مشكلة الشبكة في موبايل sony c4
السلام عليكم
معايا موبايل sony c4
الشبكة مش شغالة فية كويس
شوية تثبت وتبقا كويسة وفاجأة تروح خالص
هوا بخطين
الشبكة الاتصالات بتكون احلي من فودافون ونفس الكلام برضو ف الاتصالات ساعات بتروح وترجع تاني
الموبايل معملتلهوش اي سوفت ولا اي حاجة ولا بيسخن الموبايل شغال طبيعي جدا بس المشكلة هي الشبكة بتقطع خالص وبترجع تاني ومش ثابتة
وساعات بتبقي ضعيفة جدا شرطة ولا اتنين بالكتير
ممكن حل للموضوع دا
شكرا
عملت للجهاز ضبط مصنع لاقيت نفس المشكلة برضو مافيش اي جديد
فين المساعدة ؟؟؟؟؟؟؟
افتح الغطاء الخلفي للجهاز وارفع ريش الهوائي لفوق شويه
هتلاقيهم ريشتين جنب بعض لونها ذهبي
بسم الله الرحمن الرحيم
(سُبْحَانَكَ لَاعِلْمَ لَنَا إِلَّا مَا عَلَّمْتَنَا إِنَّكَ أَنتَ الْعَلِيمُ الْحَكِيمُ )
صدق الله العظيم
تسلم اخيالمشاركة الأصلية كتبت بواسطة mohanour
الحمد لله عملت اللي انت قولتة بالظبط والشبكة تمام جدا وثابتة
ربنا يباركلك يارب
الف شكر ع المساعدة وكل سنة وحضرتك طيب
الحمد لله علي حل مشكلتك تسلم
بسم الله الرحمن الرحيم
(سُبْحَانَكَ لَاعِلْمَ لَنَا إِلَّا مَا عَلَّمْتَنَا إِنَّكَ أَنتَ الْعَلِيمُ الْحَكِيمُ )
صدق الله العظيم
انا قاعدة ادور على حل للمشكله دي على النت كله مش لاقي لغايت ما لاقيت الموضوه ده وردك عليه .
هو انا مش عارف هل الريشتين دول اللى هما الكبل الصغير اللى لونه اصفر اللى طالع من البطاريه ولا لاء بس انا رفعته حبه ورجعته تاني والموب اشتغل يومين كويس وبعد كده رجع قطع الشبكه تاني معنه من جوه الفون لما بدخل على الخطوط قارئ ان ف خطين وجيبهم بأساميهم .
هل ف حل اقدر اعمله . الموب متعملهوش صيانه ولا ف اي مشكله تاني غير انه على غفله كده حصله انه كان بيقطع الشبكه وترجع تاني لغايت مفصلت خالص . ولما شيلت الكابل اللى طالع من البطاريه ورجعته تاني اشتغلو بس يومين وفصلو تاني خالص ومش راضين يرجعو تاني ؟
ولا يهمك الريش اللي هترفعها حضرتك اهي داخل العلامة الحمراء . ارفعهم شويه لفوق ونظف مكان التلامس بتاعهم في غطاء الموبايل ..
اتفضل ..
بسم الله الرحمن الرحيم
(سُبْحَانَكَ لَاعِلْمَ لَنَا إِلَّا مَا عَلَّمْتَنَا إِنَّكَ أَنتَ الْعَلِيمُ الْحَكِيمُ )
صدق الله العظيم
حاضر هعمل كده بس دلوقتي بقي ف حاجه تاني جديده خالص وهي ان الموبيل بقي يفصل لوحده خالص .
اول مره فصل فيها كنت بشغله تاني وبعدها يفصل تاني بشويه . وفضل كده لغايت ما قفل ومش رضي يفتح تاني غير بعدها بفتره ولغايت دلوقتي كده يفصل خالص معنه مشحون وميفتحش غير مثلا لما اسيبه يوم واجي اجرب تاني يوم يشتغل ويبقي تمام وبعد كده يفصل تاني مع اي اهتزاز ليه طول مهو مسطح وعلى حاجه ثابته يفضل شغال . مش عارف ايه اللى حصله كده
بجانب الجزء اللي معلم عليه ف الصوره ده مش عارف هل هو المفروض يكون مقسوم لجزئين جزء بيكون ف البورده بتاعه الفون وجزء لاصق ف ظهر الفون ؟ ولا هو المفروض يكونو جزء واحد يعني ملحومين ف بعض . مع توضيح ان الجزء اللى ف البورده مش ملحوم فيها . سايب خالص مجرد ممسك الفون هتقع عكس الجزء اللى ف دهر الفون لاصق ف الدهر فا هل ده صح ولا الكلام ده ملهوش علاقه بحاجه ؟
انا بعتذر لو اسئلتي ممكن تكون بدائيه او ملهاش علاقه بالمشكله بس بحاول اوضح كل حاجه تقدر تخليك تساعدني ف الحل
التعديل الأخير تم بواسطة islamsaad10 ; 17-02-2018 الساعة 12:15 AM
بالنسبة للموبايل لما بيفصل لوحده فده لأن الفلاته بتاع البطارية بتتهز من مكانها فبتخلي البطارية تفصل الجهاز ..فياريت تركب الفلاتة الخاصة بالبطارية كويس وممكن تحط فوق الفلاتة قطعة دبل فيس صغيرة علشان تضغط علي الكونكتور بتاع البطارية ...
حاضر هعمل كده بس دلوقتي بقي ف حاجه تاني جديده خالص وهي ان الموبيل بقي يفصل لوحده خالص .
اول مره فصل فيها كنت بشغله تاني وبعدها يفصل تاني بشويه . وفضل كده لغايت ما قفل ومش رضي يفتح تاني غير بعدها بفتره ولغايت دلوقتي كده يفصل خالص معنه مشحون وميفتحش غير مثلا لما اسيبه يوم واجي اجرب تاني يوم يشتغل ويبقي تمام وبعد كده يفصل تاني مع اي اهتزاز ليه طول مهو مسطح وعلى حاجه ثابته يفضل شغال . مش عارف ايه اللى حصله كده
بجانب الجزء اللي معلم عليه ف الصوره ده مش عارف هل هو المفروض يكون مقسوم لجزئين جزء بيكون ف البورده بتاعه الفون وجزء لاصق ف ظهر الفون ؟ ولا هو المفروض يكونو جزء واحد يعني ملحومين ف بعض . مع توضيح ان الجزء اللى ف البورده مش ملحوم فيها . سايب خالص مجرد ممسك الفون هتقع عكس الجزء اللى ف دهر الفون لاصق ف الدهر فا هل ده صح ولا الكلام ده ملهوش علاقه بحاجه ؟
انا بعتذر لو اسئلتي ممكن تكون بدائيه او ملهاش علاقه بالمشكله بس بحاول اوضح كل حاجه تقدر تخليك تساعدني ف الحل
ثانيا الجزء المخلوع (القفص الصاج ) واللي ملزوق في الباب ممكن تخلعه وتركبه مكانه بنفس عدلته ...
بسم الله الرحمن الرحيم
(سُبْحَانَكَ لَاعِلْمَ لَنَا إِلَّا مَا عَلَّمْتَنَا إِنَّكَ أَنتَ الْعَلِيمُ الْحَكِيمُ )
صدق الله العظيم
ضوابط المشاركة
رد مع اقتباس
المفضلات