أفكارى


فكرة منظمة؟
أنزل مصر وأدور علي عروسة كويسة وأخطب ويمكن أكتب كتابي كمان وأشتري شقة في مكان كويس وأستقر بقي وأعقل شوية

فكرة مجنونة؟
أنفض لنزولي مصر قبل ميعاد الطيارة بربع ساعة ولأهلي اللي مستنيني في مطار القاهرة وأكمل شغل في الكويت لمدة سنتين كمان من غير ما أقول لحد

فكرة خيالية؟
آخد أجازة شهرين من الشغل وأروح أريح أعصابي شوية في أي مكان بعيـــــد لوحدي أو معايا حد واحد بس - طبعا عارفين مين - وأركب الأمواج وأنزل اصطاد وأتعشي علي ضوء القمر

فكرة غريبة؟
أشتري قطة

فكرة غبية؟
تبقي شركتي في مدينة نصر وانا ساكن في الهرم والمفروض ابقي في الشركة الساعة 9 صباحاً

فكرة واقعية؟
إن فعلاً الشركة في مدينة نصر وأنا ساكن في الهرم والمفروض أبقي هناك الساعة 9 صباحاً

فكرة تجارية؟
أنزل مصر وأفتح سينترال أو سايبر

فكرة خسرانة؟
أنزل أفتح محل ملابس أو جذم أو شنط حريمي في شارع متفرع من شارع متفرع من شارع رئيسي

فكرة غير متوقعة؟
يجيلي عقد عمل في الداخل - في مصر يعني - واسيب بلاد بره واشتغل في بلاد جوه - مصر برده

فكرة متوقعة؟
ده اللي حصل فعلاً

فكرة مرعبة؟
أفجر نفسي في احتفالات 6 أكتوبر اللي جاية

فكرة رومانسية؟
أقعد أحب في واحدة 3 سنين وهي تحب فيه 3 سنين علي النت، بعد كده نبدأ نتكلم في التليفون 3 سنين وبعدين نتقابل ونخرج مع بعض 3 سنين كمان، وبعد كده أفكر اتقدملها في خلال 3 سنين

فكرة غير رومانسية؟
أن أهلها يوافقوا عليا

فكرة مشتركة؟
أنفض لكل الأفكار دي وأفكر في ماتش الأهلي اللي جاي في الدوري