*·.¸ كــــ ღـღ مـღـن ღـღ القـღـلب ღـღ ـــلام ¸.·* وضيف اليوم *·.¸ sniper egypt¸.·*

**Elbetar** · 13-03-2008, 02:26 PM

السلام عليكم ورحمة الله وبركاته

وكما تعودنا كل يوميين مع ضيف جديد واليوم مع ضيف غير عادى

ضيف اصبح قليل جدا فى الزمن ده صعب انك تلاقى صاحب وصديق واخ مخلص زيه

طبعا ده مش راى لوحدى ده راى كل الناس الى عرفته واتكلمت معاه

ضيفنا اليوم هو اخى وحبيب قلبى

mohamdjwdee

مشرف قسم النوكيا

يلا حبيب قلبى محمد الجميع فى انتظارك للتعرف على محمد من قرب اكثر

وعايزين كلام من القلب ويوصل لكل قلوب المشاركين معانا

**FAYCAL*GEM** · 13-03-2008, 07:15 PM

في انتضارك حبيبي محمد جودي

**MohamdJwdee** · 13-03-2008, 07:30 PM

السلام عليكم ورحمة الله وبركاته .
طبعا الف شكر حبيبي أحمد على الموضوع الجميل وان شاء الله دورك قريب جدا بس انت استنى شويا .

ونبدأ ياسيدي :
الأسم : محمد معارتمصريني
تولد : 26/3/1983 يعني 25 سنة .
الوضعية : غير متزوج ولا خاطب حتى .

انا من مدينة حلب في سوريا بلدي الأم وطبعا نشات كأي شاب على الدراسة والعمل في اوقات الفراغ عند والدي ربنا يخلي أهالكيوا ,
وانهيت الدارسة بتسلسل مراحلها حتى الثانوية وحصلت على شهادة البكلوريا التجارية واكملت بعديها في المعهد المتوسط التجاري المصرفي بحلب واتخرجت منو في عام 2003 .

وطبعا التحقت بالجيش لخدمة العلم وانتهيت بعد سنتين وعندها حان الوقت اني اكون مستقبلي وانت عارف بقى كل الناس بتبتدي تسأل أنت مش حتتكوز مش حتشتري بيت مش حنفرح بيك ومن الكلام ده اللي يوجع الدماغ والحمد لله بنقول يارب وبنشتغل .

يمكن تسالني ايه جاب دراسة المعهد المصرفي الى مجال الموبيلات وازاي عملت في المجال ده أنا حجاوبك ؟

شوف ياسيدي وانا في الاعدادية يعني في عام 1996 كان من هوايتي اني اتعرف عالاجهزة الالكترونية بتتكون من ايه وبتشتغل الزاي وكان نفسي اتعلم الالكترونيات وتصميم الدارات وفعلا والدي ربنا يخلهولي مقصرش معايا ابدا وسجلت في معهد في حلب لتعليم مبادى الالكترونيات وكيفية عمل الراديو والتلفزيون الملون وكانت الدورة سنة كاملة نصها لتعليم المبادى الالكترونية وفعلا والحمد لله اتعلمت وكنت اصغر واحد في المعهد مسجل الدورة دي واتعلمت وقتها كل العناصر الالكترونية وطريقة عملها بشكل مفصل وحتى اتعلمت ازاي انني ممكن اصمم دارة ما واعمل المخطط بتاعها وعملوا على فيبر وحطوا في مادة كيمايئة تسمى كلوريت الحديد واركب العناصر بتعتها .

ملكش بطول السيرة في عام 2003 تقريبا فتحنا المحل التاني بتاعنا موبيلات وتوابعها وكنت وقتها بدرس بس كنت بتابع مع اخويا في المحل لما خصلت من الجبش انتقلت لمحلنا الاول واستلمتوا انا كاملا وتعرف زي اي محل الناس بتسال عن الصيانة كتير فققرت باعتبار اني طول النهار في المحل وعندي فكرة عن الالكترونيات وكنت بصلح تصليحات مش عاوزا خبرة ابدا يعني عادية قررت اني اتعلم الصيانة بجد وبشكل علمي وفعلا سجلت في احد معاهد مدينة حلب واستاذي على فكرة هو اللي عرفنا على الجي ام وهو مدعم للسبورت معانا دلوقتي .

واتعلمت منو كتير والحمد لله , الكلام ده بقالوا سنة تقريبا وتابعت مع المنتديات واولهم الجي ام وتعلمت منو كتير اوي وبقالي مسجل فيه 9 شهور تقريبا والحمد لله بشعر اني في بيتي الثاني وخصوصا معاكم .

يمكن تسالني طبعا وانا عارفك انك حتسئلني ازاي بقضي يومي ؟

شوف ياسيدي الروتين مشكلتوا مشكلة يعني بحس ان الايام كلها زي بعض شريط كل يوم يتذاع اصحى الصبح الساعة 9.30 لبينما انزل المحل الساعة 10 على بين مااوضب الشغل يجي ربع ساعة اقعد بقى على النت وعلى الجي ام من الصبح لحد الساعة 1 اشوف بعدها بعض الاعمال في المحل وبعض الاجهزة اللي محتاجة صيانة وبعدها يجي وقت صلاة الظهر والغداء بعديها وبعدين العصر والمغرب وبعدها ارجع على النت في فترة متقطعة لحد الساعة 10 اقفل وعلى البيت طبعا لازم اتعشى لازم واقعد شويا مع العيلة وممكن افتح النت قبل منام وبعديها احلام سعيدة أن شاء الله ونفس الروتين كل يوم ..........

أنا شايف انو فيصل حيسئل عن حياتي العاطفية ماشي فيصل أرتحت انا قاعد يومين اهوا ومش بشتغل في الخفاء ابدا :

ياسيدي حياتي العاطفية مريت بتجربتين ايام المراهقة كانو فاشلين لعب عيال وقتها يعني وبعديها وانا مليش في الحاجات دي ابدا لعاوز اتعرف وحب حد ولا حد يتعرف عليا ويحبني من الجنس الاخر طبعا ولما اكون جاهز للزوج وخاصتا ماديا كاي شاب يعني نفكر وقتها.

أنا لحد هنا وخلاص تعبت وان شاء الله أكون وصلت فكرة عني ليكم وان شاء الله متكونوا مليتوا مني .

ونخلي الحساب لوقت الحساب واللي اشتغل بالخفاء يعرف نفسوا يقابلني عالخاص

تحياتي لكم جميعا

**FAYCAL*GEM** · 13-03-2008, 09:49 PM

تمام حبيبي محمد بس لسة معرفناش عليك حاجة يلا ياعم طلع كل اللي جواك

**Elbetar** · 15-03-2008, 06:47 PM

وزى ما تعودنا كل يوميين معانا ضيف جديد

انهارده معانا ضيف مش عادى ضيف كلنا عايزيين نتعرف عليه عن قرب وانا اولكم

وانا عارف انى هو مشغوله بس اعمل اى بقى فى ناس وزتنى عليه علشان استضيفه فى الموضوع

ضيفنا انهارده

هو الاستاذ

ezak

الاداره والدعم الفنى للسبورت

ونحن الان بانتظار الاستاذ اسحق ليتكلم معنا كلام من القلب حتى يوصل الى قلوبنا جميعا

شكرا للجميع

وتقبلوا تحياتى

**Jine** · 15-03-2008, 07:07 PM

السلام عليكم
أنا قد شمت رائحة عطرة من الموضوع هل أنا بحلم أم بيقين

ما زلت لا أعلم ما هذه الرائحة العطرة التي تفوف من هذا الموضوع
أنا لم أشمها من قبل
وما هذا النور الساطع منهو أيضاً
أنا في حيرة من أمري وما زالت الصفحة لم تفتح وكل ما تقدم التحميل يزداد النور الساطع منه والرائحة تغويني بها

يا الله من هذا الذي قد شرفنا لهذا الموضوع المتواضع

إنه زهرة المنتدى التي تشعرنا بلأمان الدائم والتي تغوينا برائحتها العطرة
والشمعة التي تنير كل مكان تحط به أو تدخل عليه

يا عصافير زغردي لقدوم الأحبة زغردي

كلكم قد عرفتم من المقصود من هذا الكلام

إنه الأستاذ أسحق وردة المنتدى والشمعة المنيرة التي تنيرنا

فنحن سندعو ربنا أن يكون متفرغ لنا ويهدينا كلام من القلب إلى القلب

وتقبل مني يا أخي وحبيبي أوستاذي العزيز أرق وأحلاى تحية

**~~HIMA@GSM~~** · 15-03-2008, 07:12 PM

ولله منور الموضوع حبيبي اسحاق ..

منتظرينك بفارغ الصبر ..

تحياتي

**ezak** · 15-03-2008, 08:10 PM

يعنى براحة ياحمد لولا تعاطف الناس عليك كنت اخدت حظر نهائى بسبب انك دخلتى بالعفاية كده بس ما علينا هسامحك المره دى علشان خاطرهم رغم انك عارف انى مشغول قد ايه بس اما اشوفك

اولا احب ارحب بكل اللى معانا فى الموضوع ومعانا فى المنتدى
وشكر خاص لجهاد حبيبى على الكلمات الحلوة اللى مستهالهاش وده من كرم زوقك واخلاقك العاليه حبيبى

الاسم : اسحق عزت صادق
السن : 25 سنه ونص يعنى داخل على الشيخوخة المبكرة
البلد: ام الدنيا مصر وفى العاصمة كمان
الشغل: شغال فى الموبايلات زى اغلبيه الناس اللى هنا طبعا بس صيانه سوفت وفك شفرات بس ومليش دعوه بالهارد ومواويلة

نبذات عن حياتى:

كنت شاطر قوى فى الابتدائية ومن المتفوقين وبعدين دخلت الاعداديه واتصاحبت على ناس معانا هنا فى المننتدى بدون ذكر اسماء والحمد لله كان التوفق مزدهر وكانت المجاميع زى الزفت والحمد لله
دخلت الثانويه كالعاده وطبيعى الواحد بيدخل على مود جديد فى حياته وجبت فى السنه الاخيرة 80% والحمد لله بعديها ملقتش حاجة كويسه غير معهد كمبيوتر 4 سنين دخلت فيه وكنت متالق فيه وشاطر قوى وكنت استاذ فى العش وفن احتراف عمل البورشام

اخدت كورسات انجليزى لانى كنت بحبه قوى وكنت بحب الافلام الاجنبية جدا
انا اشتغلت شغلانات كتيره والحمد لله مكنش فيهم استفاده قوى غير انى بتعلم فى الكمبيوتر لانى بحبه وهاويه من زمان
شغال على الكمبيوتر من اكتر من 7 سنين وكنت بحب الالعاب قوى ومش بسيب لعبه الا لما اقفلها لاخرها وكنت مدمن برامج بجنون
اشتركت فى احدى المنتديات الاجنبية "الروسيه" الخاصة بالبرامج والبرامج المكسور الحماية وكنت قاعد عليه ليل نهار والناس اتعاطفوا معايا وبقيت كبير مشرفين وكان فاضل ترقيه الادراه بس مكملتش فيها ودخلت فى موضوع الموقع بتاعنا اللى انتوا قاعدين فيه ده
اكتر المواقع اللى كنت بدخلها هى المواقع الروسيه والمواقع الصينية ومحدش يستغرب, لان دول من اقوى البلاد الخاصة بكسر البرامج المحمية والمكركه والنسخ الكاملة

بحب صيانه الكمبيوتر قوى وبحب بعض شغل الالكترونيات واللحامات ومكنش فى جهاز فى بتنا الا لما فكيته ميت حته وجمعته تانى بس الطبيعى كنت ببوظ حاجات وبنجيب ناس تصلحها بس مش بحرم نفسى من حاجة

اشتركتنا فى الموقع ده من فتره حوالى سنه ونص تقريبا وعملناه على كذا شكل وكذا نظام وكل شويه كانت بتحصل مشاكل وكان فى مشاكل عويصة وفى الاخر وصلنا للوضع الحالى اللى انتوا شايفينه دلواقتى وبرضو جارى العمل المستمر على التحديث والتحديد من حيث الافكار واتاحه امكانيات احسن تخدم العرب جميعا باذن الله

المنتدى ده عرفنى على ناس كتيره حلوة وزى العسل ومش عايز اقول اسماء علشان منساش حد بس بصراحة مفيش حد عرفته هنا الا ولما ساب اثر جميل جوايا وبعتبرهم كلهم زى اخواتى الكبار وبحس انى قاعد وسط عائلتى

اتمنى مكنش طولت عليكوا واسبكم بقى لما تشوفوا الزبون اللى جاى بعدى
تحياتى اليكم جميعا

**Elbetar** · 15-03-2008, 11:54 PM

اى ياباشا معقول الكلام ده تسبنا كده علطول

وبعدين انت لسه قدامك يوميييييييين ههههههههههههه

احكلنا بقى على ايام الدراسه والحب والحركات دى ومش عايزك تقلق

انا مستنيك

هههههههههههههههههههه