بسم الله الرحمن الرحيماليكم اعزائى مشتركى gem-flash السياسه الواجب اتباعها عند استلام جهاز سقط فى الماء وهيه كما يلى
من رايى الشخصى ومن له اراء اخرى فليقوم بوضعها حتى يستفيد الجميع :-
اولا: بعد فك الجهاز واستخراج البوردة عدم وضعها مباشرة فى الغساله او غسلها .
طيب واحد هيقولى لــــــــــــــيه؟
هقوله علشان الاول نعرف الميه حصلت اى مكان فى البوردة علشان اكون شغال فى البورد وانا عارف الميه جت فين.
ثانيا:غسل البوردة جيدا بالثنر او بالغساله بس لو فيه غساله البوردة متقعدش اكتر من 3 دقايق .
واحد هيقول ليــــــــــــــــه؟
هقوله علشان لو قعدت اكتر من كدا يبقى خطر على البوردة لان الثنر شديد قوى
واحد هيقول طيب منا سيبتها محصلش حاجه
هقوله ماشى بس كدا البوردة معرضه لحجات كتير منها البوردة هتتقوص ودا ملوش حل لو حصلها كدا
ثالتا:بعد غسيل البوردة تمام مينفعش نسخن عليها لازم ننشفها جيدا من الثنر
واحد هيقولى ليــــه؟
هقوله علشان لو سخنت وهيه فيها ثنر هيحصلها انتفاخ وهتبقى محروقه وممكن تبوظلك ic كتير جدا
اعزرونى طولت الغلطات ديه بيوقع فيها كتير
بعد ما ننشفها كويس نقوم بالتسخين على المناطق الى حصلتها الميه بس الى شوفناها من الاول خالص بأيه بقى بفلكس علشان فيه ناس بتسخن بالالفونيه ودا غلط
واحد هيقولى ليه ؟ دا الالفونيه حلوة وبتسخن بسرعه
هقوله معاك اة بس بتعمل مشاكل كبيرة
اول حاجه بترفع درجه الحرارة 3 اضعاف الهوت
يعنى لو سخن على الاى سى مرة واتنين فى الاخير هيطير
بعد كدا مش نجرب سوفت غلط ممكن العدة تكون فيها شورت سيركتس هتعملى مشكله على جهاز السوفت وتمنه غالى واحد يقولى هو انا ناقص طيب والعمل اقوله لازم تشوفها على البور سبلاى ونشوف هتعمل ايه وهتسحب كام على البور سبلاىوديه ان شاء الله هنعرضها فى موضوع تانى باذن الله
طيب اتاكدنا انها تمام ومش بتعمل قفله نجرب لو اشتغلت كان بها ولو مشتغلتش ؟ نتابع
نشوف اول حاجه منعملش سوفت على طول
نشوف نعملها انفوا نشوف معلوماتها هتقول ايه بعد كدا نجرب عمل سوفت لو اشتغلت كان بها ولو مشتغلتش؟
هنشوف الاجزاء الى حصلتها الميه وهيه مسئوله عن انقطاع البور وتكون مسئوله بصفه كبيرة عن المشكله
ونغيرها وهكذا................. وبعدين لو مشتغلتش لقدر الله واحد هيقول العمل ؟
هنقوله تيجى هنا فى الجيم فلاش وتقول مشكلتك وتقول على التسلسل الى عملته مع البوردة والحلول والتغيرات الى انت قمت بيها وسيقوم الاعضاء والمشرفين مشكورين فى الرد عليها
اشكركم على حسن المتابعه
واسف لو كنت طولت
وان شاء الله هعمل موضوع موضح فيه كل دا بالصور والفيديوا ومشاكل البوردة الى الميه ملحت رجولها وطارت تحيه منى
لكم جميعا
محمد صلاح
المفضلات