حوار جامد بين ابو تريكه وابوجهل

Tota* · 27-04-2010, 02:27 PM

أبو جهل : عمت مساءا يا أبا تريكة

أبو تريكة : مساءا ايه يابو جهل ده احنا لسه بالنهار

أبو جهل : معلش اصلها مضلمه عندى من زمان .. لقد رايتك البارحه وانت تصول وتجول .فى قطعة ارض خضراء

وتتراكلون من أجل قطعة من الجلد وتجرون ورائها فما اهيفكم !!

أبو تريكه : امال لو شفت المشجعين والمصايب اللى بيعملوها هتقول ايه ؟

أبو جهل : صحيح احنا كان بنا سفاهه .. يعنى عندك واحد مثلى واللات والعزى كنت اصنع الهه من العجوى

اعبدها ثم اكلها حين اجوع بس مش للدرجه دى اتراكل من اجل قطعة جلد

أبو تريكه : انت مشوفتش حاجه يا ابو جهل ناس بتشتم بعضها بالأم ؟ ورجاله بشنبات بتتعارك مع بعضها عشان الكورة اللى مش عجباك .

دا حتى لسه واحد مطلق مراته لما عرف انها بتشجع الزمالك

أبو جهل : هناك ما يدور فى شعاب قريش بانكم قد هاجمتم القافلة البيضاء بالسنج والمطاوى فأخذتم عيرها وضربتم اميرها وبطحتم راس بنت اميرها ..

اتعتقدون انفسكم ابرهة وجنوده

أبو تريكه : اكيد اللى عمل كده قله مندسه . كل واحد فيهم هتلاقيه كان شاربله قدحين من الخمر وحابسله نفسين حشيش سيبك منهم دلوقتى ..

قولى انت بس ايه اللى حصلوكوا ف بدر .. سمعت ان المسلمين ضربوكوا على قفاكم

أبو جهل : لا تذكرنى يا فتى .. لقد ظبطنا المسلمين يومها تظبيطا .. وجلست ابكى على شنبى فقد حلقوه لى وانا ابكى

كما يبكى عبد الواحد السيد اليوم وهو ينظر الى شبكة مرماه المخرومة من كتر اللي شاله .

أبو تريكة : خلاص ملهاش حل غير ان انتوا تلعبوا مع الزملكوية ما تش واللي يغلب ياخد المركز التالت

أبو جهل : خلاص راحت علينا من زمان ، ... ابو تريكة تعاله والعب معنا في صفوف قريش

وأعطيك سُرة من الدنانير وجارية مليحة و11 ناقة ؟؟

ابو تريكة : ليه يا اخويا ؟! انت عاوز وانا بلعب معاكوا قدام الطائف أتـنـتـش سهم ولا أخد حربة فى صدرى ويضيع مستقبلي ؟؟ لا ياعم أنا مش مستبيع

**EXplORer_70** · 27-04-2010, 03:21 PM

ههههههههههههههههههههه

حلوة منك ياتوتا

**3MR** · 27-04-2010, 03:28 PM

هههههههههههههههههههههههههههههههههههههههههههههههههه حلو حتتة الى طلق مراتة دا انا هتجوز واحدة زملكوية علشان لو الزملكواية شافو حلمت ودنهم وغلبو الاهلاى هبقى اطلقها

**عصام الدين سليمان** · 27-04-2010, 04:06 PM

توتا اسالك سؤال انت كنت حاضر الحور ده ولا ايه مشكوره والله روعه

**هشام الرميحي** · 27-04-2010, 07:50 PM

هنخبط بقي الزمالك هههههههههههههههههههههههههه
شكرا يا توتا
موضوع رااااااااااااااااااااااااااااااااااااااائع

**Raul** · 28-04-2010, 02:25 AM

ههههههههههههههههههههه
حتى انت ياتوتا
يابنتى سيبى الزمالكويه فى حالهم
*********
انا عمال اضحك من اول ماقريت
عمت مساء يابا تريكه
ههههههههههههههههههههههههه
هههههههههههه