«®°·.¸.•°°®» حوار بيني وبين قلبي «®°°·.¸.•°®»
سألت قلبي ماله وليه حزين
رد قلبي وقالي اصلي مخنوق حبتين
ليه ياقلبي امال فين الحنين
قالي صاحبي الجرح والاه والانين
ايوه ياقلبي بس الجرح تداويه السنين
قالي انا جرحي يكفي م القلوب ملايين
فاكر زمان ياقلبي لما كنا في الحب دايبين
قالي ايوه فاكر وكنا بيه فرحانين
وصحينا فجأه ياقلبي لقينا روحنا مجروحين
قالي قلبي ماحنا كنا في العشق مجانين
يعني ايه ياقلبي نبطل نكون عاشقين
لأ نحب بس لازم نكون عاقلين
ايوه ياقلبي بس الحب يحب المجانين
مانتي شوفتي النتيجه بقينا مجروحين
ولامتي ياقلبي هنفضل مكسورين
وليه ننكسر ماحنا بالنصيب مؤمنين
يبقي تصبر ياقلبي ان الله مع الصابرين
واوعي تزعل او اشوفك تاني حزين
المفضلات