مكتوب فى شهادة ميلادى مصرى

**ELMASRY.7000** · 24-05-2009, 11:48 PM

مكتوب فى شهادة ميلادى مصرى

ايوة بحبها
بشتم فيها و اعزها
بشم مع هواها تربها و برضة بحبها
بستنشق دخنها فى عطرها
بعشق حواريها و شوارعها و ظلها
لجوامعها و كنايسها و معابدها بشتاق لها
لكل ركن و كل حبة رمل فى حضنها
بحب الفراعنة و المماليك و البورسعيدية
بحب الاهلى و الزمالك و الاسماعلاوية
وبحب السوايسة و الداميطة و المحلاوية
من الصعيد جنوبا الى المتوسط شمالا بحلم أضمها
انت لسه بتسألنى بحبها
ايوة بحبها و بعشق اهلها
و حفضل أحبها
حتى لو ظلمنى ناس منها
حتى لو ضربنى ظابط من أمنها
حتى لو زاد الفساد و طال الزاد و قل الخير فى حجرها
حتى لو ملقيتش اللقمة فى ارضها
حتى لو اتحشرت فى المترو بحبها
حتى لو وقفت فى اشارتها ربع قرن بحبها
جوعت ولا شبعت بحبها
بحب البلد دى بكدبها و صدقها
بمجدها و عزتها بجيشها و شعبها
سألونى و أيش حلمك قلت أموت فى رملها
....................

وأنا كمان بحبها و باموت فى دباديبها
القصيدة لأحمد المصرى

**&& اشكوزا &&** · 25-05-2009, 12:10 AM

الله
بحبك يابلدي بحبك يا مصر

تسلم يا مصري

**أحمد السيوفي** · 25-05-2009, 12:11 AM

كلنا بنحبها زي ما هي

وبتمني انها تكون احسن البلاد وبندعيلها ربنا ينضفها من اللي موسخينها

شكرا استاذ ياسر علي القصيده الرائعة

**&& اشكوزا &&** · 25-05-2009, 12:12 AM

اللهم يامالك الملك ياذا الجلال والاكرام
اللهم ياشافي ولا شفاء الا شفاءك
اللهم اشفي أم اخي المصري يا ارحم الراحمين
اللهم خفف الامها
اميييييييييييييييييين

**AhMEd TOhAMY** · 25-05-2009, 12:18 AM

شكرا اخى المصرى على الكلمات الرائعه

**Tarek On** · 25-05-2009, 12:21 AM

بحبك يامصر يا ارض الجندي العربي الاول ياااااا مصر

الوووووووووووووووووووو يامصر سلمي على الجدعااااااااان
وقوليلهم المصري 7000 اشتاق لترابي قوووي

**aladin02002** · 25-05-2009, 12:40 AM

طبعا بنحبك يا مصر

ياللى أرضك أرض النصر

جديدة فى كل عصر

وشعبك كريم الأصل

طبعا بنحبك يا مصر

طبعا بنحبك يا مصر

**Abu Ahmed*GEM** · 25-05-2009, 12:42 AM

والله باين من موضوعك انو وحشتك مصر كتير وربنا يرجعك بالسلامة لبلدك الحبيبة ولأهلك سالم غانم

وكلمات رائعة من مشرف سوبر رائع

وانا بقول: مصر أم الدنيا والنعم فيها وبأهلها الطيبين والرجالة الرجاجيل

ولو أعرف اعبر اكتر من كدا كنت قلت اللي في قلبي

تحياتي لك أخي المصري

عتيق الله