لقلب كبير يعفوويسامح ويرضى باللون الازرق لانه لون صفاء السماء .

    موضوع الالوان علشان اسهل عليكم احنا فين فى سكة المجموعات الـ7 للسعادة .. لذلك الاستقصاء بالالوان .

    لو كملت الالوان او من كل لون حلقة او 2 .. اعدك بحياة اجمل واحلى ... تعالوا نتعاقد ونجز الرحلة .

    الـ7مجموعات والـ30نور من رسول الله .. لذلك انا متأكد انها ستنفعك وتصلح حياتك ... سننه واخلاقة وافعالة .. مزيج مركب من 7انوار .

    لذلك لازم تؤمن ايمان شديد ان دواء ونور الرسول افضل سعادة لحياتك (( يَا أَيُّهَا الَّذِينَ آَمَنُوا اتَّقُوا اللَّهَ وَآَمِنُوا بِرَسُولِهِ يُؤْتِكُمْ كِفْلَيْنِ مِنْ رَحْمَتِهِ وَيَجْعَلْ لَكُمْ نُورًا تَمْشُونَ بِهِ وَيَغْفِرْ لَكُمْ وَاللَّهُ غَفُورٌ رَحِيمٌ )) سورة الحديد 28 .. طب ما احنا مؤمنين بالرسول ...لا ايمان بكلامة انه علاجك وسعادتك .. يجعل لكم نوراً

    (( النبى اولى بالمؤمنين من انفسهم )) انت محتاجة اكثر من نفسك .. هو اولى بيك من نفسك .. لذلك ((من صلى على صلاة صلى الله علية بها عشراً )) ليه 10رحمات تنزل مش بس تشريفاً لمقام النبى ولكن لانه مؤمن بطريقة النبى فى التعامل مع الحياة فانت تستحق 10رحمات .


    يالا نبدأرحلة السعادة .

    سنبدأ اليوم اول مجموعة ... ارسم خطك الى الجنة .. مجموعة لها علاقة بهدفك ونيتك واختياراتك وبوصلتك فى الحياة .. لها لون برتقالى .. لون شروق الشمس لان دية مجموعة الاشراق .. البدايات




  2. #2
    .: جيماوي رائع :.
    الصورة الرمزية june29

    الحالة
    غير متواجد
    تاريخ التسجيل
    Apr 2009
    الدولة
    ليبيا العظمى
    العمر
    31
    Phone
    Nokia 5800
    المشاركات
    1,052
    الشَكر (المُعطى)
    6153
    الشَكر (المُستلَم)
    1140
    الإعجاب (المُعطى)
    0
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    48

    افتراضي رد: الحلقه الثانيه من برنامج رحله الى السعاده

    بارك الله فيك

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •