حوار بين زوج وزوجه
***********

هو:

حبيبتي أنا هطلب بيتزا ، عايزة حاجة ؟

هي:

لا يا حبيبي

هو :

اوكي

هي:

ولا اقولك ..؟

هو:

ها ، أطلب لك كمان ؟


هي:

مش عارفة

هو :

مش عارفة اذا كنتي عايزة ؟

هي:

لا

هو:

انتي جعانة ؟

هي:

يعني

هو :

يعني إيه يعني...؟

هي:

يعني مش متأكدة اذا كنت جعانة ولا لأ.

هو:

الواحد لما بيكون جعان بيعرف

هي :

لأ بس يمكن اجوع بعدين

هو:

يعني اطلب لك بيتزا؟؟ّ
هى:

طيب واذا ما كنتش جعانة وقتها..؟

هو :

ما تاكليش

هي :

بس ده كدة يبقى تبذير

هو:

خلاص ، تبقي تاكليها بكره

هي:

و اذا ما كانش ليه نفس آكل بيتزا بكرة؟

هو :

مش محتاجة نفس ، الواحد عادي ممكن ياكل بيتزا كل يوم

هي:

انا لا .. أنا مش باكل بيتزا الا لما يكون عندي نفس للبيتزا
هو:

طيب بلاش ، أطلب لك حاجة تانية؟


هي:

بس أنا مش عايزة حاجة تانية

هو:

يعني عايزة بيتزا؟

هي :

لا


هو:

يعني مش عايزة حاجة؟


هي:

لأ برضه

هو :

جننتيني ، طب أعمل إيه؟

هي:

اطلب انت لنفسك

هو:

الحمد لله ، اخيرا .. ماشي ..


هي :

بس اطلب بيتزا بالتونة
هو:

نعم ؟ انا مش بحب البيتزا بالتونة


هي:

بس انا بحبها

هو:

وانتي مالك ؟ هو انا حاطلب ليا ولا ليكي


هي:

ليك طبعا


هو:

طيب أطلبها ليه بأة بالتونة...؟
هي:

يمكن اجوع لما يوصل الاكل

هو :

وبعدين؟

هي:

يا سلام ، يعني تفتكر آكل حاجة مش عاجباني؟

هو:

ليه هو انتي – أصلاً - عايزة تاكلي؟
هي :

ليه لأ ؟

هو:

يا مثبت العقل
.. هو أنا حاطلب بيتزا ليا , عشان احتمال انتي تاكليها اذا كنتي جعانة؟؟

هي:

بالظبط

هو:

وأنا بلاش آكل؟



هي:
يمكن وقتها أكون مش جعانة فتاكلها انت

ملاحظه


محكمة الجنايات قررت تبرئة الزوج من تهمة

"قتل الزوجة مع سبق الإصرار والترصد"

وتحويل التهمة إلى ..

"قتل الزوجة دفاعاً عن النفس"