.gif)
(»'¨¯¨' ادى الى كان بينام فسيخه '¨¯¨'«)
ادى الى كان بينام فسيخه
ما بقاش عارف ينام
قاعد سهران يفكر
فى البيبى و المدام
و قاعد على طول بيسأل
ده بكام و ده بكام
وبيتهته فى الكلام
و بعديها كله لام
انه اتغير قوام
وحتى نسى السلام
طب ليه اتغير قوام
قلنا نسأل نشوف
ايه تأثير الغرام
لقينا يا عينى قلبه
بيعانى من ازدحام
من كتر العواطف
و نعومه الكلام
قلناله يا بنى اعقل
امال راح فين العلام
وبرضه قعد يتهته
و قال
بحبها و السلام
قلناله يا بنى فوق
من الوهم و الاحلام
لو فاكر ان بحبك
حتقتل الالام
و تجرى للامام
و تجمع الحطام
احسن تدخل تنام
لو كنت بتحبها
عشان تنسى واحده
قبليها فى الغرام
هيهات يا حبى ان يجدى
حب و احده بجرح تانيه التئام
انت عشان تعيش حياتك
و تحافظ ع الوئام
لازم دماغك تلسع
و يجيلك انفصام
نص راجل فى بيتك
و النص التانى داده
للعيال و المدام
و تغير للبت هايدى
و تحمى الواد حسام
اشترى عقلك يا بابا
و فكر فى الكلام
قبل كل حاجه لازم
تعرف معنى التزام
لازم يكون عنك شقه
ذات تشطيب تمام
و ماتنساش ورق الحائط
و المدخل الرخام
غير انك لابد
و ان تدلع المدام
يعنى الصبح فيلم كوميدى
بطوله عادل امام
وبالليل فيلم اكشن
لبروسلى او فاندام
يا بنى اعقل قوام
ما تبقاش عايش حياتك
فيلم من الافلام
و الناس تقعد تسقف
و تروح با بتسام
مش عارفه يا عبنى
ان الى كان بينام فسيخه
مبقاش عارف ينام
رد مع اقتباس
.gif)
المفضلات