يا ماما انا مش عاوزة اتجوز

[omarfone]

السلام عليكم ورحمة الله وبركاته

في ضوء الدراما الاسرية نبص بصة على موضوع ماما مش عاوزة اتجوز ده

غالبا الموضوع ده بيحصل في جواز الصالونات ده اذا مكنش كله اللي ممكن نقول فيها الحب بيجي بعد الجواز ده اذا جه اصلا

المهم تيجي الست عطيات والدة الانسة فتكات تقولها
-جاي لك عريس النهاردة .
-تقولها ماما بقولك ايه انا مش عاوزة اتجوز .
-يابنتي انت شوفتيه ولا لسة عرفتيه.
- لا مش عاوزه اعرفه ولا عاوزه اشوف وشه اصلا .
- يابنتي ده عريس لقطة ده مش عارف مين ابن مين اللي عندهم عربية نوعها ايه
وشقتهم كام متر لا وكمان بيقبض كام في الشهر وهيعيشك هنية متهنية تيجي البت تقولها,
- ماما انا قولت لك مش هتجوز يعني مش هتجوز ومعنديش تفتحي الموضوع ده تاني.
مامتها تحاول تقنعها بكفى الطرق مفيش فايدة طبعا المهم تاخدها بالسياسة والبت اللي في راسها في راسها المهم لحد م الحاج باباها بقى يدخل في الموضوع يقولها
- انا موافق وبدام انا موافق يبقى مفيش كلمة بعد كده يوم الجمعه بعد العصر هنقرا الفاتحة
-يابابا
-مفيش بابا اللي انا قولت عليه هو اللي هيتفنذ .
البت تعيط لها عيوطتين وعلى كده ينتهي الحوار لحد ميجي
يوم الجمعه بعد العصر والعريس داخل البيت من بابه ومعاه عيلته وكله قشطة تمام البت تبص له اول بصة تعمل بقى فيها ايه بقى التقيلة اللي مش طيقاه وهاين عليها تولع فيه انما اللي جوا قلبها غير كده المعلمة اول مشافت الاسطى قالت بس هو ده ( اسف على التعبير )
طبعا البت تعمل فيها العبيطة بقى وتعيش الدور ولما يمشي تفضل تعيب لمامتها فيه بقى ذي تقولها زرار القميص مكنش مقفول كويس الشراب بتاعه لونه اسود لو كان ابيض كان هيبقى شكله اشيك
بنات بقى معلش استحملوهم بقى
المهم الفاتحة اتقرت الحمد لله يجي بقى العريس يكتر شوية من الزيارات علشان يتعرف عليها اكتر واكتر كل ده قبل الخطوبة في المده الصغيرة دي ياخدوا على بعض شوية صغيرين وتلاقي قصة حب اتولدت من جديد هنقول عليها حب بس هو مش حب هو شوية استلطاف بس كده قبل الخطوبة علشان الجو يبقى مناسب والبت تقول ياريتني كنت اتجوزته من زمان هو ده اللي بدور عليه طيب يا بنت الحلال تعبتي ابوكي وامك معاكي ليه في الاول في المهاتية دي المهم نخلص الحوار النهاردة على قد كده واعتقد ان الموضوع هيبقى له تكمله ان شاء الله

بس يا ترى انت من النوع بتاع ماما انا مش عاوزة اتجوز وترفضي مبدأ الجواز ومجرد انك تقابلي الشخص يتغير عندك كل ده ولا رايك ايه ؟؟