iهل انت مبتدأ ؟؟ ادخل هنا

**sasa_sasa** · 09-01-2010, 04:11 AM

اخوانى الاعزاء سنتكلم اليوم عن موضوع مهم الا وهو التنظيف

يعنى ايه تنظيف , ممكن واحد يقولى هو ده موضوع يتكتب اجاوبه انا واقوله الموضوع ده فى غايه الاهميه وعن تجربه
يعنى حضرتك مثلا ياتى لك جهاز ما وبه عيب ما , الكثير منا يبدا فى فك الجهاز والتسخين على الكريستالات والايسيهات بدون التفكير فى غسل البورده وممكن العيب يكون حله مجرد نظافه فقط ومن الممكن ان تتلف شئ اخر غير العيب الذى اتى به الجهاز

يعنى مثلا جالك جهاز فاصل ولم يعطى تشيك على البوكس وتاكدت انه مش عيب سوفت قبل ما تسخن او تغير اى شى اغسل البورده وجرب انك تشغل الجهاز بعد النظافه , هتقولى ما هو الجهاز كده كده فاصل اقول لك لكن هناك فرق ان الجهاز قبل ما سيادتك تشتغل فيه كان ممكن يشتغل بالنظيف وبعد ما حضرتك اشتغلت فيه اصبح محتاج تغيير ايسيهات وشغل كتير انت كنت فى غنى عنه وعن تكلفه الزبون اكتر من الازم ودى مسأله ضمير

ولن يكلفك التنظيف شئ غير انك تشترى غساله بورد ودى سعرها لا يتجاوز 60 جنيه مصرى وجركن ثنر وتضع كميه من الثنر فى الغساله بحيث تغطى البورده ثم تضع البورده فى الغساله وتشغلها مرتين او ثلاثه ثم تخرج البورده وتجففها بمناديل ورقيه وبعد ذلك تقوم بتجفيفها بالهوت للتاكد من عدم وجود سائل تنظيف تحت الايسيهات بأن تشغل الهوت وتخفف الحراره على الاخر وترفع الهواء على الاخر ثم ربط جهازك وجرب وان شاء الله جهازك اشتغل وان لم ينجح ذلك اتبع الصيانه المعتاده من تسخين وتغيير ايسيهات

واليكم بعض النمازج

جائنى 6630 فاصل باور ولم يعطى تشيك على البوكس مع التاكد من الكابل المستخدم ( يعنى لم يبوت ) فكيت الجهاز ووضعته فى الغساله وبعد التنظيف جربت الجهاز اشتغل تمام من غير شغل سوفت ولا هارد
n70 فاصل شبكه وعند البحث يعطى الشبكات ولا يمكن الاتصال ولكن بعد غسله فى الغساله اشتغل تمام من غير تسخين ولا تغيير

موضوع التنظيف هام جدا ولا تستهين به

والله الموفق

واليكم صوره للغساله لمن لا يعرفها

h0F39805