( قرارات حكومية ) شعر بالعامية المصرية
" قرارات حكوميه "
بقلمي / عـــــــــــابرسبيل
مواطنا المغلوب علي امره
طلعنا شويه قرارات
عارفينه صابر طول عمره
وهيفضل حتي ولو مات
وان فكر قال ايه فمعارضة
هيلاقي قانون اعتقالات
وعشانك يا صابر يا مطاطي
طلعنا شوية بيانات
" 1 "
" الخصخصه"
بعد دراسة جدوي كبيرة
واجتماعات ليل ويا نهار
وعشان مصلحتك يا مواطن
بالاجماع كدة خدنا قرار
هنخصص مالسد العالي
للاهرام والنيل الغالي
والمطارات
والقطورات
الحواري والقهاوي
والوزارت
الاراضي والصحاري
والزراعات
وان لقينا حد شاري
هنببيعكم احياء واموات
واهو كل عشانك يا مواطن
وده كان اول القرارات
" 2"
" الضرائب "
بعد دراسة جدوي كبيرة
واجتماعات ليل ويا نهار
وعشان تفضل فاكر جوعك
وتعيش عيشة اي حمار
وعشان مصلحتك يا حبيبنا
بالاجماع كدة خدنا قرار
قررنا ناخد اموالكم
وان شالله من لحم اكتفاكم
هتبيعوا بناتكم واولادكم
هتنبيعوا بيتكم ولحافكم
وان لقينا حيلتكم جاجة
يبقي بردة فيه ضرايب
ومفيش حد يقول مش هدفع
مالصغير للي شايب
كل دقيقة وكل ثانية
من عمرك ملك الضرايب
************************
مواطنا المغلوب علي امره
علشانه خدنا القرارات
عارفينه صابر طول عمره
وهيفضل حتي ولو مات
قريبا ايها الشعب الغالي سوف نقوم باصدار باقي القرارات
فليعيننا الله عليكم
رد مع اقتباس
.gif)
المفضلات