طرق الزواج فى مصر من الالف مرورا بالباء والتاء وصولا للياء

[Tota*]

طرق الزواج فى مصر من الالف مرورا بالباء والتاء وصولا للياء

ـ مصر الفرعونية

العريس : بابا انا عايز اتجوز اختى حت حور
خلاص يا ابنى خليها تنقل حاجتها فى اوضتك.. وابقى هاتلها حجرين صوان هدية..
مبروك يا تاح

ـ مصر فى عصر الرومان

العريس : تتجوزينى يا افروديت
العروسه : اتجوزك يا بانسيلوس
يللا بينا نبنى كوخ ع البحر ونعيش هناك يللا

ـ مصر بعد الفتح الاسلامى

ابو اعريس : ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر اثنتا عشر بعيرا
ابو العروسه : والله خالد ولدك زين الرجال .. وايش اتمنى غير رجل صالح يكون زوج لبنتى ..

اقيموا الافراح

ـ مصر 1919

الاب : انت ح تتجوز بنت الحاج عبد الجليل .. انا كلمته خلاص ووافق .. وضب اوضتك وهات خلخال .. فرحك يوم الخميس اللى جاى
العريس : طب مش اشوفها الاول يابا
انت اتجننت يا ولد تشوفها ده ايه .. انت ح تتجوز ولا ح تبصبص
حاضر يابا

ـ مصر 1960

الخاطبه : ياألف نهار ابيض يا ألف نهار مبروك بقى يا ستى بنتك آمال جالها عريس
جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
ام العروسه : الرأى رأي أبو العروسة .. والله العيال ح يعجزونا يا ابو محمد
ابو محمد : فشر .. تدبل الوردة وريحتها فيها يا نرجوستى

ـ مصر فى عصر الانفتاح

اخرسى يا بنت... انا اللى يتجوز بنتى لازم يكون عنده شقة تمليك واوتوموبيل
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا..
انتى ح تتجوزى فتحى ابن خالتك ومفيش كلام تانى. فاهمه؟
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما

ـ مصر 1990

البنت: بابا ريكو حييجى يقابلك بكره وهو راجع من المول مع ديدى متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى
الاب: مبروك يا حبيبتى

ـ مصر النهارده الصبح

بابى دودى على اللى اتعرفت عليه من الشات مشغل الويب كام و عايز يكلمك علشان يقراء معاك الفاتحه اصله ملتزم اوى و مصمم يدخل البيت من ماسنجره اقصدى من بابه
الاب: شووور وماله يا بنتى واضح انه فعلا ملتزم روحى شغلى الكاميرا و الميك واناهلبس انا و مامتك ونيجى نقراء الفاتحه مش انتوا اتفقتوا على كل شى يا روحى يلا ربنا يتمملكم بخير

.. وعقبال عندنا كلنا

[Raul]

هههههههههههههههههههههه
ههههههههههههههههه

الحمد لله
انى اتجوزت بالامارات

[3llam]

احلا حاجه ان خطيبتى مش مصريه
ههههههههههههههههههه

[&& اشكوزا &&]

هههههههههههههههههههههههههههههههههه
ماشاء الله عليكي ياتوتة سوأتي سمعة مصر

[R E M O]

هههههههههههههههه

على الماسنجر قال

ههههههههههههههههه


يا ريت

[GSM-HIBA]

هههههههههههههههه


انه زواج العولمة

[mohsin]

ده اخر زمن هن كترن لمن بقن مسيخات

[Tota*]

هههههههههههههههههههههه

ههههههههههههههههه

الحمد لله
انى اتجوزت بالامارات

ههههههههههههههههههه
الحمد لله لحقت نفسك

[Tota*]

هههههههههههههههههههههههههههههههههه
ماشاء الله عليكي ياتوتة سوأتي سمعة مصر

لا لا دا مفيش زى مصر
دا كلام مستقبلى يجماعة لسه محصلش ربنا يستر