مش إحنا السبب

**ART_010** · 25-07-2010, 10:03 AM

سألت نفسى كتير المصرى ليه دايما حزين

جايز يكون سبب ف الجين

يمكن يكون عشان مولود يتيم

يمكن عشان ضرب الجزم ف الميتين

ومجاش ف بالى أجداد زمان بنوا لنا سد

ولا جاه ف بالى كمان دموع سالت ع الخد

لما الشهيد مات يوم خروج دنس اليهود من الأرض

ولا جاه فى بالى معابد رسمها شبه السجون

يتعامد فيها ضوء الشمس ع السجان ويتحرم منه المسجون

ولا جاه ف بالى مقابر تندفن فيها أوهام

تتبنى بموت الغلابة وضرب السوط ع الضهر من السجان

ولا جاه فى بالى شوية قصاقيص ورق تتحط ع الجدران

مرسوم عليها صورة كبيرة للسجان

ولا جاه ف بالى النيل والخضرة ع الجانبين

وف وسطه ألف سفينة ترمى اللى ترمى أمام العين

ولما تسأل يقولوا مصلحة دى مشغلة مساجين

ولا جاه فى بالى قناة عظيمة تمر منها السفن بتدخل الملايين

مبنية بالسخرة وموت الغلابة من بنات وبنين

ومجاش فى بالى غير سؤال غامض يتيم

المصرى ليه دايما عظيم

فى السخرة عظيم فى الخوف عظيم

وف سمعان الكلام ولا يعصى أمر للسجان

وأكيد العيب دهه ف الجين دا المصرى دا عمره ما يخرج العيبة

عيل شهامة وجدع وابن لعيبة

ياريت تاريخنا ما كان عظيم

ياريتنا كنا غلبانين

ولا عشنا يوم جوه السجون

وورثنا جين المسجونين

ياريت ما كنت كريم العنصرين

ولا بنيت هرم ولا قلعة ولا معبد حزين

يا ريتنى بس أعرف أخلص من شبح السجان وجين المسجونين

**~~هشام الشواتفى~~** · 25-07-2010, 10:17 PM

لكل ظالم نهايه
ونقول ربنا يهدى حكامنا

**ART_010** · 26-07-2010, 12:37 PM

اشكرك حبيبى

**MoHaMeD GaZaL** · 26-07-2010, 12:40 PM

لا يغير الله حتى يغيرو ما بأنفسهم

لما نتجه لله سنجد النصر قريب منا ان شاء الله

وننسى اكل العيش شويه بقى

**هشام الرميحي** · 26-07-2010, 02:37 PM

بارك الله فيك

**قرتاشي** · 26-07-2010, 02:59 PM

تم النقل للقسم الانسب

**محمود بوفون** · 07-08-2010, 11:52 PM

مشكور اخى عرفات.....

**الاحزان** · 08-08-2010, 11:20 AM

النيل يعني كل دمي
سأبقى واقفآ وان سقط اللواء
هكذا انا حينما تغرب شمس الضعفاء
لا تزال شمس صامدة تنير ارض
الاقوياء

تقبل مروري
الاحزااااااااان