ملعب الأجفان
يا دنيا الرأي جايي بقلب صافي
بارك بالشعر فـــــــيك المضافي
و بدوحـة شعر أطيب لحن غني
كـــــــرامة جمعنا من قلب دافي
و للحلــــــوين اهــدي برج فني
ال بنيتو من فكاري والقـــوافي
يا دنــــيا اسألي الجـولات عني
أنا بالشعر جـــبله من اللطـافي
ببحر " عــيونها " بسبح كأني
خلقت للحب ما بعرف تجـــافي
و بمـيدان التحــــدي صح ظني
ما خيبت المعري ولا الرصافي
و اذا أهــــل الهوى زادو تمني
علييِّ و رق جفن الكان غــافي
بغزل من خــيوط الشمس جفني
وحريرو لف ع خصور النحافي
ما زالو بملعب الأجــــفان حفنه
من الكحل الوجدتو علاج شافي
بقلو يا كحــــــل ع الميل لفــني
تا اغفى بين همسات الرهــافي
بعينيها انا تمنــــــــيت ســـكني
بظلال السحر ودموع التصافي
يا سحر جفون محبوبي عرفني
ما غيرني الزمن رغم المسافي
و انا لو خــــــيروني قبل دفني
وصية"الحب" فيها كون وافي
ندهتلك على رموشك عـــزفني
نغم قلبي و حنينو ع شـــــفافي
لحــن تا تظل تسمعني و اسمع
حفــــيف الروح بديـار المنافي
المفضلات