دعوة لعودة كرامة تجار المحمول

بارك الله فيك اخي الفاضل..
نتمني ان لانحضر هذا الزمان..
وان يقينا الله عز وجل منه..
واشهد انه لا اله الا الله وحده لاشريك له..وان محمداً عبده ورسوله..

[magdnet]

مع الاسف الشديد كل اللى انتم عملتموه الشركه عملت قصاده خطه جامده جدا

اولا : نزلت اكبر مسابقه فى تاريخ الشركات
ثانيا : دى جى مجانا الاغلب المحلات لبيع الخطوط
ثالثا : زودت عدد الجوائز 650 جائزه
رابعا : نزلت هدايا على الخطوط كمان 1500 جنيه لكل محل يجيب بيهم هدايا يوزعهم فى الدى جى بتاعه

وطبعا ؟؟؟؟؟؟؟؟ كتير واكله الطعم والخطوط بقت تتباع اضعاف الاول كمان الخط وصل ب 2 جنيه وعليه 3 جنيه رصيد
ههههههههههههههههههههههههههههههههههههههههه


انت ايه رايكم بقى فى اللى بيحصل

[ahmedenen]

سليم وفعلا احنا عايزين نقف وفقة رجاله وانا معاكم يارجاله

[مصطفي شهاب]

يا جماعه هانفضل نتتكلم كده كتير

عايزين خطوه فعليه نقدر نوقف بها المهزله دي

[moatafa]

اخوانى نحن اليوم بمنطقة عين شمس تم الاتفاق فيما بيننا على تكوين رابطة من تجار المحمول لتوعية باقى المحلات ونشر الدعوة وتوعيتهم حتى يكون الاضراب مؤثر وتم استلام عدد من البنرات لبعض المحلات .
اخوانى بداية الغيث قطرة ونحن لانتوقع ان يستجيب معنا كل المحلات ولكن بعد تكوين الرابطة سوف نكون اقوى واقدر على توصيل الدعوة.
ونحن بصدد عقد اول اجتماع للرابطة يوم الجمعة القادم انشاء اللة ومن يحب ان ينضم للرابطة فسوف نعلن عن مكان الاجتماع وعلية الحضور للانضمام وسوف يكون لها كيان قانونى ومعلنة ومشهرة لدى الدولة عن طريق اخوة محامين متخصصين فى هذا المجال.
واللة ولى التوفيق
مصطفى سبيد

[مجدى السكرى]

كلام صحيح بس للاسف أنت بنفخ فى قربه مقطوعه الناس دى بدور على غيرنا يعنى الى لسه مدخلشى فى الساقيه أما الى دخل ربنا يعوض عليه وأنا أنضم ليكم ومش بايع خطوط من غير عقود الا رسمى وفى المقاطعه أنا معاكم وقولوا يارب
وأنا والله جاهز لانضمام لهذه الرابطه

[abo_3afifi]

والله الموضوع عليه إقبال غير مسبوق
لانه فعلا موضوع حيكون فعال بين الاعضاء

[كنزو]

كلام سليم اخى مصطفى
وفعلا لازم ناخد موقف

[pincode55555]

كلام سليم والله انت عندك حق ان شاء الله انا معاك وياريت ياجماعه كلنا نرفع اليفطه السوده

[nokiawy9]

http://www.nokiawy9.com/vb/showthread.php?p=982#post982

دعوة لعودة كرامة تجار المحمول



هل نكتفي بتوزيع هذا البانر لوضعه علي واجهات ولافتات المحلات بجميع انحاء الجمهورية لمقاطعة بيع الخطوط ؟؟

أم سنقف أمام هذه السلعة التي اصبحت لا تنفع
و لكن تضر ؟؟؟

عايزين نتناقش في مشاكل الخطوط اللي بنشتغل فيها دي يا رجالة .. و كفاية اللي حصل للناس في اكل عيشها و كفاية ان كروت الشحن دلوقتي مبقتش بتجيب مصاريف الذهاب لشرائها من التاجر ...

احنا فاتحين محلات و بندفع ايجارات عالية و مصاريف عمالة و كهرباء و خلافه و غيرنا قاعد ع الرصيف مش بيدفع و لا حاجة و عايش بيحرق في سعر كل سلعة بنبيعها ومحدش بيحاسب .. يا ريت نتطرق للمشاكل دي عشان نعرف نوصل للهدف اللي فتحنا المحلات اللي احنا فيها عشانه ..

يا ريت نفتح الموضوع ده بكل صراحة

عشان نوصل لحل نهائي

ويا ريت اللي حصل معاه مشكلة يا ريت يكتب لنا ويضيف اسم و عنوان محله و رقم تليفونه وصورة للمحل ان امكن عشان الكلام ده كله لازم البلد تشوفه زي المشاكل اللي بتحصل علي رغيف العيش و غيره من السلع ..

والله الموفق.,

انا بقي عندي محل في اسكندرية ..


اخدوا من عندي 187 خط و عقودهم و سيريالهم موجود




تعالوا افرجكوا علي المكتوب في المحضر بالنص

فرع مباحث تليفونات
اسكندرية

تحرر بتاريخ 1/7/2009
بمعرفتنا نحن عقيد / أشرف زغلول

في اطار خطة عمل الادارة بشأن مكافحة الجريمة بشتي صورها منعا و كشفا فقد وردت معلومات بقيام محلات المحمول ببيع خطوط التليفونات المحمولة دون الحصول علي بيانات حائزهت وذلك بالمخالفة للقانون رقم 10 لسنة 2003 المنظم لمرفق الاتصالات في مادته رقم 64 التي تنص علي ان يلتزم مقدموا و مشغلوا خدمات الاتصالات ووكلاءهم المنوط بهم تسويق تلك الخطوط بالحصول علي معلومات و بيانات دقيقة في مستخدميها من المواطنين ومن الجهات المختلفة بالدولة مادة 81 يعاقب بالحبس و الغرامة لا تقل عن 10000 عشرة الاف جنيه ولا يتجاوز 100000 مائة الف جنيه كل من خالف اي من احكام هذا القانون في مادة 64 و اليوم فقد قمنا بحملة علي تلك المحلات اسفرت عن ضبط محل ------ بالعنوان --------دائرة قسم شرطة -------- حيث قمنا بفحص الخطوط الموجودة بالمحل المعروضة للبيع وجد انها سبق تسجيل بيانات وهمية لمستخدميها قبل البيع و رسالها لشركات المحمول ثم يقوم البائع بعد ذلك ببيعها للمشتركين دون الحصول علي بيانتهم حيث ان من المفترض ن يكون لكل خط عقد مكون من ثلاث نسخ وعدد ثلاث استيكرات مدرج فيه الرقم المسلسل للشريحة يتم وضعه علي الثلاث نسخ الخاصة بالعقود حيث يقوم البائعبارسال عدد اثنين( 2 ) نسخة من العقد و عليها عدد اثنين ( 2 ) استيكر الخاص بالرقم المسلسل ببيانات المشتري الي الشركة لتسجيلهم و يحصل المشرك علي النسخة الثالثة حيث تم ضبط عدد ( 187 ) مائة و سبعة و ثمانون خط و تقابنا مع المدعو / ----------- مواليد ------- المدير المسؤل عن ادارة المحل المقيم ---------------- دائرة قسم ----------و طلبنا منه الحضور معنا لديوان الفرع لاستيفاء المحضر و سؤاله رفض الحضور و عليه فقمنا بالتحفظ علي الخطوط المضبوطة و احضارها لديوان الفرع لعمل اللازم ,

نيجي بقي للصفحة التانية


ملحوظة : تم تحريز عدد 187 مائة و سبعة و ثمانون خط محمول المضبوطة بداخل كرتونة و جمع عليها بالجمع الابيض في عدد واحد موضوع بمعرفة الامين / يوسف الشوربجي امين شرطة بعد لفها بالدوبار و كارتة مدون عليها البيانات حسب تصرفات النيابة,.

و اقفل المحضر علي ذلك عقب اثبات ما تقدم في شأن و احوال القسم شرطة -------- بالحرز للقضية و عرضه علي النيابة للاطلاع ,,

ايه رايكم بقي ؟؟؟؟


و الباقي كلام مش عارف انقله

عمار يا مصـــــــــــــــــر






الحمد لله


تم تحديد جلسة 4/10/2009 للحكم

و تم صدور حكم البراءة لهذه المشكلة
وكأن لم تكن



بس المشكلة نفسها في الشخصيات الزبالة اللي اتسببت في هذه المشكلة و هم رجال الحملة الموقرين اللي شغالين زي طور الله في برسيمه

1- اولهم رئيس مباحث التليفونات ( محمد خريصة ) رئيس مكتب مباحث التليفونات بالاسكندرية و مكتبه في سنترال المنشية
في الدور الاول

2- و ثانيا امين الشرطة اللي لما روحنا لرئيس المباحث ( محمد خريصة ) طلب من امين الشرطة الذي يدعي عماد انه يفتح محضر و يكتب فيه اننا حضرنا اليه و معانا طلب من وكيل النيابة السيد ( محمد هشام ) بنيابة محرم بك بمطابقة العقود الملصق عليها الاستيكرات بالخطوط حتي يتسني لنا توفير الوقت في استلام الخطوط و جلسنا مع امين الشرطة بمكتب البلوكمين وقام بفتح محضر لكي يثبت اننا احضرنا عقود الخطوط و نكتشف في اليوم التالي بالمحضر هذا و قد تم ارساله لمكتب السيد وكيل النيابة
( محمد هشام ) و مكتوب فيه اننا يتوفر لدينا سوء النية


طبعا .... البيه رئيس المباحث مضي علي المحضر ده والله اعلم قراه ولا لأ .... لكن اللي كتب المحضر امين الشرطة


و طبعا مفيش ظابط او امين شرطة تم تكلفه بالذهاب معنا لديوان القسم لمطابقة العقود الملصق عليها الاستيكرات
بالخطوط التي بالحرز .... طبقا لطلب و جواب النيابه الذي ذهبنا به اليهم


لكن كانت مهمتهم هي تعقيد المسألة فقط ... حتي لا يفقد قضية تدر عليه 3 جنيه مكافأة في اخر الشهر

.....


و قبل ميعاد الجلسة بكام يوم كان عندي في المحل ...

زبون عزيز عليا جدا و هو جاري بالقرب جدا من المحل ..

حكيت له اللي حصل من الظابط و اللي حصل من امين الشرطة اللي اسمه ( عماد )


عارفين الراجل رد عليا قالي ايه ؟؟؟؟
؟
؟

انت مظبتش امين الشرطة بأي حاجة في ايده لما روحتله ؟؟؟

قولتله لأ طبعا ... لان انا مش مستحمل غرامات ... و ثانيا كانت الاوضة اللي كنا قاعدين فيها مليانة و فيها مكاتب زمايله ...


قالي : كنت طبقتله خمسيناية في ايده يا عم الحاج .

بعدين يا ريتك كنت قولتلي دا انا لسة شايف عماد امبارح كان عندي في سنترال ميامي ..

عموما هيا العالم دي كلها زبالة و مفش حاجة اقولهالك اكتر من كلمة زبالة .


http://www.nokiawy9.com/vb/showthread.php?p=1093#post1093

اللي عنده مشكلة خطوط يا جماعة .. يراسلني ع المنتدي عندي و حوصله بالمحامي اللي انجزلنا في اجراءات هذه القضية

ولا يبقي سوي مرحلة تقديم طلب لتسليمنا الخطوط