ملوعني و دمعي بذرف
حارمني النوم
آخذ عقــلي و ما بعرف
بكره من اليوم
حبــك شـــاغلِّي بالي
يا ناســـيني
هاجرني قلبك خالي
ما بتحكيني
ما بمي تبلل شــالي
وما بترويني
دمعي ع خدي سالي
وعليي اللوم
كنت بهمسه تحكيلي
هم الأشواق
و اجمل شعر تغنيلي
وقلبي مشتاق
وهلق ما بيدي حيلي
بخاف من فراق
واسود حظي من النيلي
و ابدا بالصوم
قلت الغـــيري ملعونه
مش لازم غار
عم تطلب من مجنونه
اللي بقـلبا نار
دموع عيوني واسوني
و دهري غدار
و انت الفرحه بعيوني
لو مهما صار
غرقاني ببحر ظنوني
و ما بعرف عوم
المفضلات