عارفيـــــن الشعور ده انا حسيــــــت بيــه

**GHOST** · 12-09-2008, 02:00 AM

عارفين الشعور ده

عارفين لما تفتكر حاجه كده
تحس انها بتشدك لذكريات
انت مش عارف ايه الذكريات دى
بتشدك لحاجه كده
بحاجه انت مش عارفهاا
و ممكن تدخلك فى شعور كده غريب
حزن مع الم مع فرحه
الشعور ده

عارفينه.......!!!!!!

عارف لما تسمع اغنيه كده
تلاقى نفسك بتبتسم من غير سبب
بس جواك حزين اوووى
و تلاقى شعور بدأ يدخل جواك
انت مش فاهمه
و تحاول تفهم ايه ده
وفى الاخر متفهمش

طيب عارف
لما تروح تقف على البحر كده
وتاخد نفس عمييييق
بعديها تلاقى نفسك بتبتسم
بس جواك حاجه مش قادره تخرج
حاجه يمكن بتقطعك من جوه
و مش عارف تتخلص منها

عارفين الشعور ده

طيب عارفين

لما تبقى لسه صاحى من النوم
اليوم لسه مبداش اهو
وتلاقى نفسك على السرير لسه
و غصب عنك تنزل دمعه
ممكن تفضل ساعتين تعيط على المخده
المخده اللى تعبت مننا كل يوم
كل يوم يتحس بينا
قبل ما ننام
و تقوم من على السرير
و محدش يعرف حاجه

عارفين الشعور ده

عارفين لما تكونوا اصحاب متجمعين فى يوم كده
و كلكوا مهيسين و بتدحكوا
و اللى يشوفكوا من بعيد لبعيد
يقول الناس دى رايقه
وحياتها تمام اوى
و انتوا اصلا بتدحكوا بدل ما تعيطوا
و محدش حاسس بحاجه
و محدش فاهم حاجه
لا و ايه
محدش هيقدر اصل
انه لا يفهم ولا يحس اللى جواكوا

طيب عارفين

لما تحس انك عايز مساعده من اى حد
اى انسان
اى مخلوق
حاسس انت بتغرق
بتغرق فى ايه مش عارف
بس انت محتاج مساعده
محتاج حد ينجدك
مش عارف هتطلبها من مين
و حتى لو طلبت مساعده
هتتقوله ايه
عايزك تساعدنى و خلاص
هيرد و يقولك اساعدك فى ايه
تقوله حاسس انى بغرق
الحقنى

هيقولك بتغرق فى ايه
ما انت واقف قدامى اهو
انت محتاج مساعده
بس مساعده فى ايه انت مش عارف

و تفضل تغرق و مش لاقى مساعده

طيب عارفين
لما تكون عايز تسمع كلمه معينه مش شخص معين
كلمه ممكن تكون كلمه من حرفين بس
مش صعب عليه يقولها
وتلاقيه ولا بيتكلم
تحس انه تمثال
ما تتكلم بقى
طيب ما هو انا شايفاك بتقولها مليون مره
شايفها فى عينيك
حاسسها اوى
عايز تسمعها بقى
قوووووول

اتكلم
و لما يتكلم
تحس انه بيشفق عليك
!!!...بتشفق على
طيب لما انت كده
بتحسسنى بيها ليه من الاول اصلا
بتعيشنى فى الشعور ده
ليه من الاول..و لو للحظات
لما ده مش حقيقه

طيب عارف
لما تبقى عايز تسمع صوت حد معين اووى
واحشك اوى
عايز تسمع صوته
تطمن عليه
و تفضل مستنى
و مستنى..... ومستنى
و فى الاخر ميتصلش
لا و بعدين يتصل حد تانى

تقول اخيرا اهو
و ترد بلهفة
و تسمع صوت حد تانى
مش ده اللى كنت مستنيه

منقـــــــول

**AhMed FaWzY™** · 12-09-2008, 02:17 AM

عارف والله ياسماعيل
والله ياحبيب قلبى عارف

**GhArOmA** · 12-09-2008, 02:21 AM

تصدق ان موضوعك دة من اشد المواضيع اللى عجبتنى جدا
بجد بجد كلا الاحاسيس دى حسيتها وخصوصا بتاع البحر وغيره وغيره
ومحدش بيحس ولا بيقدر ولا بيراعى المشاعر دى وقتها
وتستحق بجد احلى تقييم حتى لو كان منقول

**GHOST** · 12-09-2008, 04:25 AM

المشاركة الأصلية كتبت بواسطة احمد فوزى

عارف والله ياسماعيل
والله ياحبيب قلبى عارف

مشكور حبيبي احمد لمرورك نورت الموضوع

المشاركة الأصلية كتبت بواسطة غرام

تصدق ان موضوعك دة من اشد المواضيع اللى عجبتنى جدا
بجد بجد كلا الاحاسيس دى حسيتها وخصوصا بتاع البحر وغيره وغيره
ومحدش بيحس ولا بيقدر ولا بيراعى المشاعر دى وقتها
وتستحق بجد احلى تقييم حتى لو كان منقول

اكيد انسه غرام في زماننا هذا انعدم الاحساس والمشاعر من قلوب

كثيره ومفيش حد بيقدر حب حد الموضوع ده ينطبق عليه بالحرف الواحد

مشكوره لاعجابك بالموضوع ومشكوره لمرورك بالموضوع وتقييمك ليا

نورتي الموضوع

**Jine** · 12-09-2008, 12:18 PM

السلام عليكم

إيوة يا حبيبي أسماعيل عارف كل دول ههههههههههههههه

وجربتهم وحدة وحدة

ويا راجل الموضوع جميل جداً والله بس زي العادة زعلتني منو :up:

دمت بود يا غالي

**waleed93** · 12-09-2008, 02:15 PM

موضوع في غاية الروعة
كل الاحاسيس عارفنها لكن مش كلتها جربناها بالجد احاسيس صعبة
سلمت يداك علي الكلام الرائع

**وائل النجار** · 12-09-2008, 03:33 PM

لاتعليق ..... غير أنوا أكتر موضوع دخل جوا قلبي لغاية النهاردة

شكرا حبيبي إسماعيل...

**ELMASRY.7000** · 12-09-2008, 04:57 PM

موضوع رائع فعلا إسماعيل ومؤثر للغاية

**GHOST** · 12-09-2008, 07:58 PM

المشاركة الأصلية كتبت بواسطة rine

السلام عليكم

إيوة يا حبيبي أسماعيل عارف كل دول ههههههههههههههه

وجربتهم وحدة وحدة

ويا راجل الموضوع جميل جداً والله بس زي العادة زعلتني منو :up:

دمت بود يا غالي

ههههههههههههههه

حبيب قلبي يا جهاد والله وعارف انك بتزعل من المواضيع الحزينه

نورتني والله يا قمر

المشاركة الأصلية كتبت بواسطة waleed93

موضوع في غاية الروعة
كل الاحاسيس عارفنها لكن مش كلتها جربناها بالجد احاسيس صعبة
سلمت يداك علي الكلام الرائع

مشكور حبيبي وليد لمرورك

نورت الموضوع يا بوب

المشاركة الأصلية كتبت بواسطة وائل النجار

لاتعليق ..... غير أنوا أكتر موضوع دخل جوا قلبي لغاية النهاردة

شكرا حبيبي إسماعيل...

مشكور لمرورك يا حبيب قلبي

نورت الموضوع بوجودك فيه

المشاركة الأصلية كتبت بواسطة elmasry.7000

موضوع رائع فعلا إسماعيل ومؤثر للغاية

مشكور لمرورك حبيبي ياسر

نورتني

**ahmadh1980** · 12-09-2008, 08:06 PM

لما تروح تقف على البحر كده
وتاخد نفس عمييييق
بعديها تلاقى نفسك بتبتسم
بس جواك حاجه مش قادره تخرج
حاجه يمكن بتقطعك من جوه
و مش عارف تتخلص منها

الله الله الله الله على البحر

و لما بتقف جنب البحر

مشكووووووووووووووووور

استاذ اسماعيل

موضوع رائع

بالتوفيق

قائمة الاعضاء المشار اليهم

الموضوع: عارفيـــــن الشعور ده انا حسيــــــت بيــه

أدوات الموضوع

بحث في الموضوع

عرض

عارفيـــــن الشعور ده انا حسيــــــت بيــه

الكلمات الدلالية لهذا الموضوع

المفضلات

المفضلات

ضوابط المشاركة