استراحة عمنا الكبير الشاعر (صلاح جاهين)

**&& اشكوزا &&** · 13-04-2010, 06:01 PM

فى دمشـــــــــــــق

الست مرات البيه
دوّبت الجزمه عليه .
قال إيه ..
ما بقاش بيجيب طلباتها جمعيا ليه ؟
اشمعنى ايفون ،
اللى ف لبنان
جوزها انطون
إداها (ترواه مليون )
علشان
سيارة ، و شبشب ، و جونلة ، و يخت ، و يوتيان .
و الست مرات البيه التانى كمان ،
لسه مناقشتهم ، بالليل ، فى البلكون .
سايبه العلامات الزرقا تحت عنيه
و اتلم البيه ع البيه ،
و همس بالخطه اليه ،
عملوا المشروع ، و نهوا الموضوع ، بأمان ...
و تمرد قال فى دمشق ، و زيطة ، و شغل جنان .
و زمان .....
قالها خواجه نابليون
يا خبيبي ضرورى ضرورى تفتش ع النسوان !

**&& اشكوزا &&** · 13-04-2010, 06:02 PM

فى ايطاليــــــــــــــــــا

فى ايطاليا ( فينوس ) بتبيع ( بونبون ) .
فى ايطاليا ( أبو للو ) واقف جون .
فى ايطاليا ملايكه .. و فيها العكس .

فى ايطاليا مستودع تماثيل ..
مرمر ، و برونز ، و بشريه ..
كونتات ، بارونات من أصل نبيل ،
ماشيين ، بمرمح أثرية ...

أعاجيب فى إيطاليا كتير تِلحس
بس الأَعجب ايه تتصور ؟
فى إيطاليا كمان ( ملكة اليزابث ) ...
بس الملكة اليزابيث تايلر

**&& اشكوزا &&** · 13-04-2010, 06:03 PM

لاجــــــــــــــئ

حابس ضناه بين ضلوعه
يابس و حايموت بجوعه
قاعد ما يعملش حاجه
لابس هدوم مش بتوعه
لاجئ قابلته فى غزه
و له عيون مشمئزه
راحت فلسطين وراحت
اليارات لما لاحت
على التلال لما لاحت
على التلال المدافع
و ريحة فاحت
و فى الصفوف الطويله
جرجر عياله النحيله
شيَّع جنازة الوطن
لحد لما اندفن
و القاتل الوغد ساقه
قدامه من غير كفن
ميَّت و قبره الخلا
و الغسل سيل الفلا
الرمل يسخن و يبرد
و هو هايم مشرد
مع الطابور اللى رايح
إلى المصير المجرد
و فى الطابور ألف أسره
و خمسميت ألف حسره
حسرة عذارى حزانى
ع الخوخة و البرتقانه
اللى الشباب لم يقطفها
و الموت خفهم خوانه
يا ويل كعوبك يا لميا
الرمله لسعتها حاميه
الرمل ساخن بيكوى
خالد بيصخ و يعوى
مجنون فى أول حياته
(يحرق سماه إيش بسوى )
و تستمر الجنازء
و للجبال اهتزازه
الحرب سحقت أملهم
لمّا صبحفى خيالهم
زى الرمال بيخوضوها
زى الطحين اللى جالهم
من الإيدين السمينه
الى رمتهم رهينه
على الرمال كوموهم
تحت السيول نيموهم
و كمموا معين بسيسو
من بعد ما كمموهم
علشان معين المناضل
بيقول يا ويلك يا قاتل
يا معين يا صوت الضحايا
إرعد بصوتك معايا
إرعب عدوى و عدوك
راح ننتصر فى النهاية
خلى اللى حابس دموعه
يبكى بفرحة رجوعه
للبيارات الحبيبه
بعد الرمال الرهيبة
اصرخ فى شعبك و قول له
ساعة خلاصك قريبه
انهض و كافح و طهر
البرتقان راح يزهر

**&& اشكوزا &&** · 13-04-2010, 06:05 PM

انذار
غناء / عبد الحليم حافظ - لحن / بليغ حمدى

انذار يااستعمار ويا عصبه الاشرار
********
انذار لكم وقدر مالكمش منه فرار
*********
من كل عود عله فى مزارع الثوار
**********
من كل قارب صيد من كل عتبه دار
********
من كل باب مصنع من كل حوض ازهار
**********
من كل نبرة فن مسهرة الاوتار
*********
من كل سن قلم من كل طلقة نار
*********
من كل حبه رمل من ارض الوطن
********
قسما لنفنى الصهيونيه وننهى الاستعمار
*********

**&& اشكوزا &&** · 13-04-2010, 06:08 PM

رباعيـــــــــــــات
*******

مع إن كل الخلق من أصل طين
وكلهم بينزلوا مغمضين بعد الدقايق
والشهور والسنين تلاقى ناس أشرار
وناس طيبين عجبى!!
عجبى عليك ..عجبى عليك يا
زمن يابو البدع يامبكى عينى
دما إزاى أنا أختار لروحى
طريق وأنا اللى داخل فى الحياة
مرغما عجبى !!
مرغم عليك ياصبح مغصوب
ياليل لا دخلتها برجليا ولا كانلى
ميل شايلنى شيل دخلت أنا فى
الحياة وبكره ح أخرج مها شايلنى
شيل عجبى !!
سنوات وفايته عليا فوج بعد
فوج واحدة خدتنى إبن ، والتانية
زوج والتالته أب ، خدتنى ، والرابعة
إيه إيهيعمل إللى بيحدفه موج
لموج؟ عجبى !!
أنا شاب لكن عمرى ولاألف عام
وحيد لكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
عجبى !!
حبيت .. لكن حب من غير حنان
وصاحبت .. لكن صحبه مالهاش
أمان رحت لحكيم واكتر ، لقيت
بلوتى إن اللى جوه القلب مش
ع اللسان عجبى !!
ياما صادفت صحاب وما صحبتهمش
وكاسات خمور وشراب وما شربتهمش
أندم على الفرص اللى أنا سبتهم والا
على الفرص اللى ماسبتهمش عجبى
غدر الزمان ياقلبى مالهوش أمان
وحاييجى يوم تحتاج لحبة إيمان قلبى
ارتجف وسألنى أأمن بإيه؟ أأمن
بإ يه محتار بقالى زمان عجبى
ياباب أيا مقفول.. إمتى الدخول
صبرت ياما واللى يصبر ينول دقيت
سنتين... والرد يرجع لى : مين؟
لو كنت عارف مين أنا00 كنت أقول
عجبى أنا شاب لكن عمرى ولا ألف
عام وحيد ولكن بين ضلوعى زحام
خايف ولكن خوفى منى أنا أخرس
ولكن قلبى مليان كلام عجبى سهير
ليالى وياما لفيت وطفت ف شفت
الخوف كأنه كلب سد الطريق
زكنت عاوز أقتله بس خفت
عجبى أنا قلبى كان شخشيخة
أصبح جرس جلجلت به صحيوا
الخدم والحرس أنا الهرج قمتو
ليه خفتو ليه لاف إيدى سيف
ولاتحت منى فرس عجبى دخل
الربيع يضحك لقانى حزين نده
الربيع على إسمى لم قلت مين
حط الربيع أزهاره جنبى وراح
وإيش تعمل الأزهار للميتين
عجبى مهبوش بخربوش الألم
والضياع قلبى ومنزوع م
الضلوع انتزاع يا مرايتى يا
اللى بترسمى ضحكتى ياهلترى
ده وش والاقناع عجبى حبيت
لكن حب من غير حنان وصاحبت
لكن صاحبه مالهاش أمان رحت
لحكيم وأكتر لقيت بلوتى إن اللى
جوه القلب مش ع اللسان عجبى
ليه ياحبيبتى مابيننا دايما
بحور أعدى بحر ألاقى غيره
اتحفر عجبى ورا كل شباك ألف
عين مفتوحين وانا وانتى ماشيين
ياغرامى الحزين لو اتلصقنا
نموت بضربة حجر ولو افترقنا
نموت متحسرين عجبى نوح
راح لحاله والطوفان استمر
مركبنا تايهة لسه مش لاقية
براه م الطوفان وآهين يا بر
الأمان إزاى تبان الدنيا
غرقانة شر عجبى على رجلى
دم .. نظر له ما احتملت
على إيدى دم.. سألت :ليه؟
لم وصلت على كتفى دم قتلت؟
والا اتقتلت؟ عجبى أنا كل يوم
أسمع.. فلان عذبوه أسرح
فى بغداد والجزاير واتوه ما
اعجبش م اللى يطيق بجسمه
العذاب واعجب من اللى يطيق
يعذاب اخوه عجبى ينبوع وفى
الحواديت أنا سمعت عنه إنه
عجيب.. وف وسط لهاليب
لكنه شقيت كما الفرسان طريقى
لقيت حتى الخنازير والكلاب
شربوا منه عجبى ياقرص
شمس مالهاش قبة سما يا
ورد من غير أرض شب
ونما يا أى معنى جميل سمعنا
عليه الخلق ليه عايشين حياه
مؤلمة عجبى شاف الطبيب
جرحى وصف له الأمل و
عطانى منه مقام يادوب ما
اندمل مجروح جديد ياطبيب
وجرحى لهيب ودواك فرغ منى
وإيه العمل؟ عجبى أعرف عيون
هى الجمال والحسن وأعرف
عيون تاخد القلوب بالحضن
وعيون مخيفه وقاسية وعيون
كتير وباحس فيهم كلهم بالحزن
عجبى إيش تطلبى يا نفس فوق
كل ده حظك بيضحك وانتى
متنكده ردت قالت لى النفس:
قول للبشر ما يبصوليش بعيون
حزينه كده عجبى إقلع غماك ياه
تور وارفض تلف إكسر تروس
الساقية واشتم وتف قال : بس
خطوة كمان وخطوة كمان يا
أوصل نهاية السكة يا البير
يجف عجبى ياحزين يا
قمقم تحت بحر الضياع
حزين نا زيك وإيه مستطاع
الحزن مابقالهوش جلال يا
جدع الحزن زى البرد زى
الصداع عجبى فى يوم صحيت
شاعر براحة وصفا الهم زال
والحزن راح واختفى خدنى
العجب وسألت روحى سؤال
أنا مت؟ والا وصلت للفلسفه؟
عجبى الفيلسوف قاعد يفكر
سيبوه لا تعملوه سلطان ولا
تصلبوه ماتعرفوش إن الفلاسفة
ياهو اللى يقولوه بيرجعوا
يكدبوه؟ عجبى على بعد مليون
ميل من ارضنا من الفراغ
الكونى بصيت انا لا شفت
فرق ما بين عذاب أو هنا عجبى
إنسان أيا إنسان ما أجهلك ما
أتفهك فى الكون وما أضالك
شمس وقمر وسدوم وملايى
نجوم وفاكرها ياموهوم
مخلوقه لك؟ عجبى نظرت
فوقى للنجوم وأنا ساير رجليا
عترت فى الحفر والحجاير
بقيت أقول وأنا على التراب:
ياسلام مش بس عبره أخذت
لكن عباير عجبى يانجم
نورك ليه كده بـــــــيرتجف؟
هو انت قنديل زيت؟ أو
تختلف؟ أنا نجم عالى بس
عالى قوى وكل ما انظر
تحت أخاف انحدف عجبى
السم لو كان فى الدوا منين
يضر؟ والموت ول لعدونا
منين يسر؟ حط القلم فى الحبر
واكتب كمان والعبد للشهوات
منين هو حر؟ عجبى وقفت
بين شطين على قنطرة الكدب
فين والصدق فين ياترى محتار
اموت.. الحوت خرج لى وقال
هو الكلام يتقاس بالمسطره؟
عجبى سراب فى مستشفى
الولاده طويل صرخات عذاب
ورا مل باب وعويل وفى الطريق
متزوقين البنات متزوقين للحب
والمواويل عجبى الدنيا أوده
كبيره للانتظار فيها ابن آدم زيه
زى الحمار الهم واحد والملل
مشترك ومافيش حمار بيحاول
الانتحار عجبى أيوب رماه
البين بكل العلل سبع سنين
مرضان وعنده شلل الصبر
طيب.. صبر ايوب شفاه
بس الأكاده مات بفعل الملل
عجبى نسمة ربيع لكن بتكوى
الوشوش طيور جميلة بس من
غير عشوش قلوب بتخفق إنما
وحدها هى الحياه كده كلها
فى الفاشوش عجبى ياطير
ياعالى فى السما طظ فيك
ماتفتكرشى ربنا مصطفيك
برضك بتاكل دود وللطين
تعود تمص فيه ياحلو و
يمص فيك عجبى كروان
جريح مضروب شعاع م
القمر سقط من السموات
فؤاده انكسر جريت عليه
قطه عشان تبلعه أتاريه
خيال شعراء ومالهوش
أثر عبى قالوا ابن
آ دم روح وبد نه كفن قالوا
لأبدن. قالوا لأده روح
فى بدن رفرف فؤادى مع
الرايلت فى الهوا أنا قلت
لأروح فى بدن فى وطن
عجبى !! أنا كانلى أب وكان
رئيس محكمة ستين سنة فى
قضية واحدة أترمى ستين
سنة وطلع براءة وخرج يشكى
الحياة والموت لرب السما
عجبى !! يومى على الله تنتهى
وتغيب الشمس.. وتعود تانى
يوم لهاليب زى الحياة مأساه
ومن كترها بقى لا انتهاءها
وابتداءها عجيب عجبى !!
على اللوع أضخم كتاب فى

**&& اشكوزا &&** · 13-04-2010, 06:09 PM

ما اقدرش أنسى البشـــــــــــــر

موجود على الأرض دم كتير و له أصحاب
ماشيين على الأرض لسه مانتهوش لتراب
قاعدين على البرش لسه من ورا الأَبواب
لاهدين ورا القرش لسه و بيطولوه بعذاب
عايشين على الشمس و الطين هما و الأَعشاب
عاملين لترس المكينه سيور من الأَعصاب
حارقين فى فرن القمينه غلابا مظلومين أَغراب
موجود على الأرض دمع كتير و له أَسباب
فى عيون مرات الشريد اللى شبكها و غاب
و ف قلبها اللى الشباب عَجَّز فى قلبه و شاب
و ف صحنها اللى صبح بعد الحكايه خراب
و دمع بنت الطريق صادق مهوش كداب
يبكى طريقها الطويله و قلة الأَحباب
يبكى خطاها الذليله بين كلاب و دياب
يكتب على الأَرض للعالم أَمرّ حساب
و الأَرض تشهد على دموع طفل نام ع الباب
و دمعة الطفل م الرمان بتملا كتاب
كلام عن العدل بين الأَبرياء و عتاب
موجود على الأَرض موت و جروح و شوك و خَراب
جنب الزهور و اليور و المنظر الجذاب
جنب الخدود و النهود و عواطف العزّاب
موجود جنود مجرمين ناقصين قرون و أنياب
مسيتبعدين أَرضنا و منجسين لا عتاب
مقدرش أَنسى دا كله و اتوه أَنا فى شعاب
مقدرش أَنسى البشر متوزعين أَسلاب
بين الحرامى دالاس و تشرشل النصاب
و اوصف جمال الغروب و الشمس نازفة سحاب
ملزوم أَحس بألم و انزف قصايد نار
تضحك لنا من بعيد أَيام حاتبقى شباب