كود HTML:
كان هناك دكتور استاذ فى الجامعة يسكن اعلى سباك غلبان مش متعلم
وكل يوم يقابل الدكتور السباك يعمل نفسة مش شايفة علشان ميسلمش علية
ولو حصل وجة الصنايعي يسلم علية يقولة ابعد عنى ريحتك معفنة
روح استحمى
لحد ما الراجل السباك صعبت علية نفسة و بقى يكرة الراجل جدا
لحد ما قرر انة يقطع عنة المية او يسد المواسير ويقللها
خصوصا ان المعلم عكوة الجزار بنفوذة و جبروتة
اتفق مع السباك انة ياخد مية منة
لانة مش موصل المية فى المحل عندة
ومش و بيديلة كل شهر كيلو لحمة ببلاش
لحد ما الدكتور عرف ان السباك ممكن يضرة وانة ممكن يمنع عنةا لمية خالص
فراح غير طريقة معاملتة معاة وبقى كل ما يشوفة ياخدة بالحضن و يقولة اية الريحة الحلوة دى
تعالى احنا حبايب
والراجل السباك يبصلة ويضحك ضحكة سخرية لانة عارف ان الدكتور جر ناعم لانة محتاجة مش محبة ولا حنية
ولما الاسلوب الساذج بتاع الدكتور فشل
الاسلوب اللى كان عامل زى اسلوب عم ايوب فى المسرحية
تعالى لحمو يا ولا
راح الدكتور عزمهم عندة على الغدا وعملهم وليمة
وجة كل اولاد الراجل السباك العزومة
بس للاسف الراجل السباك مرضيش ييجى
لانة عارف ان الدكتور بيعزمة علشان هو محتاجة
وضحك وقال فى سرة
مانا ياما حبيتك و جيت اسلم عليك يا دكتور
وكنت شايف انى معفن وريحتى معفة ومكنتش حتى بتسلم عليا
فراح قال للعيال ولادة روحوا يا ولاد انتوا اتغدوا وكلوا واتبسطوا
اللى ييجى من افا الصعايدة كلة فايدة
وفعلا جة اولادة العزومة لكن ابوهم مراحش
ابوهم قاعد مع عكوة الجزار يتفق على المية و يتفق على ان كيلو اللحمة هيبقى اتنين فىا لشهر وكل ما المية تزيد اللحمة تزيد
وطبعا المعلم عكوة وعدة انة هيقف معاة ضد الكتور لو فكر يضرة
و الدكتور لسة ماشي بالاسلوب الساذج
وجمع ولاد السباك و يدى للولد الاكبر نصيب كبير من الاكل والشرب
ويرمى الفتات للصغير
والولاد برضو فاهمين سبب العزومة
وعارفين ان الدكتور بيعزمهم علشان عاوز ابوهم يديلة المية
لكن هم فرحانين بياكلوا ومبسوطين
وبيضحكوا على الدكتور من تحت لتحت
لانهم عارفين انهم هياكلوا ويتبسطوا
لكن فى نفس الوقت
ابوهم بيتفق مع عكوة الجزار علشان يبيع لة المية
.gif)
لو سمحت : ابعــــــــد عنــــــــى .. ريحتــــــــك وحشــــــــــــــة
لحسن بقت موضة اليومين دول
رد مع اقتباس
المفضلات