نصيحه لكل مبتدئ عايز يحترف الصيانه
قبل م تستعجل وتفك جهاز تلبس شاشته او ترزعه فلاشة تجيب أجله:
*وانت بتتعامل مع اى جهاز حط فى اعتبارك ان دى امانه فى ايدك هتتسئل عنها ...ف مش عيب انك تاخد وقتك (العميل هيحترمك على فكره والاهم انك هتفضل تحترم نفسك)
*اسئل العميل عن سبب العطل عشان تعرف هتبدأ منين
*تعامل مع كل حالة على حِده
*بعد م خمنت سبب العطل حتى لو شاكك 99% من تخمينك برضه ابدأ من الاسهل ل الاصعب او بمعنى تانى الاقل ضرر فالاكثر
*احتفظ بأى شاشه او فلاته تالفه واكتب عليها عطلها عشان هتحتاجها ... مثلاً شاشه قاطعة بيانات وشغالة اضائه تقدر تشخص بيها عطل الاضائه
*تدقيق النظر فى البورده قبل تنضيفها مهم جداً جداً وممكن يوفر عليك وقت وجهد كبير
*قبل م تمسك الهوت الاير لازم تكون استخدمت الباور سبلاى والافوميتر!
*تأكد من المكون اللى بتسخن عليه والاهم تكون عازل الحرارة عن باقى البورده قدر الامكان
*اهتم بالتقفيل والحفاظ على الجهاز من الخدوش
*حدد اجرك بما يناسب جهدك و نافس بكفائتك مش بالحرق (العميل مش هيقولك فداك لو لبست)
تحياتى للجميع
المفضلات