بالنسبه لمكان التجمع يوم 16-8 فى الاسكندريه

**face your fear** · 15-08-2009, 04:42 PM

حتنورا الاسكندرية يا جماعة ونتشرف بيكوا ونتمنى انكون تقضوا يوم جميل وعلى فكرة انا كمان من اسكندرية ويشرفنى انى انتتظركوا يوم الاحد ودا الرقم لو حد فى حتة ومش عارف يجى او جاى من برة اسكندرية يكلمنى وانا حاجى لحد عندة اجيبة ودا الرقم 0121764286

**هارد روك** · 15-08-2009, 04:53 PM

علشان نعمل شغل جامد فى الإسكندرية
إحنا ممكن نلبس كلنا جلبيات وعمم ويمسك كل واحد فى إيده شعله ونمشى بالليل فى الإسكندرية ونقول جواز عتريس من فؤادة باطل ....باطل ....باطل ونروح مولعين فى أى مكان

**face your fear** · 15-08-2009, 04:59 PM

مش عارف اقولك اية هارد روك دمك اخف من الشربات انت شارب اية على الصبح سحلب مانجة يخرب بيت خفة دمك

**KaTy 3G** · 15-08-2009, 05:52 PM

المشاركة الأصلية كتبت بواسطة هارد روك

علشان نعمل شغل جامد فى الإسكندرية
إحنا ممكن نلبس كلنا جلبيات وعمم ويمسك كل واحد فى إيده شعله ونمشى بالليل فى الإسكندرية ونقول جواز عتريس من فؤادة باطل ....باطل ....باطل ونروح مولعين فى أى مكان

طيب حضرتك بتقول كده على اساس ايه

هو احنا مجانين ولا حاجه يا باشا التجمع معمول

عشان الاخوه الاعضاء يتعرفوا بالمشرفين و نتكلم فى امور

تخص المنتدى و تقدمه و معرفه ما هيا المشاكل اللى تقابل الاعضاء

و ده ميمنعش ان يكون فى ترفيه و هزار و ضحك و لعب كمان بس مش بالطريق ديه

**MA7MOD SOFT ™** · 15-08-2009, 06:01 PM

انا بقى ورى كاتى واحمد فوزى بس اهم حاجه عاييييييز مينا وبعدين يابفوزى انت وكاتى والنبى رنو عليا علشان هكون فى مكان غير متاح اصلى انا فى الهانوفيل

**KaTy 3G** · 15-08-2009, 06:11 PM

اظبط بس انت المنبه يا عم على الساعه 8 و اصحى و انزل

انا حكون فى سيدى جابر من 9

**face your fear** · 15-08-2009, 06:22 PM

بصراحة مش عارف اقول اية غير انكوا حتنورونا وتشرفونا وياريت اللى جاى من القاهرة يخش على موضوع التقييم لان السخاوى عاوز يعرف حتتحركوا الساعة كام بكرة

**essam3m** · 15-08-2009, 06:55 PM

كان نفسى ابقى معاكم بس بليز حد يصور كل اللى بيحصل ويرفعه على المنتدى

**هارد روك** · 15-08-2009, 09:47 PM

ياجماعة والله معرف أنتم ليه إعتبرتم مشاركتى على إنها مش كويس ليه
أنا إن شاء الله جاى معاكم بكرة وكمان أنا من أول الاعضاء إلى صوتوا على الإسكندرية وكمان إتصل بى الأستاذ أحمد علشان يأكد إنى جاى بس حبيت أهزر شوية مع الأعضاء ومقصدش أى حاجة يا استاذ أحمد ومعرفش ليه حضرتك رديت عليا وقلت ( هو إحنا مجانين ولا حاجه ) أنا مقصدش كدا والله طبعا أنا عارف إن التجمع معمول علشان المشرفين والأعضاء يتكلموا فى إمور المنتدى وكمان تكون صداقة بين الأعضاء
أنا بس فكرت إن العدد هيكون كبير وقلت ممكن الناس تفتكر إن فى مظاهرة فقلت على موضوع عتريس وفؤادة كنوع من الهزار فقط .
بس على العموم أنا أسف لو حد فهم قصدى خطا
وإن شاء الله نتقابل بكرة وتكون رحلة زى الفل