لكل الاعضاء (برجاء المشاركة من الجميع )

**elbono1** · 20-02-2010, 01:06 PM

السلام عليكم ورحمه الله وبركاته
بسم الله الرحمن الرحيم

اخوانى الاعزاء
اعضاء المنتدى الغالى
وقسم سوفت وير الاجهزة الصينية

زى ما حضراتكم شايفين ان كل المواضيع المثبتة
للطاقم الاشرافى فقط وحتى الاعضاء المميزين مواضيعهم المثبتة بتكون على فترات متباعده

برجاء مشاركة الجميع وخصوصا الاعضاء
لان كلنا الحمد لله على قدر كبير من العلم والخبرة والمعرفة
لان كلكم بيدخل يقرا الموضوع و يتابعة للأخر و يخرج من غير ما يرد
الرد مش مطلوب انه يكون شكراً أو مشكور أو الحاجات دي
الرد بتجربة حصلت معاك بنفس مشكلة الموضوع أو المشاركة
وبالنسبة للالقاب مش هى دى الفرق بينا
بالعكس ده تكليف من الادارة بمهام شاقة ومتعبة
والمشرف ده كان عضو زيك بالظبط واجتهد
وعمل مواضيع تفيد الاعضاء وقتها كان فيه برده مشرفين
بس هو كان عاوز يخدم ويفيد زى ما بيستفيد

فى انتظار ردودكم
ومشاركات فعالة واى اقتراح او استفسار يتكتب هنا
وان شاء الله يتم مناقشته مع الادارة المحترمة
تحياتى للجميع

والله الموفق

**خدمات سيرفر الجيم فلاش** · 20-02-2010 01:06 PM

**هشام الرميحي** · 20-02-2010, 01:58 PM

كلامك سليم و في منتهي العمليه
أنا عن نفسي بكون سعيد لما بعمل موضوع و العضو يرد عليا بتجربه حصلت معاه
أو مدي تأثير موضوعي في شغله
أكتر مما بسمع كلمه شكر منه
و لكني اريد ان اعرف ما هي المباديء التي يستند اليها الموقع وادارته الكرام في التقييم و التثبيت
و ان كان الموضوع يقيم من حيث افاده الاعضاء منه
فلماذا لم يتم تثبيت موضوع مثل هذا
https://www.gem-flash.com/vb/showthr...%C7%D4%E5+n72i

**elbono1** · 20-02-2010, 02:07 PM

شكرا لمشاركتك اخى هشام
والادراة بتقيم الموضوع من كذا جهة
اولا توقيت عرض الموضوع ومدى الانفراد والشرح المبسط
بالنسبة للموضوع اللى بتطالب بانة يتثبت
ده من رائيى من افشل المواضيع فى القسم لسبب
وهو ان الفلاشات دى مرفوعة ومثبتة من قبل الاعضاء
وهو نزلهم فى موضوع ونسبه لنفسه

فى انتظارمشاركة باقى الاعضاء

**KaReeM_ALMIaa** · 20-02-2010, 02:11 PM

كلامك سليم جدا ..اولا الاعضاء البعض بيرد والبعض التانى لا يمكنه ليرد ...بس بقيت المشاهدة بتكون اكتر من الزوار عن طريقه البحث ..وهذا المنتدى والحمد الله فيه نخبه من المحترفين ...وكل الحلول اللى بتظهر فى البحث بتكون فى اول ...باسم المنتدى بتعنا.؟

**elhinawy** · 20-02-2010, 02:27 PM

كلام سليــــــــــم

**elbono1** · 20-02-2010, 02:32 PM

شكرا ياكريم على تفاعلك مع الموضوع
وده اللى بنطالب به المشاركة من الكل

**ابوكنزى** · 20-02-2010, 03:23 PM

كلام صح الصح
بصراحة كلامك دة مهم جدا لكن اسمح لى ان اتكلم عن نقطة معينة
لان بيحصل مثلا ان العضو بيعمل موضوع عن مشكلة او طلب فلاشة
وبعدين بنلاقى الرد على الموضوع سواء من المشرفين او الاعضاء
وبيحاولو يساعدو فى حل المشكلة و الغريب ان صاحب الموضوع
لا يقوم بالرد بأن المشكلة اتحلت بالطريقة الفلانية او ان الرد كذا هو الصح
او انة حل المشكلة بالطريقة كذا ويقوم بشرحها
حتى يكتمل الموضوع وكمان يكون مفيد للاخرين
وشكرا مرة تانية على الموضوع المفيد لينا كلنا
ابو كنزى

**elbono1** · 20-02-2010, 04:25 PM

اهلا بيك ابو كنزى
وزى ما قولت ان لازم العضو يرد على الموضوع بتاعه
لان ده فعلا هيفيد الاعضاء جداااااا
وهنعرف كلنا ازاى تم حل المشكلة
وانا عن نفسى بطلب من كل عضو متابعة مواضيعه ومشاركاته يوميا
من خلال الضغط على مشاركاتى اعلى الصفحة على الشمال

بالتوفيق

**elbono1** · 21-02-2010, 06:28 PM

ياجماعة لازم الكل يشارك لرقى المنتدى الغالى علينا كلنا
المشاهدات 70 وا 4 ردود فقط
!!!!!!!!؟؟؟؟؟؟؟؟؟

**أبو ملك** · 24-02-2010, 07:50 PM

المشاركة الأصلية كتبت بواسطة elbono1

ياجماعة لازم الكل يشارك لرقى المنتدى الغالى علينا كلنا
المشاهدات 70 وا 4 ردود فقط
!!!!!!!!؟؟؟؟؟؟؟؟؟

اظن يا بوب الناس مش عاوزة غير تعرض مشكلة وتستنى حد يحلها وبس

ودى نسميها سلبية الاعضاء

هو ده اللى احنا مش عوزينة