.gif)
...::-::... الصحــــــــــــــــــاب ...::-::...
زى الصحاب .. خواجات
من الصحاب خواجات
صحبة على أد الكلام
من الصحاب حكايات
مكتوبة بفرشة رسام
حروف ماليها معنى
شكل حلو والسلام
نشترى ساعات إل باعنا
يزيد خداعنا ... نقول تمام
دفتر الصحاب مقطع
والورق مالوش ملامح
و الحبل الواصل بيقطع
ومعدتش قادر يسامح
ناس مرضها كدبها
و غلبها ف القلب طافح
ناس سجينة طمعها
للغباء دايما تكافح
ناس تصدق نفسها
إكمنها .....
راسمة المطامح
تقضى أغلب وقتها
فى عرضها
روايات مسارح
كدب فى وشوش عفنت
و إتمكنت ترسم ظواهر
لنفوس بغل إتكفنت
و إتلونت ...
ألوان جواهر
زمنا شاف منهم عجب
سّبهم ف ميت كتاب
صحاب بنشوفهم دهب
قشرة معجونة بتراب
ولا نافع ليهم دوى
ولا شافع ليهم عتاب
ناس تمثل فى الحكاوى
مر بيقاسى العذاب
ناس تكسل ف البلاوى
تهرب فى حضور الحساب
والحساب يجمع قديم
ع الجديد يصبح جبل
من ندالة ف ألف حالة
و خسة ف نفوس بالهبل
حد عارف إيه يضايقنى
يصّر بردو يعملو
يفرح لو شافنى ف خسارة
وكلام شماته يجملو
لكنى من كتر ا لألام
تعبت من زيف الكلام
لما الصحاب أخدو الغراب
قدوة من سرب الحمام
يبقى الأكيد لازم نعيد
و نبدل حرف الجيم
ب..........
رد مع اقتباس
رد: ...::-::... الصحــــــــــــــــــاب ...::-::...
المشاركة الأصلية كتبت بواسطة ahmed el masry
المفضلات