أصعب حلاتى لما بكون كده
دموعى فى عينى متجمدة
واضحك قصاد الناس وانا الحزين
ودموعى تجرى فى قلبى قبل العين
واسرح فحالى ولا حد واخد باله
تيجى فخيالى تاخدينى م الكون بحالة
دموعى تنزل ألحقها بأديه
ما هو لازم حبك ما يبنش علية
اصعب حلاتى لما بكون كده
مضطر اضحك وانتى بعيد علية
اصعب حلاتى لما بحتجلك
وألقانى مش قادر اجيلك
والدنيا تحكم على قلب مشتاقلك
يتخنق فى حضن غيرك
واحاول أبعد .. وأبعدهم
أجرى عليكى ألمسك
تسعدينى .. فاسعدهم
اصعب حلاتى لما بكون كده
عقلى معاكى وروحى بين ايدهم
اصعب حلاتى يا حلم عمرى الجميل
لما بفوق على كلمة مستحيل
وابكى واتحسر
وقلبى يتكسر
واصرخ وصوتى يوجعنى
وأقول يارب
مفيش فى الدنيا غير حضنها وبس هيسعنى
اصعب حلاتى لما بكون كده
بدعى ورب الكون يسمعنى
المفضلات