طريقة تنظيف الشاشه بعد انهاء الصيانه

[GSM-HIBA]

السلام عليكم و رحمة الله و بركاته،

الحمد لله الذى أنعم على بنعمة حب إنهاء العمل على أكمل وجه و الكمال لله سبحانه و تعالى ،
و الموضوع إن أنا دائماً بعد إنهاء الشغل و الصيانة فى أى جهاز و بعد تقفيله بألاحظ وجود آثار لبصمات الأصابع على سطح الشاشة و الموضوع ده بالنسبة للأجهزة إللى شاشتها عادية غير ملونة مش مشكلة لأنه ممكن التغلب عليه بمسح سطح الشاشة بمنديل أو قطعة قماش و لن يبقى آثار ملحوظة أما بالنسبة للأجهزة إللى شاشتها ملونة فمهما تم التنظيف بالطرق التقليدية فبرضه بيبقى فيه آثار واضحة على سطح الشاشة و طبعاً السبب إن الشاشة الملونة دائماً لونها غامق فبتبقى الآثار ملحوظة عن الشاشة العادية الفاتحة اللون.
و لسة قريب عرفت من صديق لى طريقة جامدة أوى و بسيطة لتنظيف سطح الشاشة الملونة و هى عن طريق الشريط اللاصق (السوليتب) ، و الطريقة إن انت هاتجيب بكرة سوليتب من النوع العريض و تقص قطعة بطول مناسب للشاشة المراد تنظيفها ثم يتم لصقها على سطح الشاشة و يتم تدكيكها إلى أركان الشاشة الأربع تماماً ثم يتم رفع السوليتب و إذا لم يتم نظافة الشاشة تماماً فيتم إعادة الخطوات السابقة حتى تنظف الشاشة تماماً من آى آثار أتربة و بصمات الأصابع ،و أيضا يجب بعد إنهاء شغل فى أى جهاز لابد من تنظيفه بأى منظف كان سواء كان " بنزين أو تنر أو أى مادة " و تركيب أى شبك كان موجود فى الجهاز و ذلك من باب النظافة و الأمانة
و الله ولىّ التوفيق.
"" للأمانة "" الموضوع منقول......