منقول :-حل مشكلة تحقق حساب جوجل Google Acount فى اصدار Lollipo 5.1.1

**essam2005** · 09-09-2015, 05:51 AM

حل مشكلة تحقق حساب جوجل Google Acount فى اصدار Lollipo 5.1.1

g

بعد اصدار النسخة الاخيرة من نظام اندرويد Lollipo 5.1.1
لبعض اجهزة سامسونج جلاكسى . اصبح هناك نوع اخر من الحماية
غير Samsung Acount
وهو طلب التحقق وادخال ايميل جوجل Google Acount
وتظهر هذة الحماية عند عمل استعادة ضبط للهاتف او فورمات
او تحديث اصدار الهاتف
ووضعت جوجل هذة الحماية على اصدار لولى بوب 5.1.1
حتى تحمى المستخدمين من سرقة اجهزتهم والتلاعب بمعلوماتهم الشخصية
مثل ميزة iCloud فى اجهزة ابل
والغرض منها هو عدم استطاعة السارق الاستفادة او تحميل الداتا الخاصة بك
مثل الصور والاسماء وغيرها من ملفاتك
وتستطيع الدخول الى مدير اجهزة اندرويد android device manager
وكتابة معلومات دخولك فى حساب Google
والتحكم فى هاتفك وحذف جميع الملفات الموجودة على الهاتف عند توصيلة بالانترنت
مثل ما يظهر فى هذة الصورة من حسابى

ولكن كالعادة الامور تختلف بالنسبة للسوفتجية
فعند انتشار هذة الميزة بالنسبة للمستخدمين تعتبر اضافة قوية
ولكن بالنسبة للسوفتجية تعتبر مشكلة يجب تخطيها فى اسرع وقت ممكن
وفى موضوعنا السابق قدمنا موضوع

-بعض المعلومات عن مشكلة تحقق ايميل جوجل Verifying Your Acount فى اصدارات Lollipop 5.1.1

والقينا نظرة عامة عن المشكلة التى تحدث اثناء عملية التحقق
وايضا اخر الاخبار عن تخطى هذة المشكلة ببوكسات السوفت وير والطرق الاخرى
وتركنا الموضوع مفتوح ايضا فى جروب ملوك السوفت لتعليقات وحلول الاعضاء

ومنهم من شارك ببعض الطرق والمحاولات التى يمكن ان تساعد
ومنهم من اختلط علية الامر واعتقد اننا نتحدث عن حساب سامسونج
Samsung Acount

كما يظهر فى التعليقات

ولكن اللى حيرنى ان فى عضو شارك بحل وقال انا جربتة ولكن الحل بالنسبة لمعظم السوفتجية كان مجرد كلام
وليس تجربة فعلية او لااستسهال الحل وانة شايف انة حل مش صحيح
على حد كلامهم

وكل الاعضاء بتحاول تساعد وتقول رأيها وتجاربها فى حل المشكلة سواء على بوكسات السوفت
او باستخدام احد الطرق الاخرى زى الدونجريد Downgrade
او تفليش ريكفرى معدل CWM-TWRP
او غيرها من الحلول
واللى ادهشنى انى لاقيت Adham مصر على رأية ومتمسك بية لاقصى حد
حتى انا سألتة عن كدة وعن مدى اصرارة على هذا الحل

وفضلت افكر لية ادهم مصر كل الاصرار دة على الحل دة وبيقول انا جربتة ونجح؟
وطبعا احنا شغالين على ايجاد حل للمشكلة
وانا بجرب وببحث عن حلول شوفت مقال عن اضافات ميزة منع السرقة
فى اصدار Lollipop 5.1.1
وتقدر تشوف المقال كامل من هنا

What Is Android 5.1's Anti-Theft "Device Protection
" Feature And How Do I Use It?
وكان بيتحدث عن هذة الميزة وطريقة استخدامها
ولكن اللى لفت انتباهى هو الجزء دة

بمعنى اية عشان نسهل الموضوع
يعنى جوجل اضافت الميزة دى فى اصدار Lollipop 5.1.1 للمستخدمين
منعا للتلاعب فى محتويات الجهاز عند السرقة
دة غير ان المستخدم ممكن يكون عامل رمز حماية او نمط

وكل دة سهل تخطية طبعا بالنسبة للسوفتجية
وكانت المفاجاة ان حل المشكلة يتلخص فى الاتى

جوجل وضعت الميزة دى لمدة 3 ايام فقط اى 72 ساعة
ودة علشان يكون فى وقت كافى لمالك الجهاز
انة يدخل على مدير جهاز Android
زى ما وضحنا فى اول المقال .
ويقدر يحذف محتويات جهازة وكل الداتا الموجودة علية
وبعد مرور 72 ساعة تصبح هذة الحماية معطلة وتقدر بعدها تفرمت الجهاز وتعمل Hard Reset
Wipe Factory & Wipe Cach
وتستخدم الجهاز وتتخطى تحقق الايميل
تجربتى الشخصية فى حل المشكلة

قمت بتجربة الطريقة اكثر من مرة ولكن لم تفلح العملية
وانتظرت حوالى 3 ايام وقمت بعمل فورمات من الريكفرى ونفس المشكلة
ولكن لم أيأس وقم بعدها بتفليش الهاتف بطريقة عادية
-شرح تفليش وتحديث SM-G531H Grand Prime لولى بوب 5.1.1 بدون بوكسات
وبعد عملية التفليش قمت بتجربة الطريقة مرة اخرى
والمفاجأة انة تم حذف الحساب نهائيا من الهاتف كما تشاهد
بسبب توقف الحماية عن الهاتف بعد مرور ال72 ساعة
وعند تشغيل الهاتف بعد عملية التفليش وال Wipe
بعد مرور ال72 ساعة وعند قيامك بأكتفة الهاتف
يقوم بالاتصال بسيرفر جوجل ثم يتوقف ويمكن ان تظهر رسالة خطأ
لعدم الاتصال بالسيرفر وبعدها تتم عملية الاكتيفيجن
ويتم اكمال باقى الخطوات والدخول على قائمة الهاتف

وتم حل المشكلة بنجاح بابسط الطرق
والحل مطروح للتجربة من الجميع
وقمت بالتجربة على هاتف G531h يحمل اصدار Lollipop 5.1.1
بقا هو دة الحل اللى مغلب الدنيا ؟

اة تصور ان هو دة حل المشكلة بابسط الطرق وبدون بوكسات
ولا فلاشات ولا تغيير ملفات
ودة يعلمنا اننا ناخد بالنا من كل المعلومات والتعليقات والمشاركات حتى لو كانت صغيرة او احساسك انها غير مهمة
وانت بنبحث عن حل لمشكلة
وانا بشكر العضو Adham Sabry
للفت انتباهنا لهذا الامر لة كل التقدير والاحترام لانة شارك بتجربتة ومبخلش بيها على حد رغم انة كان ممكن
يخفى المعلومة او يقول هخلى الحل لنفسى او ممكن حد يتريق عليا ومياخدش كلامى بجدية
الخاتمة

انا حاولت اذكر معظم التجارب والمقالات من اكثر من مصدر
سواء الجروبات او مواقع اجنبية علشان يكتمل الموضوع
وكمان جربت بنفسى ونجحت التجربة وكنت كاتب الموضوع دة من 4 ايام
قبل نشرة لكن حبيت انتظر لحد ما تاكد وجربت الحل تانى على J700H
بس للاسف ماخدتش صور او سكرين شوت للعملية
وكمان الناس اللى معاها اجهزة تكون عدت ال 72 ساعة عليها
ويقدروا يجربوا كلهم علشان نشوف عدد كبير من التجارب سواء ناجحة او فاشلة
للأمانه الموضوع منقول بس حبيت الناس تستفاد من الموضوع لان انا بحثت كتير عن الحل
وارجو ردود الاعضاء بعد التجربه بنفسهم