besm4

مفيش دليل ؟؟؟؟؟

أنا الدليل ..
أنا الدم اللى سال ع الأرض
ما استكفِـت ..
... ... أنا العين اللى صابها الغدر
و اتصفِّـت ..
أنا الأم اللى حرقوا فؤادها ع الغالى
و لبست شال محنِّى بدمه و اتدفِّـت ..

أنا الدليل ..
أنا المخنوق ب سم الغاز على الكوبرى ..
أنا المضروب ب 100 خرطوش على ضهرى ..
أنا اللى العمر راح محنة ورا محنة ..
و قلت شاريكى ولا مرة نفَد صبرى ..

أنا المجنى عليه و اليوم بقيت جانى ..
واللى قتلنى برئ و عيونه ناكرانى ..
خرجوا الديابة من القفص أحرااااار ...
و انا اللى لسه سجين محبوس ف أكفانى ..

يا نكسة كانت ف التاريخ و اليوم بقِت وكسة ..
يا قلوب و متلونة بالغدر و الخِســة ..
لو كنتوا فاكرين حلمنا ممكن يموت ..
متفرحووووووووووش ..


مما راق لي