لن اختار منهم (الغرور - الضعف)

[mohamed183]

طبعا كلنا او معظمنا شاهد المناظرة التى كانت بالامس
بين السيد عمرو موسى و الدكتور ابو الفتوح
و للاسف الشديد حصل مالا كنت اتوقعه
مناظرة اظهرت الضعف السياسى للدكتورابو الفتوح
و الغرور للسيد عمرو موسى
دة غير الاسلوب الغير متوقع بين الاتنين
لدرجه انه بعد المناظرة مفيش حد فيهم سلم على التانى
انا كنت حاسس انى بتفرج على خناقه مش مناظرة
اعترف للجميع انى اخطات عندما اعلنت عن تأييدى للدكتور ابو الفتوح
و الاعتراف بالخطأ مش عيب
لكن العيب انى افضل على رايى لمجرد انى مينفعش ارجع فى كلامى
بصراحة بعد المناظرة و اللى شفته فيها
الاتنين لا يصلحوا
طبعا من وجهه نظرى
اتمنى من كل قلبى اننا كلنا نختار واحد يقدر يقوم بالبلد
و يوحد صفوفها
و كلنا كشعب نساندة و نقف معه
عشان كده انا مش هدى صوته غير للى يستحقه
و ربنا يولى من يصلح

ان شاء الله صوتى للى ممكن يناظر اى احد ويطرح به ارضا
من لا يخاف من اى احد على الساحه ولا من النظام السابق
ونفسى يقع فى مناظره مع عمرو موسى المتلاعب بالكلام
وهوا واحد مننا حمدين صباحى

[mohamed183]

على فكره ياجماعه الصباحى طلب من جميع المرشحين للرأسه ان يناظروه ولكنهم رفضو
هل تعلمون لماذا رفضو
لان اى اتنين من المرشحين هيلاقو حاجات يتهمو بيها بعض
لاكنهم للاسف الشديد لن يجدو شئ يعايرو به حمدين صباحى
ارجو ان رايى مايكونش حكر على احد لانه مجرد رأيى فى الترشيح ل ااكثر

[ABOUSALMA007]

ان كنت حضرتك مويد للدكتور ابو الفتوح
فيه غيرك مويد لل بتقول عليه ثعلب
ياريت بلاش هذه المشاركات

يا اخي انا لا مع هدا ولا مع هدا انا احب الخير لمصر واريد رجلا محترما شريفا يسير بمصر الى الامام اما موسى التعلب فان كان يريد الخير لمصر لكان فعله ايام كان مسوءولا وانا لن اسحب كلمة التعلب حتى ولو كان السيف فوق راسي والجميع يعلم انه ماكر بما فيهم انت متلا عندما سئل عن اسرائيل لمادا راوغ وناور لمادا لم يجيب السوؤال اليست هاته افعال التعالب الماكرة

[ABOUSALMA007]

من السقطات الملحوظه على عمرو موسي

1 الهجوم المستمر على الخصم وتخويف الناس من الخصم مستخفا بعقول الناس

2 بياع كلام حعمل وحعمل
3 ابو الفتوح من خلال سيرته الذاتيه له باع سياسى طويل عمرو موسى اعتلى المناصب فى ظل النظام الفاسد

4 ابو الفتوح ضحى من اجل اصلاح المجتمع موسى ضحى من اجل كرسيه
5 الاجابه على سؤال بسؤال وانتو لاحظتو من المناظره والغرور اللى كان فيه
6 اخدتو بالكو من سؤال ابو الفتوح لموسى
هل اسرائيل دولة عدوة ... هرب عمرو موسي وابي ان يسمى اسرائيل عدو ...
عارفين لية ؟ لانة فاكر ان ممكن اسرائيل تضغط على امريكا وتخلى المجلس العسكرى يزور الانتخابات لصالحة ..
تمام زى ما اللوبي الصهيونى بيضغط في امريكا . ويخلى الانتخابات لصالح المرشح الرئاسي اللى هيعمل لمصلحتة - وخصوصا اننا سمعنا ان عمرو موسي هو المفضل لدى الغرب

نعرض مشاكلناوقضيتنا هنا فى العام لنرى وجهات نظر المختلفه
فالمنتدى هنا مثل مصر تجمع جميع فئات الشعب من مؤهلات دراسيه
منا من على درايه بلعبه السياسه القذره
ومنا من ينساق الى افكار واتجاهات الاعلام الفاسد





ولكل منا وجهه نظر
وعلى فكره انا لسه مدعمتش حد
وليا طلب من اخوانى الاعضاء انت مرشح لفلان
وعضو اخر مرشح لفلان
ياريت نحترم وجه نظر بعض


واخيرا ربنا يولى الاصلح

تحليل منطقي وكلام سليم هو دا الكلام والا فلا

[kohlr2002]

انا عاوز اقول تعليق مهم جدا جدا جدا جدا جدا

بصرف النظر انا هرشح مين او مش هرشح خالص

واحد بيقول علي مرشح تعلب تيجي مشاركه تانيه بان واحد زعل من اللفظ و بلاش المشاركات دي


هو ليه احنا بنزعل من الالفاظ علي المرشحين ..............


سواء كنت مؤيد ام معارض

[احمد مشعل]

ياتري يامصر رايحة علي فين .

[mohamed allam]

ياتري يامصر رايحة علي فين .

ادفع الاجره الاول قبل ماتسال

[احمد مشعل]

ادفع الاجره الاول قبل ماتسال

لا تعليق .

[michel_tango]

بصراحه وديه حاجه وحشه اوى انا شايف من وجهه نظرى بجد بجد

محدش فينا بقا فاهم ايه اللى بيحصل ومين مع مين

ومين على مين

بجد الواحد تعب

وبقيت حاسس ان شعب مصر كله عامل زى رغيف العيش

( لسه طالع من الفرن )

ووقع فى يد عشره احدى عشر نفر مشفوش الاكل من سنين

واللى هيحط ايده على لقمه هايفرمها مش هايكلها

ربنا يعديها على خير

[ABOUSALMA007]

بدون مناظرة ورقة عمرو موسى محروقة وأكثر ما كشف ضعفه وحرقه موقفه الضعيف والذليل في مؤتمر دافوس عندما قام وانسحب رئيس وزراء تركيا طيب اوردغان بعد ان هزأ ومسح بكرامة شمعون بريز الارض رئيس دولة العدو الصهيوني بعد مجازرهم وعدوانهم على قطاع غزة بينما السيد عمرو موسى بقي جالس ذليلا" في المؤتر بدلا" من الانسحاب هو ايضا" وكانت فرصه حتى يسجل له التاريخ موقف بطولي ولرشح بدون منازع للرئاسة لتريدون للمصريين الشرفاء ان يصبحو دليلين متل التعلب انا اقولها صراحة لا لا لدل اخواني المصريين لان متل هذا الموسى يرضى بالدل اكتر من غيره كيف لرجل عمل وزير خارجية في عهد مبارك ان يحلم مجرد حلم برآسة مصر