عمر البحر ما شال هم سفينه
عمر البحر ما شال هم سفينه
من طبعي ارد الإساءه بالاحسان
وأساير ظروف الزمان اللعينه
وأطوف الغلطه من فلان وفلان
يعني من أجل { الجيم } تكرم مدينه
الكامل الله والخطا طبع الانسان
والدرب يفرق عن يسارهـ ويمينه
و الصاحب ا للي لـه معزهـ وله شان
ان جاني بـشينه تذكرت زينه
اتحمل اخطاءهـ معي قدر الأمكان
من جانبي تبقى العلاقهـ متينه
واللي يغلطني وانا ماني بغلطان
اصابعي احطها وسط عينه
مادامني على حق وفي قلبي إيمان
عمر البحر ماشال هم السفينه
مرت علي انواع واشكال وألوان
بين العقول الناقصه والرزينه
يعني اذا حاجتك بيدين عدوان
يكفيكـ شر المهزله والغبينه
من كثر ماجاني من الناس خذلان
تحرجني حتى كلمة الله يعينه
صحيح لي ربع وجماعه وخلان
وأضيق لكن حاجة الناس شينه
الشخص دام انه بكل شي خسران
تأكد انهآ من عمايل يدينه
من مرحلة حب ومشاعر وحرمان
إن مالعنت الحب تلعـــنه سنينه
اكتب شعر واعزف من اشواقي الحــآن
واسلي قلوب الغرام الحزينـه
ولو الشعر مخلوق في هيئة انسان
والله لأقول له تسلم واقبل جبينه
تحياتى
رد مع اقتباس
المفضلات