يا اجهل شعوب الارض

[Mohamed ashour]

أحمد فؤاد نجم
===============
يا اجهل شعوب الارض اخترت ليه طرطور
اراجوز فى ايد مرشده شايل لقب دكتور

من يوم مامسك الحكم مقطوعه ميه ونور
قالو فى ايده الخير ولو منه برده يغور

ارجوز بلدنا اتكشف وعرفنا ايه مخبيه
ممنوع عليه الكلام اصل الكلام مش ليه

والكلمة كلمة جماعه ومرشده ممليه
ومهما قال الغلط وراه جماعه تحميه

يا اغرب شعوب الارض منكم خلاص مليت
بعتو التاريخ والارض عشان أزازة زيت

يا بيعين العرض بكره تبيعو البيت
بكره الغريب يتحكم وهتبقو خدم البيت

كنت كبير يا وطن لكن خلاص وطيت
دخلت نعشك يا وطن وبكفنك اتغطيت

[هشام الرميحي]

انا اساسا مش بحب الراجل ده

[&& اشكوزا &&]

انا بقي ياهشام بحب شعر فؤاد نجم من زمان
لكن الهبل اللي بيقولوا دة مش شعر دة قلة ادب

[Mohamed ashour]

لا احمد فؤاد نجم من الشخصيات الي انا بحبها جدا
واشعاره رائعة
وفعلا زي ماقال ابو جاد
هي قلة أدب
بس هو دا رأيه بردك

[ahmed el masry]

من بعد هشام الجخ مفيييييييييييييييييييش

[Mohamed ashour]

لا حاسب
مع كل احترامي للجخ
احمد فؤاد نجم اسطورة وقديم

[mohamed allam]

اهو ده اللى عامل فيها مناضل

لابطيقه ولا حتى بنته

[هشام الرميحي]

الشاعر زيه زي أحد بني ادم في موقع مسؤليه

لازم يكون قدوه في أخلاقه و تصرفاته

و كلامه

[&& اشكوزا &&]

الشعر كالكلام
حرامه حرام وحلاله حلال

[&& اشكوزا &&]

لا حاسب
مع كل احترامي للجخ
احمد فؤاد نجم اسطورة وقديم

طبعا مافيش وجه للمقارنة بين نجم والجخ