بلدنا ( متجدد)

**essam3m** · 25-02-2010, 08:06 PM

التوبيك دا انا فكرت كتير انى اكتبه او لا ولكنى قررت انى اعمل موضوع متجدد عن اخبار البلد
البلد دى بلدنا ومش حسكت عن اى حاجه فى حدود الادب والتقدير لكل من اخطا ولكل من ساعد على الخطا
مليت من العيش ؟
عايز تسافر بره ؟
الناس بتتقدم واحنا زى ماحنا ؟
مفيش وظيفه؟
فيه ضرائب ومفيش خدمات؟
البلد كلها خربانه ؟
ايه الحل ؟
مش عارف ؟
ولا انا عارف
بس كلنا فى الموضوع دا حنشوف حل للى احنا فيه
اخبار بلدنا
كلها هنا فى التوبيك دا

ارجو التثبيت

**elnahas1975** · 25-02-2010, 08:24 PM

الحل بسيط ؟ ابدأ بنفسك ولا تفكر فيما يفعله الاخرين ؟

يعنى كن صادق فى بلد على فيه صوت الكذابون

**هشام الرميحي** · 25-02-2010, 08:44 PM

اللي مش لاقي وظيفه
يشتغل في العمل الحر

**السخاوى** · 25-02-2010, 08:48 PM

الحل بسيط ؟ ابدأ بنفسك ولا تفكر فيما يفعله الاخرين ؟

يعنى كن صادق فى بلد على فيه صوت الكذابون

بصراحه الرد ده ابلغ من الف تعبير

شكرا لصاحب الموضوع

والف شكر لصاحب الرد الجميل ده

**essam3m** · 26-02-2010, 04:26 PM

السجن ١٠ سنوات لـ«مستشار سابق لرئيس مدينة الأقصر» وإعفاء ٦ آخرين فى قضية «رشوة الديار»

عاقبت محكمة جنايات القاهرة، أمس، محسن زكريا، مستشار الأمانة العامة للإدارة المحلية، مستشار رئيس المجلس الأعلى لمدينة الأقصر سابقاً، بالسجن المشدد ١٠ سنوات وغرمته ١٠ آلاف جنيه وعزلته من الوظيفة، لاتهامه فى القضية المعروفة بـ«رشوة الديار القطرية»، وأعفت المحكمة ٦ متهمين آخرين لاعترافهم بتقديم رشاوى صدر الحكم برئاسة المستشار عادل عبدالسلام جمعة، وعضوية المستشارين محمد حماد والدكتور أسامة جامع، وأمانة سر محمد فريد.
كانت النيابة العامة، أحالت المتهمين أيمن سعد المراكبى، مدير شركة الديار القطرية للاستثمار العقارى والسياحى بمصر، واللواء محسن زكريا، مستشار الأمانة العامة للإدارة المحلية، مستشار رئيس المجلس الأعلى لمدينة الأقصر سابقاً، وأحمد إبراهيم أبودشيش، صاحب وكالة «سينيور» للدعاية والإعلان، ودينا عبدالمنعم عبدالله، مدير التسويق بالوكالة، و٣ من كبار قيادات شركة مشاريع لإدارة المشاريع العقارية، وهم وائل يحيى العزبى، وأحمد عبدالرحمن عباس، وسامح عبدالمنعم محمود، إلى المحاكمة بتهمة الرشوة.

لو نظرنا للخبر دا ولعنوانه حنلاقيه مستشار سابق لرئيس مدينة الأقصر
يعنى لو كان لسه فى منصبه مكنش اتمسك ولا جراله حاجه

**essam3m** · 26-02-2010, 04:33 PM

احمد عز
يعرض قانون بتصريح التجاره فى الاثار داخليا
يعنى تاجر داخليا وتوصل الحته معايا
وبعد كده هما يعرفوا يطلعوها بره ودى اسهل حاجه
والمتاحف تفضى والسياحه تنضرب
هما دول نواب الشعب