.gif)
&&مؤتمر صحفى علام يفشى اسرار الكرة المصرية&&
السلام عليكم ورحمة الله وبركاتة
احم احم
فى الاول بقدم تحياتى ليكم وبحيكم على تشرفكم الى بيسعدى دايما
مساء الخير على عيونكم او مصباح مش فارقة
المهم كتير من الناس قالتلى اننا عاوزين نعرف اسرار الكرة المصرية
وجاتلى ميلات كتيرة ورسائل بطالب منى بعمل مؤتمر صحفى والاجابة على الاسئلة
فنا ملقتشى احلى واجمل من الفرصة دى عشان اجتمع معاكم
بنبارك لمصر على الفوز الجميل الى فرحنا امبارح على الكاميرون
ومستنين الفرحة الاكبر الفوز على الجزائر
((والله وعملوها الرجالة ورفعوا راس مصر بلدنا))
احم احم سورى اندمجت
كباية قرفة عشان اعرف اكمل لو سمحت يانى
فى قديم الزمان ايام الفراعة
شكرا على القرفة يابنى الله يقرفكيووووو قصدى شكرا امشى بقا عشان اكمل
يقال
ان المعلم خوفو كان اهلاوي وعلشان كده خد أكبر هرم في العالم ومصر
اما خفرع الأصغر منه شويه كان زملكاوي وعلشان كده خد الهرم اللي بعده علطول
اما منكرع فعلشان كان اتحاداوي اسكندراني فحطوه على بداية طريق مصر
اسكندرية الصحراوي ((اى والله زى مبكلمكم كدة))
وقدموله الهرم الثالث في مصر
والقصه دي بتبين لنا مدى شعبية الاهلي والزمالك والاتحاد في زمن الفراعنة
علشان كده بنوا ليهم 3 اهرامات وماكنش لسه في انديه تانيه طلعت غير التلاته دول
ولا انبي ولا اسماعيلي ولا حتى طلائع الجيش ! ((موووووووووووووز شوف الحكم ))
كان يجي الماتش بتاع الاهلي والزمالك وتلاقوا طيبة كلها مش على بعضها
وكل فرعون او فرعونه ينزلوا من على الاهرامات ويطلعوا من التوابيت
ويطلعوا يجروا على السينما الموحده الكبيره ( ماكنش لسه في فلفزيون ايمها )
او كانوا بيتفرجوا بالوصله وهما في المعابد بتاعتهم بيشربوا بردي
( شيشه فرعوني )((كان الحشيش رخيص اوى ))
كان الفراعنه بيحبوا تعليق علاء صادقع ومحمود بكرع وأمون رع
( واحد فرعوني زي تريكه كده ) ((حبيبى ياتريكة تقوم بالسلامة يارب ))
مره منتخب الفراعنه كان بيلاعب منتخب الهكسوس والدنيا كانت مقلوبه في تصفيات كأس العالم
كانت ساعتها الكوره في العالم في 5 دول بس : الفراعنه ابطال العالم ومنافسهم اللدود الهكسوس
والرومانيين والفرس والعرب
والهكسوس دخلت فينا جون بدري على ارضنا
وفاجأه لاقينا جماهير خوفو ( الاهلي ) بتشتم في شحاتايزييس وبتحدفه بالموز في الملعب
وفاجأه لاقينا جماهير خفرع ( الزمالك ) بيشتموا في حضري أتون وبيحدفوه بالبصل
وملحوظه ان شحاتايزييس كان مساعد المدير الفني أبو الهول
لان ابو الهول هو اللي كان ماسك منتخب الفراعنه ساعتها ((اى والله مبكدب))
وحضري أتون بعد الماتش احترف في الهكسوس بعد تألقه ومات مدفون في تابوت
هربان لليونان ((بيفكرنا بحفيدة حضريكو الى موعيكا هناك ))
واليوم ده في التاريخ اصلا كان سبب الحرب بين الفراعنه والهكسوس
علشان فيه قشرة موزه جات غلط على أفا واحد من مشجعي الهكسوس
وطبعا انتم عارفين أحمس عمل ايه فيهم ( يقال ان تريكه من سلالة أحمس * )
والحمد لله ان الفراعنه قدروا يحولوا الهزيمه الى نصر والجماهير الاهلاويه الزملكاويه
بدل ما ينزلوا يحتفلوا : نزلوا الملعب يضربوا في اللاعيبه وفي بعض
وكان القطرين ساعتها قطر زملكاوي تبع كاكد الكاندور وقطر اهلاوي تبع تريكيكا
قطر الاهلي كان فودافون ومشروبهم البيبسي وقطر الزمالك كان موبينيل
ومشروبهم الكوكاكولا ((هيييييييييية دنيا وحكم ومواعظ كبيرة جوى ))
المهم ان البلد كان كلها تعصب للساحرة المستطيلة
وعلشان التعصب ده كان اي لاعب يتنقل من خوفو لخفرع كانوا بيقتلوه ويحطوه في تابوت
والعكس صحيح وعلشان كده لاقينا العديد من المومياوات للفراعنه من عصر خوفو وخفرع
ولكن في نهاية عصر الفراعنه اراد الحاكم ان يقضي على كل ما هو متعصب
فبنى الاهرامات الثلاثه ودفن كل مشجعي الانديه الثلاث في مصر فيها
ومافضلش منهم غير واحد بس كان مسافر وعلشان كده الفراعنه كلهم اسرار ماحدش عارفها
((وانا جيت دلوقتى اقلكم على الاسرار))
المهم علشان مانخرجش بره الموضوع ((متعصبونيييييييييش))
ان الواحد المسافر ده الناجي الوحيد منهم التاريخ لم يحدد هويته
فيه برديات بتقول انه كان اهلاوي
وفيه برديات بتأكد انه كان زملكاوي ((ولحد دلوقتى بندور علية اى والنعمة))
اما المعابد فكتبت انه كان مالهوش فيها ولكنه لما رجع تعصب من ما حدث للشعب
وقرر ان يشجع الاهلي ومراته أعترضت وطلعت زملكاويه خاينة ومن هنا عاد الصراع
مره اخرى !((زى كل الحريم الطبيعى يعنى))
((ولكن على ماعتقد اصلى جامد اوى انا))
ومن ثم بدأ عهد المماليك والتاتار
وانتشرت شعبية الاهلي والزمالك اكثر واكثر
حتى وصلنا لعهد السيد الرئيس محمد حسني مبارك موحد القطرين ( الاهلي والزمالك مع بعض في مدينه واحده هي القاهره !! ! )
((سلام كبير للريس بقا
ويقال في نشرات الاخبار انه اهلاوي وابنه زملكاوى
فى النهاية بقا بتمنى يكون المؤتمر لبى كل طلبتكم وجاوب على اسئلتكم
واى استفيار تانى انا تحت امركم
والسلام عليكم ورحمة الله وبركاته
اخوكم
3llam
رد مع اقتباس
.gif)
رد: &&مؤتمر صحفى غلام يفشى اسرار الكرة المصرية&&
المشاركة الأصلية كتبت بواسطة هشام الرميحي
المفضلات