قائمة الاعضاء المشار اليهم

صفحة 1 من 13 1234511 ... الأخيرةالأخيرة
النتائج 1 إلى 10 من 127

الموضوع: دوره فى السوفت وير من الصفر الى الاحتراف على برنامج 2.0.6.0 ... ارجو التثبيت

  1. #1
    .: جيماوي مشارك :.
    الصورة الرمزية mg soft

    الحالة
    غير متواجد
    تاريخ التسجيل
    Jul 2007
    الدولة
    مصر
    العمر
    32
    Phone
    5800 Xpress Music
    المشاركات
    139
    الشَكر (المُعطى)
    2
    الشَكر (المُستلَم)
    42
    الإعجاب (المُعطى)
    0
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    23

    افتراضي دوره فى السوفت وير من الصفر الى الاحتراف على برنامج 2.0.6.0 ... ارجو التثبيت

    بسم الله الرحمن الرحيم

    اخوانى الاعزاء .. اعضاء منتدى جيم فلاش الجميل
    اليوم انا حبيت اقدم حاجه يارب تكون جديده للمنتدى وتكون سهله وبسيطه للاعضاء المبتدئين فى السوفت وير على التورنيدو

    باذن الله سوف اقوم بشرح السوفت وير من الصفر حتى ما وصلت اليه وارجو من الساده المشرفين والعمالقه فى مجال السوفت وير مساعدتى اذا كان هناك بعض التقصير او الاخطاء فى موضوعى هذا

    وباذا الله سوف انتظر اسالتكم بعد قراءة موضوعى لعلى اكون مجيبا لها ومفيدا لكم



    اولا ..... تعريف للسوفت وير


    السوفت وير من رايى هوه بمثابة الحياة لكل جهاز محمول فبدونه يكون قطعة حديديه ليس لها معنى ودائما اقول لاصحابى انه مثل الويندوز للكمبيوتر فمن غيره لا يدخلنا الى مجال العمل والتقدم الذى نعيش فيه حاليا

    فى الاجهزه القديمه كانت هناك اختلافات بحكم اننا كنا فى بداية تطوير هذا الجهاز العجيب
    ومثال على ذلك...اننا من السهل جدا ان نغير السريال نمبر او بمعنى اخر الايمى لانه كان يكتب على اى سى الفلاش لذا فكان من السهل تغييره
    ولكن فى الاجهزه الحديثه تم وضع السريال على اى سى اليو ام واى سى الفلاش ايضا
    لذلك ارتبط تغيير السريال بكلا الايسيهين واصبع عقبة فى مجال السوفت والهارد للمحمول

    بالطبع انا دلوقتى بتكلم على اجهزة نوكيا لانى باذن الله هشرح السوفت وير للنوكيا فقط على جهاز وبوكس التورنيدو

    وباذن الله هنطبق كلامنا على اخر اصدار لبرنامج التورنيدو+الهارد وير كى الاصلى 2.0.6.0 عشان نكون مسايرين التقدم والعمل الجيد

    المهم....مش هطول عليكم



    ونبدا الدوره

    خد نفس عميق وقول بسم الله


    اولا ..... لمعرفة الكابلات المستخدمه فى سوفت وير الاجهزه استخدم هذا البرنامج لمعرفة انواع الكابلات التى تستخدم لكل محمول واسمه بالتحديد

    68665197sd3


    فى هذا البرنامج هتكتب اسم الجهاز اللى هتلاقيه على ظهر المحمول من الخلف وتضغط "اوكى" هتلاقى ظهر ليك اسم الكابل وكمان كل الاجهزه اللى بتشتغل مع نفس الكابل

    وطبعا البرنامج ده بيساعد الاخوه اللى لسه مبتدئين فى السوفت وير انما مع الشغل الكتير بتحفظ اسم كل كابل وتعرف بيخص اى جهاز بالضبط

    طبعا احنا قلنا اننا هنشتغل على برنامج 2.0.6.0 وباذن الله هنعرف كل كبيره وصغيره فى البرنامج ده وهنعرف كل زرار فيه بيعمل ايه عشان مش نبقى حافظين سوفت بالعكس باذن الله هنكون فاهمين عشان لما نعلم غيرنا نعلمهم صح

    البرنامج مكون من ايقونتين وهتلقاهم فى موضوع اخونا البرنس المصرى قم بتحميلهم عشان نبدا الشغل الصح مع بعض وعشان كمان شغلنا يبقى عملى

    وهتلاقى البرامج فى الرابط ده


    هااااااااااااااااااا؟؟؟؟؟ حملت البرنامج؟؟؟؟
    طب ياللا نبدأ باسم الله

    اولا ..... مرحلة تسطيب البرنامج"مهمه جدا" :..

    اولا هتلاقى الايقونه الاولى ومساحتها 4 ميجا
    قم بالضغط عليها هيظر التالى


    53012024dk8


    اضغط next هيظهرلك المربع ده

    61085684jd0

    اضغط next هيظهرك المربع التالى

    38121788yu2

    والان اضغط على install ليتم التثبيت

    14777245fl1

    سيتم التثبيت واثناء التثبيت سوف تظهر هذه الرساله وتعنى انك اذا كنت تريد تعريف البوكس على الكمبيوتر فى هذا الوقت قم بتوصيل البوكس واضغط yes سوف يتم التعريف باذن الله

    وبعدها سوف تظهر الرساله التاليه

    14557950ok8

    والمربع الاول يعنى اذا كنت تريد عمل ابديت لل hwk
    المربع الثانى يخص الخيارات المختصه بالسريال فى برنامج السوفت مثل عمل باتش للموبايل او قراءة اليو ام او غيرها
    وباذن الله هتعرف كل حاجه من دى اثناء شرح البرنامج من الداخل

    بعد ان تضغط على finish
    سوف يظهر لك المربع التالى

    90800788fa9

    طبعا المربع ده زى ما قلنا خاص بابديت ال hwk من على السيرفر الرئيسى
    زمان فى البرامج السابقه كان من الصعب عمل ابديت لل hwk لانه كان مره يقول اتصل بالوكيل او السابورت او يقولك انت عامل اخر ابديت ومش محتاج ابديت تانى وكان يقولك السيرفر مشغول انما فى البرنامج الجديد ده كل الحاجات دى اتحلت والحمدلله وبقى فى امكانك تعمل ابديت كل 9 او 12 ساعه تقريبا

    وفى المربع اللى فى الصوره اللى فاتت ممكن تختار اللغه عربى لانه مدعمها هنا والحمدلله ثم اضغط على next ليظهر المربع التالى

    85977024wu2

    ونرى هنا انه تم ظهور كل المعلومات الخاصه بالبوكس ودى بتاخد حوالى 30 ثانيه كده
    الان اضغط على start hwk update
    عشان يعمل ابديت لل hwk وخلى بالك لو ال hwk بتاعك مش اصلى يبقى رااااااح بالسلامه

    بعد الضغط على الزرار اللى فى الصوره السابقه هيظهرك المربع ده

    46000908ag5

    وشفنا فى الصوره اللى فاتت ابديت عملى على البوكس بتاعى والله ومش بياخد اكتر من خمس ثوانى

    بعد كده اضغط out

    ونيجى بقى للمرحله اللى بعد كده واللى هيه قبل تسطيب البرنامج الاصلى
    المرحله دى خاصه بالمفاجاه الجميله لكل الاعضاء وهوه السبورت اللى عملته ساراسوفت عشان تريحنا من الدوخه على الفلاشات ويبقى بمقدور اى حد فينا يجيب الفلاشه اللى هوه عايزها وفى اى وقت

    وصدقونى السبورت جامد جدا وفيه الفلاشات الحديثه باستمرار

    تابعونى بقى فى الخطوه دى عشان تعرف ازاى تظبط السابورت عشان يشتغل معاك كويس

    على سطح المكتب عندك هتلاقى الايقونه دى افتحها

    67333068jb3

    هتفتحلك صفحة نت زى اللى فى الصوره الجايه

    10tr8

    بعد الصفحه دى ما تفتح ياريت تستنى شويه لحد ما تحمل ولحد ما يظهرلك المستطيل اللى فى اعلى الصفحه بعد كده تضغط عليه كليك يمين وتختار install activex control

    استنى شويه بس ياريت تصبر عليه
    لحد مايظهرلك المربع التالى

    11co6

    اضغط فى المربع السابق على install

    هتلاقى الصفحه اللى كنا فاتحينها بقى شكلها عامل كده

    12tv5

    بعد ما تبقى الصفحه دى زى اللى فى الصوره اللى فاتت اضغط على enter support area وادخل على السابورت الجامد وهتلاقى كل الفلاشات اللى انت عايزها
    نوكيا
    ال جى
    سامسونج

    وفلاشات تانيه اسيبك انت بقى تقلب فيها براحتك

    وبكده خلصنا من كيفية عمل الابديت ودخول السابورت

    نيجى للمرحله التانيه وهيه تسطيب البرنامج الاساسى

    اضغط على الايقونه التانيه من البرنامج ومساحتها 50 ميجا

    هيظهرلك المربع التالى

    13cq6

    اضغط على next هيظهرلك المربع التالى

    14ry9

    اضغط على next هيظهر المربع التالى

    15wy7

    وطبعا فى المربع ده بيقولك اذا كنت عايز تنزل البرنامج كامل ولا هتختار حاجات معينه منه تسطبها .. طبعا هنختاره كامل ونضغط على next هيظهر المربع التالى

    16nv0

    اضغط install حتى يتم تثبيت البرنامج كما هوه واضح فى الصوره التاليه

    17tw6

    وبكده هيثبت البرنامج ويظهرلك المربع التالى وهوه الاخير فى التثبيت

    18ez4

    علم على المربع التانى زى ما قلنا قبل كده وسيبك من المربع الاول عشان خلاص مش محتاجينه دلوقتى

    وبكده خلصنا اول حصه فى الدوره وهيه كيفية التثبيت للبرنامج وعمل ابديت لل hwk

    ----------------------------------
    ----------------------------------

    ----------------------------------
    ----------------------------------


    بسم الله الرحمن الرحيم


    اشرب شوية شاى بقى كده عشان تصحصح معايا ونبدأ فى الشغل الجامد

    عشان دلوقتى هندخل برنامج السوفت ونعرف باذن الله كل حاجه فيه بتعمل ايه

    وطبعا باقيت الدوره دى بتعتمد على اسالتكم اللى هتتطرح بعد كده عشان طبعا انا مهما قلت مش هقدر اقول كل حاجه قابلتها فى حياتى المهنيه

    ويارب اقدر اوفى اى حاجه فى الدوره دى

    المهم ...... افتح البرنامج وعلى بركة الله

    من الايقونه اللى فى الصوره

    28177673ur2

    هيظهرلك البرنامج اللى واضح فى الصوره دى

    19rv1

    بعد البرنامج ما يفتح ستجد ان كل الاوامر غير مفعله وده طبعا لانك لسه مش عملت اتصال بين البوكس والكمبيوتر وده بيتم عن طريق الضغط على زر connect كما ترى بالصوره
    وبعدما تضغط على connect ستجد البرنامج ظهر كما فى الصوره التاليه

    20pz0

    فى الصوره شفنا ازاى تم تفعيل جميع الاوامر اللى فى البرنامج وكمان تم ظهور جميع المعلومات الخاصه بالبوكس وال hwk فى واجهة البرنامج وكده البرنامج جاهز لاى عمليه هتقوم بيها

    ونبدأ الشغل بقى يابطل

    21hq2

    وهنا بقى نبدأ نشرح كل زر بيعمل ايه وايه فايدته فى البرنامج قبل ما ندخل على اجيال الاجهزه والشغل عليها

    1- بيقوم باغلاق الاتصال اللى بين البوكس والبرنامج

    2- الزر ده بيقوم بعمل تيست على الجهاز وبيشوف اذا كان شغال ولا لأ بمعنى اصح اذا كان الجهاز عايز سوفت وير بس ولا عايز يدخل على الصيانه الاول ولو كان العيب من الكابل بيقولك error
    وباذن الله هندرس جميع الرسايل اللى بتظهر بعد كده

    3- بيظهر جميع المعلومات الخاصه بالموبايل اللى انت حاطه على الكابل والمعلومات دى بتبقى خاصه باصدار السوفت وير اللى عليه والسريال نمبر بتاعه ومعلومات تانيه كتير وطبعا لو الموبايل مش عليه سوفت وير من الاساس مش هتظهر اى معلومه من المعلومات دى وفى بعض الاجهزه يااخوانى الخطره دى بتحتاج انك تظغط على زرار البور ظغط متقطع عشان تظهر المعلومات بتاعته بمعنى اصح بتساعد البرنامج انه يعمل باور للجهاز

    4 - والاختيار ده مش موجود فى الاصدارات اللى قبل كده وهوه خاص بالعدد العاليه وهنشرح هوه بيعمل ايه لما ييجى وقته

    5 - وهذا الزر خاص بالقيام بعملية التفليش للجهاز
    يعنى انت بعد ما بتختار الفلاشات وتظبط كل حاجه تمام بتضغط على الزر ده عشان البرنامج يفلش الجهاز وطبعا فيه رسايل بتظهر فى اوقات ومش بنبقى عافين معناها باذن الله هييجى وقتها فى مرحله قادمه من الدوره

    6 - والزر ده برده ظهر فى برنامج 2.0.5.0 وده ليه فايده جميله اوى انه بيعمل تيست على الجهاز كله لما بيكون شغال وعليه سوفت تمام وبرده هنشوف بعد كده بالصور ايه اللى بيحصل لما نضغط عليه

    7 - الزر ده خاص بعمل حاجه كده زى اعادة ضبط مصبع للجهاز ودى بتتعمل بعد التفليش مباشرة وبتخلى اليووزر لوك 12345 وبتظبط الجهاز على الشبكه المحليه وحاجات تانيه هنعرفها بعد كده

    8 - وفى هذا المربع هناك تلات اختيارات اذا كنت عايز تعمل فلاش بس او كنت عايز تعمل يو اى سيتنج بس او اذا كنت عايز تعمل الحاجتين مع بعض

    9 - وفى هذا الاختيار اذا كنت عايز تشتغل على يو اس بى

    10 - والاختيار ده خاص بسرعة التفليش اذا كنت عايزه سريع ولا بطىء ولا عادى ولا بطىء اوى

    11 - ولما تعلم على الاختيار ده بيقوم البرنامج تلقائيا بتنظيف المعلومات الموجوده فى الشاشه الخاصه باظهار البيانات عن كل عمليه ليفصل كل عمليه على حدا

    12 - والاختيار ده برده قريب من الاختيار اللى فات وخاص بالبيانات اللى بتظهر فى الشاشه اللى بتبين كل حاجه بنعملها

    13 - والاختيار ده لما نعلم عليه بيخلى البرنامج يختار جهاز الموبايل اوتوماتيكيا عند الضغط على زر info اذا كان عليه سوفت وير طبعا

    14 - والخيار ده خاص باختيار الفلاشات اوتوماتيكيا يعنى مش بمزاج البرنامج ... لأ .... انت لما بتختار فلاشات فيه زرار هتعرفه بعد كده بيعمل حفظ للفلاشات دى عشان لما تختار نفس نوع الجهاز فى المره اللى بعد كده يقوم البرنامج باختيار الفلاشات اللى تم تحديدها سابقا

    15 - وهذا الزر خاص بفك الشفره للاجهزه وهنعرف ازاى بعد كده

    16 - وهذا الزر اذا كنت عايز تفلش ملف لغه بس يعنى تعرب جهاز على سبيل المثال فيقوم بالتفليش بملف ال ppm فقط

    17 - وهذا الزر هوه الذى ينفذ جميع الاوامر التى شرحناها سابقا وده بيخلى الجهاز يقوم بيها اوتوماتيكيا بدل ما انت تعملها يدوى

    18 - هيه دى الشاشه اللى بتظهر المعلومات الخاصه بكل عمليه على حدا

    19 - والمربع ده فى اختيارات مثل normal او local او test والاولى بتخلى الموبايل يفتح لو كان عليه سوفت اما التانيه بتخلى الجهاز يدخل على ال local mode والتالته بتدخل الجهاز على ال test mode

    وبكده نكون خلصنا شرح جميع الاوامر الخاصه بالصوره اللى فاتت وندخل بقى على اوامر كل جيل من الاجهزه على حدا كما فى الصوره التاليه


    22gk2

    اولا الجيل الثالث

    والجيل ده خاص بالاجهزه القديمه زى 3310 و 2100 و 3400 و 3330 واجهزه اخرى

    وسوف نتحدث عنها سريعا نظرا لقلة العمل فيها فى الايام الحاليه

    1 - طبعا ده لما بنضغط عليه بيظهر كل المعلومات اللى فى الصوره والخاصه بالجيل التالت

    2 - من المربع ده بتختار نوع الجهاز اللى هتشتغل عليه

    3 - هنا بتختار ال mcu او الفلاشه الرئيسيه للجهاز وبيكون غالبا اخرها رقم " 0 "

    4 - ومن هنا بتختار ملف ال ppm او اللغه للجهاز وبيبقى اخره " g " او " i " او " h " حسب الجهاز اللى انت شغال عليه وهتعرف فى الاوامر الجايه تجيب الحرف اللى فيه اللغه العربيه ازاى

    5 - زر pmm وده خاص بحاجه اسمها ملف الايبروم وده ليه خواص كتير منها لما يكون الجهاز كاتب contact service بيساعد الملف ده فى حل المشكله دى وده عامل كده زى ملف pm فى الاجيال اللى هنشرحها بعد كده

    6 - والمربعات الاربعه دى بتبقى خاصه طبعا باللى احنا شرحناه فوق يعنى لما بتضغط كلمة flash بيقوم البرنامج بتفليش المربعات اللى موجود قدامها علامة صح فقط

    7 - والمربع ده لما تعلم عليه بيخلى البرنامج مش يعمل مسح للفلاشه اللى على الجهاز يعنى يفلش على طول من غير مسح

    8 - والمربع ده بيخلى البرنامج يعمل مسح للمناطق والفراغات اللى فى منطقة الفلاش الخاصه بالجهاز

    9 - والزرار ده بتظبط منه مدى وضوح شاشة الموبايل يعنى بتظبط المؤشر على الدرجة اللى انت عايزها وتضغط update lcd

    10 - والزرار ده خاص بالسريال بتضغط عليه بيظهرلك مربع تكتب فيه السريال اللى انت عايزه او المكتوب فى ظهر الموبايل وتضغط ok فيقوم البرنامج بكتابة السريال الجديد وده موجود فى الجيل ده وجيل الكميونيكيتور فقط مش موجود فى الاجيال اللى بعد كده

    11 - الزرار ده بيقوم بقراءة الفلاشه اللى على الموبايل لو عليه فلاشه وتختار المكان اللى هتحفظها فيه وبيحفظها بامتداد fls

    12 - والزرار ده بيقوم بتحويل الفلاشه اللى امتدادها fls الى ايبروم تستخدمه زى ما قلنا من شويه

    13 - وده بيقوم بعملية مسح للفلاشه من على الموبايل

    14 - اما الزرار ده بيقوم بحفظ الفلاشات اللى انت اخترتها للجهاز اللى انت بتشتغل عليه عشان بعد كده لما تختار نفس الجهاز تانى يقوم البرنامج باستيراد الفلاشات التى تم حفظها من قبل اوتوماتيكيا

    15 - ومن المكان ده بتقدر تحول ال 3310 الى 3315 او العكس وتظبط الهزاز فى ال 3210

    16 - يوجد هنا فى هذه المنطقه 6 اختيارات وغالبا بنقوم بالتعليم عليهم كلهم ثم الضغط على ui setting حتى يقوم بالعمليه المراد عملها وده غالبا بيبقى بعد عملية الفلاش وممكن تقوم بكل اختيار على حدا عن طريق الضغط عليه 2 كليك

    17 - ومن هنا نقدر نعرف اللغات اللى بيدعمها كل حرف وده طبعا بيساعدنا فى اختيار ملف ال ppm ... بنشوف اللغه اللى احنا عايزينها ونشوف الحرف اللى بيدعم اللغه دى ونختاره


    وبكده يبقى خلصنا الجزء الخاص بالجيل التالت


    -------------------------------
    -------------------------------

    -------------------------------
    -------------------------------

    ثانيا ... جيل الكوميونيكيتور...

    23jg3

    1 - الجزء الذى تقوم منه باختيار هذا الجيل

    2 - المربع الذى تقوم منه باختيار نوع الجهاز

    3 - الزرار الذى تقوم بواسطته باعداد السريال الخاص بالجهاز

    وهذا الجيل مش فيه حاجه جديده نقولها عشان كده اتكلمنا عنه بسرعه شويه

    ----------------------------------
    ----------------------------------

    ----------------------------------
    ----------------------------------

    ثالثا .... الجيل الرابع ....

    24lj6



    1 - طبعا ده المربع اللى بتختار منه هذا الجيل

    2 - بتختار فيه ملف الاستديو زى ما بنسميه وده طبعا مش موجود فى الاجيال اللى قبل كده لكن من هنا ورايح هتلاقيه فى الاجيال اللى جايه وهذا الملف لو فوائد كثيره
    هل معنى كده انى ممكن افلش من غيره؟؟؟؟
    اه ممكن بس فى بعض الاجهزه لازم تفلش بيه زى 1112 و 1110 و 1600
    لانك لو فلشت الاجهزه دى من غير الملف ده هتلاقى القوايم متلخبطه والكلام داخل فى الصور اما فى اجهزه تانيه مش بيكون ليه تاثير على الفلاشه

    4 - ال pm وده لوحده مصيبه كبيره لان فيه انواع كتيره منه
    pm خاص بالشبكه بتنزله لما يكون الجهاز مش جايب شبكه
    pm خاص بتصفير عداد المكالمات
    pm خاص بالكونتاكت سيرفس
    وغيرها ................

    5 - وده مش مهم اوى ولكن للعلم فقك انك لو عايز تحافظ على الحاجات الموجوده على الجهاز حتى بعد ما تعمله سوفت وانا عن نفسى مش جربته قبل كده

    6 - امر فورمات وده مش هيتفعل فى كل الاجهزه فى الجيل ده ولكن سوف تراه على سبيل المثال فى 6230 و 6230i لانهم اجهزه بتقبل انها يتعملها فورمات

    7 - وهذا الامر خاص بعمل باتش للجهاز وده بنعمله لما يكون السريال اصفار او علامات استفهام ولكن لما يكون ده بسبب سوفت وير مش بسبب هارد وير زى تغيير يو ام او رام
    ولما بنضغط عليه بيظهر مربع بيقولك فيه اكتب السريال لو مش صحيح بتكتبه وتضغط ok فبيقوم البرنامج بعمل الباتش للموبايل
    وبتلقى الباتش ده موجود بعد ماتثبت البرنامج على طول وفى بعض الاجهزه بتلقاه لما تسطب فلاشه كامله

    8 - وده خاص بقراءة المعلومات اللى على اى سى اليو ام الخاص بالجهاز ومنها طبعا السريال وبيحفظلك الملف على هيئة ask يعنى طلب انت بتبعته على النت للمدعم الخاص بذلك عشان يبعتهولك rpl

    9 - وده الزرار الخاص بكتابة ملف ال rpl اللى وصلك من المدعم على اليو ام

    وفيه معلومه احب اضيفها فى وسط الكلام " اليو ام مش بيتكتب عليه الا مره واحده فى العمر يعنى احنا بنستخدم الزر ده عشان نكتب ال rpl على اليو ام اللى احنا مركبينه جديد "

    10 - والزرار ده خاص بقراءة البى ام الخاصه بالجهاز وهوه فى غاية الاهميه
    نصيحه .... قبل ما تفلش اى جهاز اسحب البى ام بتاعته من الامر ده عشان لو حصل اى حاجه لا قدر الله يبقى معاك مفتاح الحل الا وهو البى ام بتاع الجهاز وتقدر تعمل بيها اى حاجه يعنى ممكن تحولها الى rpl عشان تظبط بيها الجهاز لو فيه حاجه

    11 - وده الامر الخاص بكتابة البى ام اللى انت سحبتها او اى بى ام انت اخترتها فى الزرار اللى فوق الخاص باختيار ال pm

    12 - والامر ده خاص بتصليح البلوتوث لو كان عيب سوفت مش هارد .... اضغط عليه وفى ثوانى هتلقى البلوتوث اشتغل معاك

    13 - ومن الزرار ده بتعمل تعديل على البى ام بتاع الجهاز واهم حاجه فى الامر ده انك بتشوف رمز القفل بتاع الجهاز لو انت نسيته وهنشوفه ازاى بالصور بعد كده

    14 - زرار مش مهم اوى بيقوم بقراءة الاعدادات اللى محفوظه على الموبايل قبل ما يتعمله سوفت

    15 - وده اللى بيقوم بكتابة الاعدادات اللى انت قرأتها بعد ما تنزل للموبايل سوفت

    16 - والزرار ده انا عن نفسى مش استخدمته قبل كده ولكن اظن انه خاص بقرائة ما يوجد على ذاكرة الجهاز

    18 - ودى مهمه جدا وهيه خاصه بتحديد درجة المسح للفلاشه اثناء عملية التفليش فرقم 9 يعنى مسح كامل وكلما قل الرقم قلت عملية المسح حتى رقم 0 يقوم البرنامج بعدم المسح للفلاشه عند هذا الرقم بمعنى اصح بيعمل skip erase

    وبكده بنكون خلصنا الجيل الرابع بحمد الله



    ---------------------------------
    ---------------------------------

    ---------------------------------
    ---------------------------------

    رابعا ... جيل ال wd2

    25ms2



    1 - وده طبعا خاص باختيار نوع الجيل

    2 - خاص طبعا باختيار موديل الجهاز

    3 - الزرار ده مهم جدا ويعنى تفليش البلوتوث اثناء عملية التفليش ام لا
    عملية التفليش بتمر الاول على البلوتوث لو انت مفعل الاختيار ده ولو البلوتوث شغال وتمام بتم عملية التفليش عادى جدا
    طيب لو البلوتوث مش شغال وبايظ ؟؟؟؟؟
    الجهاز مش هيفلش ابدا الا لما تشيل علامة صح من امام الاختيار ده وكل اما تفلش هيظهرلك اصفار وده بنلاقيه كتير فى جهاز 6600 والعيب ده من ضمن العيوب اللى هندرجها بعد ما نخلص الدوره فى قسم العيوب الشائعه

    4 - والزرار ده بنستخدمه لما نعوز نعمل فورمات لاى جهاز فى الجيل ده وياريت نعمله لاى جهاز داخلنا بيهنج قبل ما نعمل سوفت لانه فى اوقات كتير بيحل مشاكل كتير من اللى بتحصل فى الاجهزه
    طيب هل ليه استخدام تانى ؟؟؟؟؟؟؟؟؟؟؟
    ايوه... فى الجيل ده بننصح المستخدم انه بعد الفلاش مش يعمل ui setting يعنى يعمل format user area بعد الفلاش فقط لانه فى الجيل ده لو عملت ui setting للجهاز بعد عملية التفليش فى احيان كتير بيخلى الجهاز يكتب عند الفتح contact the retailer يعنى اتصل بالبائع وحل الحكايه دى انك تعملها format user area فقط

    وبكده خلصنا الجيل ده والاوامر اللى فيه


    ----------------------------------
    ----------------------------------

    ----------------------------------
    ----------------------------------

    خامسا .. الجيل الخامس والاخير

    26zr5



    1 - وده طبعا خاص باختيار هذا الجيل

    2 - خاص باختيار موديل الجهاز اللى هنشتغل عليه

    3 - ودى خاصيه كويسه جدا فى الجيل ده ولما تختار الاختيار ده تقدر تنزل فلاشه اصدارها اقل من الفلاشه اللى موجوده على الجهاز

    4 - ودى برده خاصيه جميله ولما تختارها بيقوم البرنامج تلقائيا بقراءة ال pm وال rpl للجهاز قبل عملية التفليش لتلاشى اى اخطاء اثناء عملية التفليش

    5 - وده زرار جديد فى البرنامج 2.0.6.0 وياريت نختاره اثناء عملية التفليش لانه بيساعد كتير اوى فى ظبط الفلاشه وتثبيتها على الجهاز

    6 - والامر ده زى format user area لكن فى الجيل ده بيفتحلك مربع تختار منه هتعمل فورمات لاى درايف فى الجهاز c ام كارت المومرى وهكذا
    وده برده بينصح بيه قبل عملية التفليش لان معظم العيوب بتتحل عن طريق الفورمات ده

    7 - والزرار ده مهم جدا وبيستخدم فى عملية فك الشفره للاجهزه العاليه اللى فى الجيل ده

    وبكده يبقى خلصنا الجيل الخامس



    --------------------------------
    --------------------------------

    --------------------------------
    --------------------------------

    بعد ما خلصنا شرح الاوامر اللى فى البرنامج بحمد الله هنعمل مثال عملى بسيط على اللى احنا قلناه لتثبيت المعلومه

    --------------------

    اولا....امر check

    27wp8


    بعد توصيل الكابل المناسب بالموبايل نقوم باختيار الجيل المناسب له ثم نضغط على زرار check فاذا كان الجهاز عيب هارد وير مش سوفت وير هتظهر رسالتين بيقولوا error
    اما اذا كان سليم وتمام هتظهر الرساله اللى موضحه فى الصوره

    السطر الاول معناه ان البروسيسور تمام وعاطى باور للجهاز
    السطر التانى وده الجديد فى البرنامج ده بيظهرلك معلومات الرام او بمعنى اصح اى سى الفلاش وبيقولك اذا كان تمام وشغال وقابل للتفليش ولا لأ

    ولما تظهرلك الرساله اللى فى الصوره دى معنى كده ان الجهاز تمام وقابل للتفليش " اشتغل بقى ياباشا "

    ----------------------------
    ----------------------------

    ثانيا ... امر info

    28et9



    وعندما نضغط على امر info بعد عمل check طبعا يقوم البرنامج بعرض المعلومات عن الفلاشه اللى على الجهاز ده لو عليه سوفت طبعا زى ما قلنا قبل كده وقلنا برده ان بعض الجهزه بتحتاج للضغط على مفتاح البور عشان تظهر العمليه دى

    ومن المعلومات اللى بتظهر بنقدر نعرف اصدار الفلاشه اللى موجوده وياترى هل عندنا اصدار اعلى منه ولو مش عندنا ننزل ننفس الاصدار او نبحث عن اصدار اعلى لاننا لو نزلنا اقل الجهاز مش هيشتغل فى الجيل ده

    وزى ما احنا شايفين فى الصوره ان فى المربع رقم اتنين البرنامج اختار نوع الجهاز تلقائيا من غير ما احنا نعمل حاجه ده برده بقول تانى لو الجهاز عليه فلاشه

    -------------------------------
    -------------------------------

    ثالثا .... امر self test



    29de9



    وفى الامر ده بيقوم البرنامج بعمل تيست سريع على كافة اجزاء الجهاز زى اى سى الفلاش والهزاز والبلوتوث والكاميرا واليو ام وغيرهم كتير
    بتعمل select all
    ثم start test
    بيعمل تيست لكل الجهاز


    -------------------------------
    -------------------------------

    رابعا .... امر باتش


    30oo7


    وده بنستخدمه لما الجهاز يكون السريال بتاعه اصفاااااار او علامات استفهام ولكن عندما يكون نتيجه عن سوفت وير خاطىء وليس نتيجه عن الصيانه زى تغيير رام او يو ام
    والباتش بينزل مع البرنامج اثناء التثبيت زى ما قلنا قبل كده او بينزل لما نسطب فلاشه كامله لجهاز معين وفيه بعض الاجهزه مش ليها باتش
    بتختار الباتش وتضغط ok هتلاقى مربع اكتب فيه السريال الصحيح اللى على ظهر الموبايل لو الهاوسينج ده بتاعها اصلا وبعد كده هتلاقى البرنامج عمل فلاش للباتش على الموبايل وباذن الله يشتغل تمام


    -----------------------------
    -----------------------------

    خامسا .... قراءة ال pm للجهاز


    31mz4


    طبعا بعد عمل check و info للجهاز نقوم بالضغط على rd pm هيقوم البرنامج بقراءة ال pm اللى على الجهاز زى ما احنا شايفين فى الصوره وبعد كده هيقولك عايز تحفظها فين ... اختار المكان اللى تحبه واحفظها فيه

    وقلنا قبل كده ان العمليه دى مهمه قبل ما تشتغل على اى جهاز عشان تكون مستريح وانت شغال لان البى ام بتاعة الجهاز ممكن تحللك مشاكل كتير بعد كده لا قدر الله يعنى ممكن تحولها ل rpl او ممكن تكتبها تانى

    وفى الطريقه دى بنسمى ال pm دى pm كامله وبتبقى مساحتها كبيره عن اى pm تانيه


    -------------------------------
    -------------------------------


    سادسا .... امر pm edit ....


    32bw7



    وفى هذا الامر بعد الضغط على pm edit سيظهر لك هذا المربع ولكن بدون معلومات ... اضغط على read pm ستظهر لك المعلومات التى فى الصوره السابقه ومنها رمز القفل وده تقدر تعرف منه الرمز فى حاة نسيانه وتقدر تغير منه الرمز برده وبعد كده تضغط على write pm وهيتحفظ الرمز الجديد اللى انت ادخلته


    ------------------------------
    ------------------------------


    سابعا ..... امر ui setting


    33qk7



    وفى الامر ده بنختار الاوامر اللى احنا عايزينها فى المستطيل الاول ثم نضغط على ui setting للقيام بتطبيقها
    ويجب عمل هذا الامر فى هذا الجيل بعد عملية الفلاش لتلافى اى عيوب فى الفلاشه
    ويتكون من
    اعادة ضبط مصنع
    وعمل ابجريد للفلاشه الحاليه
    وتحويل رمز القفل الى 12345
    وفك شفرة الموبايل ليعمل على الشريحه



    -----------------------------
    -----------------------------



    ثامنا .... wr pm ....


    34ti7



    وفى هذا الامر نقوم باختيار البى ام اللى احنا عايزين ننزلها على الموبايل فى مربع pm ثم نقوم بالضغط على wr pm او نقوم بالضغط على wr pm على طول وهوه هيطلب منك اختيار ال بى ام من على اى مكان فى جهاز الكمبيوتر بتاعك ثم يقوم بكتابتها على الموبايل ويفضل بعد هذه العمليه القيام بعملية ui setting

    وزى ما قلنا قبل كده ان فيه انواع كتير من ال بى ام يمكن تنزيلها على الموبايل

    ----------------------------
    ----------------------------





    وبكده هنكون خلصنا او قسم واهم قسم فى الدوره دى
    وبعد كده باذن الله هحاول اطرح بعض العيوب الشائعه التى من الممكن ان تواجهك اثناء عملك فى السوفت وير
    وده برده هيعتمد على اسئلة حضراتكم والمشاكل اللى هتطرحوها

    ويارب اكون افدتكم بحاجه جديده

    وسامحونى لو قصرت او نسيت
    وارجو من مشرفين المنتدى وكل من لهم علم بالسوفت وير
    توضيح اى معلومه تنقصنى حتى تكون دوره مفيده لجميع اعضاء المنتدى الكريم باذن الله


    اخوكم .. محمد جمال عبد الناصر
    مصر - محافظة بنى سويف - مركز ناصر

    الى اللقاء فى الحصص القادمه


    --------------------------------
    --------------------------------






  2. تاريخ التسجيل
    Always
    الدولة
    Advertising world
    العمر
    2010
    المشاركات
    Many

  3. #2
    .: جيماوي جديد :.

    الحالة
    غير متواجد
    تاريخ التسجيل
    Oct 2007
    المشاركات
    49
    الشَكر (المُعطى)
    7
    الشَكر (المُستلَم)
    5
    الإعجاب (المُعطى)
    0
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    21

    افتراضي

    الف الف شكر

  4. #3
    .: جيماوي مشارك :.
    الصورة الرمزية mg soft

    الحالة
    غير متواجد
    تاريخ التسجيل
    Jul 2007
    الدولة
    مصر
    العمر
    32
    Phone
    5800 Xpress Music
    المشاركات
    139
    الشَكر (المُعطى)
    2
    الشَكر (المُستلَم)
    42
    الإعجاب (المُعطى)
    0
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    23

    افتراضي

    تسلم يا sakrfone على مرورك الجميل

  5. #4
    Product Supporter
    الصورة الرمزية Fast Unlocker

    الحالة
    غير متواجد
    تاريخ التسجيل
    Feb 2008
    الدولة
    Furious Team
    المشاركات
    3,045
    الشَكر (المُعطى)
    875
    الشَكر (المُستلَم)
    4568
    الإعجاب (المُعطى)
    0
    الإعجاب (المُستلَم)
    1
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    3 مواضيع
    معدل تقييم المستوى
    84

    افتراضي

    تم تثبيت الموضوع بناء على طلبك

    لاتحرمنا جديدك دائما ً (علشان نثبتلك كل مرة )
    GPG Team

    Furious team

  6. #5
    .: جيماوي مشارك :.
    الصورة الرمزية mg soft

    الحالة
    غير متواجد
    تاريخ التسجيل
    Jul 2007
    الدولة
    مصر
    العمر
    32
    Phone
    5800 Xpress Music
    المشاركات
    139
    الشَكر (المُعطى)
    2
    الشَكر (المُستلَم)
    42
    الإعجاب (المُعطى)
    0
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    23

    افتراضي

    الف الف شكر مشرفنا الجميل

    وصدقنى اى حاجه موجوده فى موضوعى انما هيه مما تعلمته من منتدانا الجميل جيم فلاش

    ويارب اقدر واكمل باقيت الدوره باذن الله

    شكرا لمرورك

  7. #6
    .: جيماوي متالق :.

    الحالة
    غير متواجد
    تاريخ التسجيل
    May 2007
    المشاركات
    1,628
    الشَكر (المُعطى)
    1
    الشَكر (المُستلَم)
    541
    الإعجاب (المُعطى)
    0
    الإعجاب (المُستلَم)
    11
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    40

    افتراضي

    بصراحة مجهود رائع رائع شكرا جزيلا

  8. #7
    .: جيماوي مشارك :.
    الصورة الرمزية mg soft

    الحالة
    غير متواجد
    تاريخ التسجيل
    Jul 2007
    الدولة
    مصر
    العمر
    32
    Phone
    5800 Xpress Music
    المشاركات
    139
    الشَكر (المُعطى)
    2
    الشَكر (المُستلَم)
    42
    الإعجاب (المُعطى)
    0
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    23

    افتراضي

    اقتباس المشاركة الأصلية كتبت بواسطة mmbox مشاهدة المشاركة
    بصراحة مجهود رائع رائع شكرا جزيلا


    الف شكر على مرورك الجميل اخى

    ودى اقل حاجه نقدمها للمنتدى العظيم ده

    شكرا لمرورك

  9. #8
    من مؤسسي المنتدى
    الصورة الرمزية ELMASRY.7000

    الحالة
    غير متواجد
    تاريخ التسجيل
    Jun 2007
    الدولة
    مصري مقيم بالأردن
    العمر
    48
    Phone
    Huawei mate-7
    المشاركات
    13,242
    الشَكر (المُعطى)
    22988
    الشَكر (المُستلَم)
    27749
    الإعجاب (المُعطى)
    0
    الإعجاب (المُستلَم)
    2
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    1 مشاركة
    تمت الاشارة اليه فى
    37 مواضيع
    معدل تقييم المستوى
    713

    افتراضي

    موضوع رائع أخى محمد وفعلا يستاهل التثبيت
    ( سيأتي على الناس سنوات خداعات ، يصدق فيها الكاذب ، و يكذب فيها الصادق ، و يؤتمن فيها الخائن ، و يخون الأمين ، و ينطق فيها الرويبضة. قيل: وما الرويبضة ؟ قال: الرجل التافه يتكلم في أمر العامة ) حديث صحيح
    الحروب والقتل والثورات والأمراض في كل مكان الله يهيىء الكرة الأرضية لحدث كبير جدا

    http://quran.ksu.edu.sa/index.php#aya=72_10&m=hafs&qaree=maher&trans=ar_mu


  10. #9
    .: جيماوي مشارك :.
    الصورة الرمزية mg soft

    الحالة
    غير متواجد
    تاريخ التسجيل
    Jul 2007
    الدولة
    مصر
    العمر
    32
    Phone
    5800 Xpress Music
    المشاركات
    139
    الشَكر (المُعطى)
    2
    الشَكر (المُستلَم)
    42
    الإعجاب (المُعطى)
    0
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    23

    افتراضي

    اقتباس المشاركة الأصلية كتبت بواسطة ELMASRY.7000 مشاهدة المشاركة
    موضوع رائع أخى محمد وفعلا يستاهل التثبيت

    الف شكر على مرورك اخى العزيز

    ويارب اكون اقدرت اقدم حاجه جديده للمنتدى

    شكر لمرورك

  11. #10
    الاداره الفنيه للمنتدى والسبورت
    الصورة الرمزية ezak

    الحالة
    غير متواجد
    تاريخ التسجيل
    May 2007
    الدولة
    مصـــــــــــــــــــــر
    العمر
    34
    المشاركات
    43,627
    الشَكر (المُعطى)
    40623
    الشَكر (المُستلَم)
    41474
    الإعجاب (المُعطى)
    138
    الإعجاب (المُستلَم)
    123
    غير معجبون (المُعطى)
    2
    غير معجبون (المُستلَم)
    2
    تم تذكيره فى
    27 مشاركة
    تمت الاشارة اليه فى
    252 مواضيع
    معدل تقييم المستوى
    1072

    افتراضي

    موضوع مميز ورائع وشغل تستحق الشكر عليه
    تسلم ايدك حبيبى
    GEM-FLASH.com First Arabic Support For All Arabic Mobile FLASH Files
    منتدى عربي سبورت عربي جيم فلاش / هوستينج العرب


    يمكنك متابعتنا على الفيس بوك من خلال صفحة المتجر و صفحة المنتدى

صفحة 1 من 13 1234511 ... الأخيرةالأخيرة

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •