موقف لن تنساه حدث معك فى عام 2009

**Raul** · 28-12-2009, 09:40 PM

المشاركة الأصلية كتبت بواسطة amr_gsm

كنت بتمشى بالعربيه وفجأه الفرامل أفشيت انا لاقيت العربيه مره واحده بتتقلاب فى الشارع وبعد كده دخلت جوه بيت فى الشارع طبعا العربيه أكسرت وانا كمان أكسرت
تخيلو الموضوع ده حصل فجأه ومن غير اى مقدمات
الحمد لله

الحمد لله انك بخير
فداك مليون سياره

**Raul** · 28-12-2009, 09:41 PM

المشاركة الأصلية كتبت بواسطة J.A.F

طب والله تمام يا استاذ وحيد انا جانى زبون معاه 3110 بتفصل نزلت سوفت والجهاز الحمد لله اشتغل تمام الزبون قالى انت عملت اية فرديت نزلت سوفت للجهاز الزبون مصمم عاوز السوفت القديم اعمل اية اديتة كارت ميمورى بايظ والزبون طلع مبسوط (الشغلانة دى راحت عليها)

ههههههههههههههههههههههه
ههههههههههههههههههههه
ههههههههههههه

**EXplORer_70** · 28-12-2009, 09:42 PM

طيب ايه الكلام ياوحيد
تحب نجيب الرجاله ونجى
عشان مش مرتاح للى هيعمله الراجل

لالالالا
انا معاى حصانة يابوب

**Raul** · 28-12-2009, 09:48 PM

لما كنت شغال مع السخاوى
الله يهديه
كنت قاعد فى المحل وبعمل جرد وبعد الفلوس
لقيت الناس على باب المحل ومعهاهم السخاوى
ماسكين واحد شاب كان رافع عليا مسدس
وكان هيضربنى بالنار
ولما عرفت السبب صعقت
الافندى عرف ان مراته والعياذ بالله بتخونه
وقالها لازم تورينى مين اللى خنتينى معاه
ونزل معاها الشارع
لاقيتنى قاعد فى المحل شاورتله عليا
وقالتله هو ده
وانا اساسا عمرى ماشوفتها ولا هى ولا جوزها
وبعدين اسلام دخله المحل
وقالى اخرج انت اقف بره شويه
قولتله اخرج ليه
انا اصلا معرفهومش
المهم خرجت
ودخلت بعد شويه
لقيت الراجل عمال يبكى ويشتكى لاسلام من مراته
واللى حصل
والحمد لله الموضوع عدى على خير
اللى هيجننى جرأه الست انها تتهم واحد عمرها ماشفته
وانها تعترف لجوزها بكده
تخيلوا بقى لو كان ضربنى بالنار
كنت هاموت وانا سمعتى زى الفل
وسيرتى على كل لسان
الحمد لله رب العالمين
الذى نجانى من هذا الموقف

**ahmed_vip** · 28-12-2009, 10:16 PM

انا بقا من كتر ما كنت بعد فى المحل مع مرواح الكلية مكنتش بلاقى وقت للنوم الا فى المكروباصات سواء و انا رايح الكلية او راجع او حتى مروح المهم كنت نازل شارع العطار فى مرة اجيب قطع غيار (المحل فى فيصل بعد المريوطية بشوية) قلت اركب تحرير و من مترو التحرير اركب المترو و انزل عتبة المهم جيت ادفع الاجرة(جنية وربع)كان معاية فلوس فضية فى الشنطة طلعت جنية(نصين) و مكنش فى اربع طلعت المحفظة من الجيب الى ورا و طلعت منها الربع جنية و حطيت المحفظة على الشنطة لان و انا قاعد بتضايقنى فى جيبى و طبعا سرحت فى النوم(ما كدا كدا شارع فيصل واقف طول عمرة)عند كلية تربية كدا نزل الناس الى كانو جمبى بنتين صغيرين و ادام كانت اختهم و باباهم و مامتهم طبعا قمت علشان ينزلو(رجعت ناحية الكرسى الى ورا) فاكيد المحفظة وقعت جوة العربية نزلت عند الملف فى التحرير علشان اركب المترو و كنت لسة صاحى من النوم بحط ايدى على جيبى مافيش محفظة بدور فى الشنطة مافيش افتكرت الى حصل جريت حصلت المكروباص و لقيتة فى الموقف السواق قالى انا لسة كانس العربية مافيش حاجة اتارى الناس و هية بتبعتلة الاجرة بتاعتى وقع نص من الفضية فاول لما وقف بص علية بصراحة انا كنت بنهج من الجرى و بصيت فى العربية مافيش حاجة و اعدت ابص فى الشنطة راح محمل و ماشى و بصراحة انا شاكك فية هوة بس لان محدش ركب جمبى تانى غير واحدة عربية(مش مصرية)ومحدش وطى على الارض اصلا و لو حتى وطى كان الى جمبة هيشوفة يعنى كان فيها بقا 800 جنية غير البطاقة غير كارت البنك غير كارنية الجامعة و لسة لحد دلوقتى ما استملتش البطاقة الجديدة ولا كارت البنك

**Master Key** · 28-12-2009, 10:29 PM

انا بقا كنت قاعد فى المحل ولا بيا ولا عليا

دخل عليا واحد و ماسك شريحة موبينيل فى ايده

و بيقولى الشريحة دى مش بتبعت رسايل

انا عاوز اعملها سوفت

فرديت عليه بتلقائية و قولتله

للاسف الكابل بتعها بايظ

عدى عليا يوم تانى اكون صلحته