طبعا في طلبات كتير من الاعضاء بسؤال بيتكرر كتير في القسم هنا و هو
اذاي اغير كريستاله او اذاي اركب اي سي معين ؟؟؟؟؟
اولا : تركيب كريستاله ذي تركيب اي سي فلاش ذي تركيب يو ام
اولا هنحدد طبعا المكان اللي احنا هنغيره و ليكن مثلا كريستاله كي باد 6600
طبعا نتعود اننا نحدد اتجاه الكريستاله او الاي سي قبل ما نرفعه بمعني
ان النقطه السوده ديه هي الاتجاه يبقي اللي هنركب عليه الجديده
هنبدا بوضع اي ماده لتسهيل عمليه تحريك و خلع الاي سي
طبعا كل و احد و ليه طريقه (فلكس/رجينا)
و هنبدا عمليه التسخين
و برضه ديه ملهاش مقياس بمعني اني مقدرش اقولك اظبط حراره الهوت اير علي 5 مثل و الهواء علي 3
لان هنا فروق بين كل هوت و اخر
يعني الموضوع تقديري ليك انت تبدا بتركيز الحراره علي الكريستاله و طبعا الجفت في ايدك و بتبدا بهز الكريستاله برفق جدا جدا جدا لحد ما تتحرك معاك و تعمل حركه انعكاسيه (سوسته) يعني بمجرد ما تحركه تتحرك و ترجع تاني في اللحظه دي ترفع الكريستاله
و تقفل الهوت بتاعك و تنظف البورده بعد ما خلعت
دلوقتي بقي قدامك اللينكات كلها هنحط اي ماده مذيبه فلكس او رجينا و نبدا بتمشيط الرجول بالكاويه و لكن برفق و بحذر حتي لا تنخلع الرجول من مكانها
و نعيد عمليه التنظيف
و الان دور التركيب
هنجيب الكرييستاله الجديده و نشغل الهو و نحط الكريستاله علي الرجول و عليها ماده مذيبه (فلكس / رجينا) و نعيد موضوع التحريك تاني لحد ما الكريستاله تثبت في مكانها و تعمل حركه انعكاسيه (سوسته) يعني نحركه بالجفت ترجع تاني مكانها
و بكده تمت عمليه التركيب بنجاح
و ارجو ان اكون قد و فقت في الشرح
المفضلات