الموضوع منقول من منتدى صديق
بسم الله الرحمن الرحيم
توفيت قبل ايام .. تبلغ 23 عام- طالبه جامعيه
عرفت بنشاطها بمواضيعها وردوهــا...
دخلت على ملفها الشخصي لانشر مواضيعها ...
اقول في نفسي سبحان الله ماكنت تعلم ان بعد وفاتها
راح يجي اعضاء وينشرون مواضيعها ويقرون ردودها..!!
توقف وانا اتصفح ملفها
..وبي خوف...قلقل..حسيت تفكيري مشوش ..! لحظات بديت
اتذكر مواضيعي...
اللي تحمل اخبار الفنانات وصورهم
واللي تحمل روابط اغاني
واللي فيها تردد لقنوات الاغاني والافلام
وموضوع نزلته دردشه لاعضاء وعضوات المنتدى
وموضوع لتصميم تواقيع وطبعا التواقيع غالبها عليهم صور نسائيه وكان مثبت
واداره المنتدى اعطتني وسام على هذا الموضوع...!!
وموضوع كنت حطيته بالقسم العام وثاني في قسم الرحلات ...
أتذكر ردودي
على الاعضاء الشباب وضحكي ومزحاتي واستهبالي معاهم
أتذكر
اللي معي بالمسن والشباب اللي اضفتهم ،وكنت اقضي الساعات معهم
ويدور بينا احاديث
فإذا خلصت كلامي معهم على طول امسح المحادثه خوفي يجي احد
ويقراها...
تذكرت توقيعي
اللي صممته وفيه صور فنانه احبها كثير ولبسها كان عاري
طبعا كل اللي راح يمر على توقيعي راح يوصلني اثمه
هذا غير اللي راح يعجبه توقيعي ويحطه في المنتديات الثانيه
فكل من راح يمر راح اخذ اثمه...والمنتديات يدخلها الالف
بل الملايين ...يعني كل يوم تجي الاثام وانا ماادري...!!!
بعدت شوي عن النت
بديت اتذكر حياتي خارج النت
صلاتي :كانت مجرد حركات تعودت على فعلها ،
كنت اقرء الفاتحه تلقائيا وبعدها سوره الاخلاص
ومااتذكر الركوع إلا إذا قرئت (ولم يكن له كفؤاً احد)
هنا اتذكر اني خلصت وجاء وقت الركوع....
عباتي:كانت مخصره وكنت لازم اكحل عيني
والبس العدسات،
اشرطتي:اغلبها اغاني وكان عندي اتذكر شريط اناشيد
جاني هديه ..
هذا اللي تذكرته في اللحضات اللي كنت ابحث
في مواضيعها...
قلت لو انا الان مكانها ...راح يجي اعضاء يدخلون على ملفي الشخصي
ويرفعون مواضيعي
بس ايش راح يلاقــون..!!
ايش المواضيع اللي راح يرفعونهــآ
جتني عبره وغضه والم على حالي...
احس توقف تفكيري
لو انا مكانها..
..
الموت خذاها فجاه
لاستاذن منها ولا امهلها
هي الان بقبرهـا
اللي راح يوصلها
حسنات جاريه ام سيئات جاريـه
مواضيعها شاهده لها ام عليها
وانتم
اكيد وانتم تقرؤن كلامي
تذكرتم مواضيعك وردودكم وحياتكم . . ؟!
هل ستكون حسنات جاريه
ام سيئات جاريه...
خواتي عندكم فرصـه ...
تدرون ايش سويت بمواضيعي...
رحت على طول كلمت المشرف
يحذفها ..صحيح كنت منحرجه
ان سالني ليش...؟!
بس قلت ربي بكره يسألني
عن هالمواضيع...
كلمته في البدايه ماسوا شئ
لاكن ألحيت عليه
والحمدلله حذفها
وشكرت الله ,,
الحمدلله...الحمدلله...الحمدلله
بدئت انزل مواضيع في المنتدى الاسلامي
وروابط قران...ورابط فلاشات دعويه
وصورت اذكار وبديت اوزعها
في المدرسه وفي السوق ان رحت
صحيح كنت استحي اني اوزع وكذا
بس قلت تشجعي بكره تلاقينها في
ميزان حسناتك...
انتي مااستحيتي يوم نزلتي صور الفنانات
وبديت اتشجع..وكل ماعطيت الناس في السوق اذكار
يدعون لي...والله صرت افرح بدعواتهم لي...!!
تذكرت شئ جدا مهم ابي اقوله لكم...
ربي يمنع رزق العبد بسبب الذنوب
يمكن انتم مانعين رزقكم وانتم ماتدرون
يمكن الله يبي يرزقكم بولد او فلوس او وظيفه او اي شئ
لاكن انتم تمنعون رزقكم بامور انت تشوفونها تافهه
يمكن يمنع ربي رزقك بسبب توقيعك ...
لاتستغربين..
اخواني انتهى كلامي..
اسال الله العلي العظيم ان يهديكم ويصلحكم ويرزقكم من حيث لاتحتسبون
الله يجزاه خير من يعين على نشر موضوعي فلربما يهتدي بسببه الالف بل الملايين
ادعولي ربي يحقق مااتمنى عاجل غير اجل
استغفر الله العظيم لذنبي ولذنب المسلمين والمسلمات والمؤمنين والمؤمنات الاحياء منهم والاموات
سبحان الله وبحمده سبحان الله العظيم عدد كل شئ
آللهم جميع أعمآلنآ آلصآلحة خآلصة لوجهكـ الكريمـ يآآرب
المفضلات