شوية نكت على الماشى

**.::karamfone::.** · 03-04-2008, 10:51 AM

مرة اتنين ستات عواجيز نفسهم يتجوزوا، فراحوا النادي وقالوا: اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو
=======
انعقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ، وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة
=======
مرة واحد غبي حب يطور الطيارة الهليكوبتر، فك المروحة وركب بدالها تكييف
=======
واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم
=======
مرة ظابط طلع على المعاش فتح محل حلويات سماه التورتة في خدمة الشعب
=======
مرة واحد ندل،الهلال الاحمر خصم من مرتبه 20 جنية تبرع لفلسطين قام اتبرع بباقي مرتبه للياهود
=======
واحد بيقول لخطيبته لما ازمرلك انزليلي قالتله:انت جبت عربيه جديده ... قالها:لا جبت زماره ...
=======
مرة اتنين مساطيل مذيعة وقفتهو في الشارع سالت الاول ، انت بتحب مصر ؟ قالها : اكيد مصر دي امي ..سالت التاني ، انت بتحب مصر ؟ قال : اكيد،، مش ام صحبي
=======
واحد راح المترو قطع ثلاث تزاكر قابلة واحد قالة انت قاطع ثلاث تزاكر ليه؟ قالة عشان لو ضاعت الاولى يبقى ماعاية التانية ،قالو لو ضاعت التانية ؟قالة معايا التالتة قالة لو ضاعت التالتة قالو ما تخفش معايا اشتراك
=======
مرة واحد صعيدى حب يتروشن كتب علي الشومة اديداس.
=======
مدير شركه سجائر مستورده قابل مدير شركه سجائر كليوباترا فقالو انا مره لقيت فى السجاره بتاعتكم خشبه ....انتم بتستوردوا التبغ بتاعكم منين ...فرد عليه مدير الشركه متعجبا ... .يعنى ايه تبغ!!!!!؟؟؟؟؟؟

**.::karamfone::.** · 03-04-2008, 10:52 AM

اتنيـن سيدات

اتنين سيدات اتقبلوا في الاخرة

الأولى: أنا إسمي سهام

التانية: و أنا إسمي سها

سهام: أنتي موتّي أزاي؟

سها: اتجمدت لحد الموت

سهام:يا حرام لازم اتعذبتي كتير

سها: لا أبدا.. هوّ في الاول كنت بردانه جدا وبعدين بدأت عيوني تتقل وبعدين كل حاجه

خلصت, وانتي ايه سبب موتك؟

سهام: سكتة قلبية

سها: ايه حصل؟

سهام: كنت فاكره جوزي بيخوني, رجعت البيت يوم بدرى عشان أقفشه متلبّس..

فتحت الباب لقيته قاعد لوحده

قلت أكيد مخبيها في أي أوضه قعدت أدور و أدور و أدور.. ما لاقيتش حد.. ضميري

أنّبني جدا إن أنا شكيت فيه فماستحملتش فجاتلي سكتة قلبية.. مت في الحال

سها: يعني لو كنت لقيتي واحدة كان زمانك عايشة؟

سهام: أيـــوه

سها (وهى بتعيط): يا ريتك دورتي في التلاجة كان زمانّا أنا وانتي عايشين