قصة عنترة وعبلة وسميرة توفيق
فيالناحية الشرقية من مضارب بني عبس...حيث يحدها من الشرق برميل زبالة نسيتالبلدية
تشيله ..عبلة شايلة ترمس الموية تملاه من تنكر القبيلة...وعنترةواقف جنبها على سيكل
مركب فيه مسجل...ومشغل اغنية رضي الله وراضيناك
عبلة: لا تكلمنى ...أنا زعلانة
عنترة: ليش زعلانة قوليلى عبولتي
عبلة: تحسبني ما شفتك أمس يوم تغمز ليك سميرة توفيق في عرس الأمير زهير...وأنت ضحكتك تشق وجهك... يا وجه السنديان
عنترة: والله عبولتي سميرة توفيق هذه ما قامت عندي ولا قعدت...عاد تصدقينإنها حذفت لي الرقم وهي طالعة ..وما أخذته والله...عشان تعرفين غلاتك عندييا مطر عمري
عبلة: هين..قص علي بكلمتين ..وأنا اغدي ملح مثل كل مره
عنتر: يلا عاد فكي التكشيرة...خلينا نتكلم شوية قبل لا يجي العنز ابوكي
عبلة: يا ويلي تأخرت ولازم امشي
(فجأة يطل مالك والد عبلة من بعيد...وعينيه تقدحان شرار...وعندما يقترب منعنتر يوجه اليه بوكس على كيف كيفك...ثم يصرخ قائلا وش قاعد تسوي مع عبلةيا عنز)
عنتر : ليه كدا يا عمي...انت وش شارب
مالك: ما مداني اشرب...لكني سأشرب من دمك ...وانتي يا عبلة..انقلعي على البيت
وانا اوريك شغلك.....تركض عبلة مسرعة الى البيت
عنتر: والله ان مديت يدك عليها لاروح امصع سلك الديجيتال اللي مادينه لكم...يا عمي انا احب عبلة. .وطلبتها اكثر من مرة ودفعت مهرها
مالك: معصي ازوجك ياها..وانت دافعلي فيها داتسون من سنة السبلة
عنتر: اطلب وتدلل يا عمي ومالك الا اللي يرضيك
مالك: انقلع من وجهي الحين واشوفك في الانترنت كوفي باللليل ..نتكلم بالموضوع
عنتر: على امرك عمي...بس طلبتك لا تضرب عبلة لا رجعت البيت
مالك: انقلع بس
(ويرجع مالك الى البيت...ويطيح بعبلة تشويت وترفيس لين غدت من صيدامس...
وقالها لو تموتين ما تتزوجين هالضب...يوم الخميس عرسك على عماروة ويقعد مالك
يفكر في طريقة تخلصه من عنتر..وعبلة المسكينة تبتسي خوف ابوهاينفذ تهديده
ويزوجها عمارة الدلخ...وقامت بسرعة دقت على جوال عنتر..وعلمتهبالسالفة
عنتر ارغى وأزبد..وقال: هين يا عمي..تلعبها علي وانا عنتر...والله ان سويتها
والله لامردغنك واتمردسن في بطنك.)..
وقام أنشد:
أتاني طيف عبلة في المنام
فقلت يا ربي هذا حرام
مالك يزوجها ابن اللئام
وانا ا قعد اطير حمام
(وفى اللحظة دى جه اخوه شيبوب)
شافه اخوه شبيوب حزين والدمعة بعينه ..سأله:- وش فيك يا عنتر
عنتر: اخاف عمي ما يرضى يزوجني عبلة..والله اروح انتحر من سطح الفيصليه
شيبوب: وش هالكلام يا عنتر...عمي وين بيلقى عريس لعبلة احسن منك.
(.شهادة ابتدائية ودبلوم تفحيط)!!
عنتر: والله عمي هذا يبيعني ويشتريني بكابريس...وانا مشكلتي مطفر وفلوسي كلها ضاعت
بالاسهم اللي شريتها
شبيوب: اذكر الله وانطر لين يجي الليل ونكلم عمي
(في الليل..دخل عنتر الانترنت كوفي..وكان مالك في التشات يكلم عمارة..عريسعبلة الغني..ويتفق معاه يجي يوم الخميس يخطب عبلة....ولما شاف عنتر داخلالكوفي...سوا ديليت بسرعة للمسجات وطلع من التشات)
عنتر: وش تسوي يا عمي
مالك: كنت اكلم خويي في امريكا...ابغاه يجددلي عضويتي بالتشات..لان الكريديت كارد حقي
منتهي تاريخه
عنتر: زين عمي وش اتفقنا عليه...متى تزوجني عبلة
مالك: وين مهرها
عنتر: وش تطلب يا عمي
مالك: ابغاك تروح اليابان...تجيبلي لاب توب جديد من هناك...مليت من الانترنت
كوفي...زحمة وبالطقاق اخذلي دور علشان اسوي تشات
عنتر: ما طلبت شي يا عمي...ابشر
(ورجع عنتر خيمتهم وهو فرحان...اتصل على عبلة وبشرها...وقال لشيبوب..روح جهز الددسن خلنا نطير المدينة نحجز اول رحلة على اليابان)....
وسافر عنتر مع شبيوب لليابان يشتري مهر عبلة...ويوم الخميس راح عمارة بيتمالك وخطب عبلة ووافق مالك ودخل عند عبلة يخبرها...لكن عبلة رفضت وبكتوترجت ابوها...فقام ضربها ضربا مبرحا لحين وافقت..وتزوجت عمارة ال... وهي حزينة وكئيبة
وجاها عمارة يتغزل فيها ويقولها : يا عيني على العيون الساحرات..انتي ملاك والله
عبلة: ضف وجهك يا الشين…لا بارك الله فيك..انت ما عند الا الهش وتاكل القش
عمارة: خلينا نتونس شوي يا عبلة
عبلة: جعل ابليس يونسك طول حياتك..انت وعيونك اللي تقول مصاقيل..يا ويلك ان رجع عنتر
(ورجع عنتر من السفر…وراح المضارب يدور عبلاه…لكنه انصدم بخبر زواجها)…
وسقط على ركبتيه وهو يبكي وينشد:
ولقد بكيتك والدموع نواهل
وكومة سعابيل تقطر من فمي
قسما لامردسن بطن عماره
ولو دفعت في عمره دمي
وقام عنترة يتحري عبلة في كل مكان ..لين شاف خادمتها تمشي من بعيد... ناداها
عنتر: ماريا هل عرفتيني..انا عنتر
ماريا: مازا(ماذا) تفأل(تفعل) هنا يا أنتر(عنتر)...اذا رآك يور اونكل(your uncle)سيمردغك(اصلهافلبينية )
عنتر: خليه قوليلى ...وش اخبار عبلة
ماريا: في البيت تبتسي من الهزن اليك..
عنتر: قوليلها اني رح اجيها بالليل اشوفها... ورح اطب من فوق سور بيتهم
ماريا: أوك انا لازم اروه فرن اجيب تشباتي ...وراحت الخادمة وخبرت عبلة بالموعد
(وعندما اتى الليل..ذهب عنتر الى بيت عبلة..وطمر من فوق السور ووجد عبلةبانتظاره في الحديقة ...فامسك يدها والدموع في عينيه …راحت عبلة طلعتكلينكس من شنطتها ومسحت دموعه وقالت له: لا تبكي يا حبيب العمر… قال قسمالا تبيتن الليلة عند وجه الغراب عمارة… ثم خلع نعاله وامسكه بيده واقتحمالمنزل على عمارة .…ودخل غرفته فوجده متلحفا…(
دفه بيديه وقال له قم قيامتكياخي حس على دمك لا تصير بارد...طلق عبلة..ما تبغيك...هى غصب يعني...روح وشوفلك كشه زيك ترضى بيك
عماره :- مو مطلقها
(ما كمل كلامه الا وعنتر يديه بوكس على جبهته..وقاله قسما ان ما طلقتها
لاخذ فيك اعدام على كرسي الكهربا(
خاف عمارة وطلقها …واطلقت ماريا زغروده قوية احتفالا بالطلاق…واخذ عنترةعبلة من يدها وذهب الى بيت عمه…سحبه من (التيشرت بتاعه)..واخذه الى اقرب مأذون حيثعقد قرانهما وعاشا في سبات ونبات..وخلفوا عنترات وعبلات
------------------------------------------------------
رد مع اقتباس
رد: قصة عنترة وعبلة وسميرة توفيق
.gif)
المفضلات