النهارده هنتكلم عن عيب فى الجهاز اكيد حير ناس كتييير
وهى مشكله رمز الحمايه !!
الجهاز بيجيبه الزبون بيشتكى من انه مش عارف يعمل للتليفون رمز حمايه
بنروح احنا مركبين الجهاز على اى بوكس من البوكسات وليكن الجاف مثلا
ونعمل ريد لليوزر كود تلاقيه مثلا 55555
تقول تمام تروح مشغل التليفون وتكتب عليه الكود يقولك خطأ فى الرمز
تفتح التورنيدو او اى واجهه تانى يديك نفس الكلام 55555 مع ان التليفون مش قابله
تروح فاتح الماكس كى وتغير الكود من واجهه الماكس كى وتخليه مثلا 12345
وعلى اى بوكس لما تقرا الكود تلاقيه فعلا اتغير وبقى الكود الجديد
تفتح التليفون وتكتب الكود يقول خطا فى الرمز
فى ناس بتلجأ لانها تفلش الجهاز باخر اصدار فلاش وهو
V500.21.009
ويلاقى نفس المشكله موجوده ،، وللعلم لو عملت ايريس للجهاز هتلاقى نفس العيب
ولو كتبت بى ام جديد انت عارف الحمايه اللى عليه وكتبتها على التليفون هتلاقى نفس العيب
طيب ايه الحل !! وايه اصل السبب فى هذاا !!
نقول اولا السبب ،،
ان معظم الفلاشات اللى صادره للجهاز دا بتختلف لغه كتابه الارقام
ومش بترضى تقبل منك كتابه الرمز الا بالعربى مع ان الرمز عمره ما هيتكتب بالعربى
يعنى مثلا انت بتكتب الارقام فى رمز الحمايه بالانجلش والجهاز مش هيقبلها الا لو كانت بالعربى
طيب نقول االحل ،،
الحل انك هتعمل حل من اتنين
- الاول انك تفلش باى فلاشه مفيهاش عربى ،، يعنى فلاشه انجلش
- التانى ودا المفضل لان الزبون اكيد عايز التلفون عربى وهو انك ترجع لاصدار قديم
وهيكون الاصدار دا هو اصدار V100.07.78
وطبعا دا هيكون بعمل دونجريد للجهاز لانه اكيد هيكون واخد فلاشه اعلى منها
( متنساش تعمل دوانجريد لتخطى اى مشكله اخرى )
وبعدها هيكون العيب اتحل معاك تمام
وهيكون رمز الحمايه اصبح الرمز الافتراضى ومبروك عليك الجهاز
-=-=-=-=-=-=-=-
المفضلات