عضو غايب ولكنه فى قلب الحبايب
إن شاء الله تكونوا جميعاً بخير وصحة وعافية
الموضوع اللى هتشوفوه دلوقتى مش علشان نرحب فيه بحد
الموضوع دا علشان يفكرنا بالأعضاء اللى وحشونا ونفسنا يرجعوا تانى ، علشان نسأل فيه عن أى عضو غاب عننا ومش عارفين أخباره
يمكن يكون حد تانى يعرفه ويطمنا عليه .
مش كده وبس الموضوع دا هيبقى عبارة عن سجل لكل الأعضاء أى حد عايز يغيب عن المنتدى لظروف خاصة بيه يدخل هنا ويقولنا قبل
ما يسبنا ويطلب اجازة مننا علشان يبقى فى تواصل دايم بين الأعضاء .
اللى اوحى لى بفكرة الموضوع إن فى اعضاء كتييير غايبين عننا وكان لهم بصمات مؤثرة وواضحة من بداية إنشاء المنتدى لحد دلوقتى
بس للأسف مش عارفين عنهم اى حاجة .
وكمان ان الاخ عطية الايام الا فاتت
كان تعبان شويا
وللاسف زعل جدااااا
لان ولا واحد مننا سال عليه
احساس انك تبقى منتظر اصحابك يسألوا عنك ومحدش منهم يعبرك بيبقى مش ظريف خااالص ، فياريت هنا نسأل عن الغايبين ونحاول
نطمن عليهم ، وياريت اللى عايز يبعد عنا شوية يدخل هنا برضو ويقولنا انه هيسيبنا شوية وراجع تانى .
إن شاء الله يكون فى تفاعل مع الموضوع ، وياريت يتثبت كمان من قبل الإدراة لأن بجد لو الفكرة نجحت ولو الأعضاء اللى مشيوا حسوا
باحتياجنا لهم إن شاء الله يرجعوا من تانى و نقضى أجمل أيامنا سوا .
رد مع اقتباس
المفضلات