.gif)
ادفع ( مكيف الهواء )
يا عفاريت مصر، اتحدوا..!
قررت أرشح نفسي رئيساً لجمهورية مصر العربية..!
..
أيوه، رئيس جمهورية، فيها إيه دي؟
..
أنا مصري ومن أبوين مصريين، ناقص إيه؟
..
آه، السن؟ لازم سني ما تقلش عن أربعين سنة؟!
..
مش مهم حكاية السن دي، أنا صحيح أقل من أربعين سنة..
..
لكن وإيه يعني؟ لازم الشرط ده يتعدل عشان بيحرم أكتر من 60% من المصريين إنهم يرشحوا نفسهم..
..
وعشان كده أنا مش أرشح نفسي إلا لما الدستور يتعدّل، هه!
..
ولغاية لما الدستور يتعدل، لازم أديكم لمحة من برنامجي الانتخابي..
..
برنامجي الانتخابي ح يكون فريد من نوعه..
..
لم يسبقني إليه أي سياسي من قبل وأعتقد أنه لن يلحقني أيضاً..
..
لن أستميل جماعات إسلامية..
..
ولن أتودد إلى مسيحيي مصر..
..
ولن أغازل المستثمرين وأصحاب المصالح..
..
سأتوجه مباشرة إلى الفئة الأكثر اضطهاداً في مصر..
..
إلى عفاريت مصر..!
..
- محرومون من استخراج بطاقات هوية..!
- محرومون من تشكيل أي حزب سياسي.
- محرومون من حق المواطنة على أرض مصر.
كل هذا الظلم وعدد عفاريت مصر يتجاوز الـ50 مليون عفريت..!
..
متشكك من الرقم؟
..
طب تعرف إنت عدد مسيحيي مصر؟
تعرف عدد أفراد جماعة الإخوان؟
..
يبقى ليه تتشكك في أرقامي؟!
..
لذلك من حق كل عفريت..
- أن يحظى بخرابة لائقة يسكن بها.
- أن يتنقل بحرية داخل وطنه دون مضايقات من حملة المباخر.
- أن تتوقف أجهزة الإعلام الحكومية والخاصة عن تشويه صورته أمام باقي أفراد الشعب الإنسي.
- أن يكف رجال الأديان عن حملة الكراهية التي يشنونها ضده.
عزيزي العفريت..
..
قم وانفض عنك سلبيتك..
فإذا سكت اليوم فلا تشكو غداً..
اعرف أنك لن تنال حقوقك السياسية إلا بحسن تنظيمك وتعاونك مع باقي إخوانك العفاريت..
..
"شن مهارشي موصر، إشكلانتا"
أو بالعربية..
..
"يا عفاريت مصر، اتحدوا..!"
رد مع اقتباس
رد: ادفع ( مكيف الهواء )
المشاركة الأصلية كتبت بواسطة هشام الرميحي
رد: ادفع ( مكيف الهواء )
رد: ادفع ( مكيف الهواء )
المفضلات